Семинар для воспитателей детского сада

Тақырыбы: «Ата-аналарды тәрбие білім-беру үрдісіне тарту стратегиялары»

Сәлеметсіздер ме, құрметті әріптестер!

Мақсаты: ата- аналарды тәрбие білім-беру үрдісіне қатысуын ынталандыру.

Көрнекіліктер: таратпа материалдар, ватман, стикер, қайшы, түрлі-түсті қағаздар, журналдар.

Барысы:

І. Ұйымдастыру кезеңі / амандасу ....

«Step by step» технологиясының үлкен бір айырмашылығы - оған отбасыларының қатысып, атсалысуы болып табылады. Мұның себебі, отбасы өз балаларына үлкен әсер етеді және олардың алғашқы педагогы болып табылады. Өйткені отбасы өз балаларына бар жақсылықты тілейтіні белгілі. Олар үшін ең маңыздысы - өз балаларының алдарына қойған мақсаттарға жете білетін нағыз азамат болып өсуі. Сондықтан білім беру ата- аналар үшін ашық, оған қажетті түзетулер енгізулеріне мүмкіндік беру керек. Демек, бағдарлама ата- аналардың қатысуын ынталандыруы қажет-ақ.

«Step by step» технологиясы отбасының оған қатысуына түрлі жолдармен жағдай жасайды. Оларды таңдау- отбасы мүмкіндіктеріне, тұрған жеріне, жеке басына және әлеуметтік жағдайларына байланысты. Оған қатысудың барлық түрлері мақұлданады.

Ұжым тәрбиешілері мен отбасылар арасындағы хабар алмасу- «Step by step» технологиясында ең маңызды міңдеттердің бірі болып саналады.

Ата-анамен жүргізілетін хабар алмасу жұмыс түрін атап, көрсетсеңіздер:

• Анкета

• Сауалнамалар

• Жиналыстар

• Семинар

• Тренинг

• Дөңгелек үстел

Ойларыңыз дұрыс, баланың өсіп жетілуіне және өзгеруіне, олардың отбасына не қажет екенін, олардың мұң-мұқтажын , осындай жұмыстар арқылы біліп отырамыз.

«Step by step» технологиясы бойынша жұмыс істейтін мекемелер, мұнда келетін баланың отбасы мүшелерімен кездесуге мүмкіндік алатын, материалдар, қажетті заттар алмасатын, сондай-ақ, баланың дамуы, денсаулығы, тәртібі және оларды алаңдататын басқа да мәселелер жөніндегі хабарлармен танысатын, отбасы бөлмелерін ұйымдастыруы тиіс.

Отбасы сізбен тек қана жеке басына қатысты мәліметтерімен бөлісе алады және сіздің міндетіңіз - оларды құпия ретінде сақтай білу. «Step by step» технологиясының құпиялылық принципі негізге алынған және ата- аналар тәрбиешілірмен бірге оны қатаң түрде сақтауға тиіс.

Көптеген тәрбиешілер балаларды бала бақшаға алып келген кезде немесе одан алып кететін кезде ата-аналармен қарым-қатынас үшін осы уақытты пайдалануға тырысады. Осы сәтте олар ата-аналарға сол күннің ішінде болған оқиғалар туралы, сәбидің жетістіктері туралы хабарлай алады, алда болатын жиналыстар мен басқа да оқиғалар туралы есіне сала алады.

«Step by step» технологиясында біз бақытты сәт пен хабарландыру тақтасын қолданамыз.

Хабарландырулар тақтасы не ілінеді деп ойлайсыздар? (ауызша әрбір стол ойын айтады).

-Оған жиналыс туралы хабарландыру

- балалардың дамуы мен басқа да маңызды нәрселер туралы ақпарат

- күндізгі күн кестесі

- ерікті жәрдемшілерге арналған қол қою парағы

- ата-аналарға арналған нұсқауларды іліп қоюға болады.

«Step by step» технологиясында ата -аналарға бейресми түрде ақпарат берудің басқаша тәсілі- бұл хабарландырулар тақтасы болып табылады. Хабарландырулар тақтасының ашық түсті және әсем болғаны, сондай- ақ ақпаратттың жиі- жиі ауыстырылып отырғаны дұрыс.

Топпен жұмыс. Хабарландыру тақтасын жасату (ватман, қайшы, түрлі-түсті қағаз, желім, мата, ленталар, моншақтар, стразылар)

Егер тақта сирек жаңартылатын немесе нашар безендірілетін болса, оған ата-аналар назар аудармайды. Міне, сіздердің тақталарыңыз әдемі, көз тартарлық тамаша, эстетикалық талғамға сай.

Хабарландыру тақтасын пайдалану жөніндегі кеңестер: (тарату)

• Ақпарат ересектер көздерінің деңгейінде орналастырылады.

• Хабарландыру тақтасының мазмұнын аптасына кемінде бір рет жаңартып отырыңыз, өйтпеген күнде жұрт оған назар салуды қояды.

• Әрбір адамға тақтадан өзінің немесе өз сәбиінің тегін немесе фотосуретін көру жағымды әсер ететінін есте сактаңыз.

• Ата - аналары өз балаларының немен айналысатынын білуі үшін, балалардың жасаған жұмыстарын көрмеге койыныз.

• Ақпарат қысқаша түрде болуға тиіс.

• Ата- аналардың хабарландыруды безендіруге қатысуын сұраңыз.

• Ата- аналарға жіберілетін жеке жолдау хатта бағдарламаға қатысқаны үшін білдірілетін алғыс нысанында болуға тиіс.

• Тақтаны жасауды екі педагогқа тапсырыныз. Бұлай жасау әрі жеңіл әрі көңілді.

Ата -аналармен байланыстың бір түрі, бәрімізге ортақ - ол ата-аналар жиналысы.

«Step by step» технологиясында ата-аналар жиналысы бейресми түрде өткізіледі. Бейресми дегенді қалай түсініздер?

Әдетте мұндай кездесулер 30 минуттан 45 минутқа дейін созылады.

Кездесуді ата- аналарға ыңғайлы уақытқа белгілейміз. Ата- аналарға жиналыстың мақсаты туралы хабарлаңыз. Кофе немесе шәй әзірлеңіз және егер қажеттілік болған жағдайда сіз әңгімелесіп отырған кезде сәбиге қарайтын адамның болғанын да қарастыруды ұмытпаңыз. әңгімені сәбидің жетістіктері мен оның дамуы туралы жақсы ақпараттан бастаңыз. Бәлкім ата- аналар өзін жайлы сезінуі үшін сіздің сәби туралы көп кездесетін әлдебір оқиға туралы әңгімелеп бергеніңіз дұрыс болар.

Біздің жұмысымыздың алға жүруі ата-аналарға байланысты болғандықтан ең бірінші біз ата-ананы жақын біліп танысуымыз керек. Олай болса, біз сіздерге ата-анамен ойнайтын «Lets get acqwainted» (летс гет әкюейнтид) ұсынамыз.

«Танысу» жаттығуы

Мақсаты: Топта ұйымшылдыққа тәрбиелеу, бір - біріне мейірімділік қарым-қатынасқа тәрбиелеу.

Керекті құралдар: ватман, фломастер, маркер, журналдар, түрлі-түсті қағаздар, қайшы.

Шарты: Міне сіздер барлықтарыңыз бір-бір отбасысыздар. Енді әрбір топ өзінің отбасы презентациясын жасау керек. Сіздер 5 минут аралығында өз отбасыларыңызды сурет немесе апликация түрінде бейнелеу керексіздер.

Мысалы: орман - емен әкесі, шырша - анасы, түлкі - қызы деген сияқты.

Міне, бұл тәжірибе тәрбиешілер мен ата-аналардың тығыз байланыста жұмыс істеуіне ықпалын тигізеді.

«Step by step» технологиясының тағы бір ерекшелігі- отбасы мүшелерінің топта болуы.

Орындау стандарты: Ата-аналарды ерікті көмекшілер ретінде топтың өміріне қатысуға және бағдарламаны жүзеге асыруға байланысты басқа да қызмет түрлеріне тартыңыз.

Отбасылар мектепке дейінгі бағдарламаға белсенді түрде қатысқан кезде бұл олардың барлығына да- тәрбиешілерге де, ата-аналарға да, балаларға да тиімді болмақ. Сіздердің балабақшаларыңызда тек қана «Ашық есік» күні, ертеңгіліктерде, спорттық ойын-сауықтарға шақырасыздар. Ал «Step by step» технологиясы бойынша біздің ата-аналар өздері қалаған кезде келіп қатыса алады.

Отбасы мүшелерінің топта болу маңыздылығы.

Отбасы үшін пайда:

• Ата-ананың бала тәрбиесіндегі белсенділігі артады;

• Бағдарламаға жеке қатыстылығын сезінеді;

• Олардың сәбиі басқалармен қалай қарым-қатынас жасайтынын көреді;

• Балалар дамуы туралы көбірек түсіне бастайды;

• Педагогтік ұжымды жақсырақ біледі және оны көбірек сыйлай бастайды;

• Балалармен үйде рақаттана айналысатын қызмет түрлерін үйренеді;

• Олар туралы үйде айтып берген өз балаларының достарымен танысады;

• Басқа ата-аналармен ұзақ мерзімдік достық байланыстар орнатады;

• Үйде сәбидің бағдарламаны игеріне көмектесу мүмкіндігін алады.

Педагогтік ұжым үшін пайда:

• Жекелеген балалармен көбірек уақыт өткізе және шағын топтармен жұмыс істей алады;

• Ата-аналардың өз балаларына қандай себеп артатынын түсінеді;

• Өз балаларының білім алуына ата-аналардың қалай көмектесетінін көре алады;

«Step by step» технологиясының ата-анамен тағы бір жұмыс түрі - ұсыныс, пікір дәптері. Ол біздің қабылдау бөлмесінде тұрады. Егерде ұсыныс жазылып жатса, ол жиналыстарда талқыланады.

"Ата-аналар баланы тәрбиелегенде дәл өзіндей етіп тәрбиелеуге тырыспау керек, олар баланы өзінен күшті етіп тәрбиелеуі тиіс. Өйткені олардың заманы ата-аналарының өмір сүріп отырған заманына қарағанда анағұрлым күрделі, талабы жоғары болатынын ұмытпаған жөн" М.Жұмабаев айтқандай жас ұрпақты парасатты, саналы етіп тәрбиелеу отбасы мен балабақша қызметкерлерінің басты міндеті.