Ертеңгілік Қош келдің Наурызым

«Бота» тобы салт-дәстүрге сай «Қош келдің Наурызым!» атты тақырыпқа безендіріледі. Фонограммада «Сарыарқа» күйі ойнап тұрады. Ұлттық киімдегі ұлдар мен қыздар шығады да отырады, бәрі де жарқын жүзді, көңілді. Бір-бірлерін мерекелерімен құттықтап, құшақ жайып, төс қағыстырып амандасады. «Наурыз құтты болсын, ұлыс береке берсін, ақ мол болсын, той мереке-думан басталды», - деп шуласып жатады.

Мақсаты: Қазақ халқының Жаңа жыл «Наурыз» мерекесін тиісті деңгейде атап өту. Халқымыздың салт-дәстүрін шашу, айтыс пен ұлттық ойындарды қолдана отырып балалардың шығармашылығын арттыру, балаларға патриоттық тәрбие беру. Келе жатқан жас буынның бойыларына ұлттық мереке арқылы отаншылдық қасиетті жандандыра түсу.

Жүргізуші: Естімеген естігіңіздер!

Тыңдамаған тыңдаңыздар Жасмин

Ауылда той басталды.

Жүргізуші: Тыңдаңыздар, тыңдаңыздар.

Той дабылын қағып тұрған мына біз бар! Ж.Айлана

Жүргізуші: Уа ағайын халайық,

Мұнда назар салайық. Жасмин

Мерекесі халықтың

Наурыз тойын бастайық.

Жүргізуші: Ән мен күйді төгілтіп

Інжу-маржан шашайық! Назгүл

Жиналған жұрт таң қалсын

Өнерден шашу шашайық!

(Ақ жаулықты ана - Гүларай қызымыз қолына тәттілер салынған тостағанмен көпшілікке қарап шашу шашады)

- Шашу, шашу, көп шашайық шашуды

Жауғандай көк аспаннан нөсер жаңбыр Әлия

Шашу, шашу, шашу

Ұлыстың ұлы күні береке әкелсін

«Наурыз құтты болсын» -

• Көңілім дархан, несібем мол болсын десеңдер Назгүл

Шашылған шашудан дәм татыңыздар

Ән «Наурыз достық мерекесі».

1.Наурыз келді еліме,

Наурыз келді жеріме. Гүларай

Байлық, бақыт тілеймін,

Бүкіл қазақ еліне.

2. Жыл басы - Наурыз мереке,

Ақ нұрға әлем боянды. Анель

Наурыз тойы береке,

Тіршілік жаңа оянды!

3. Наурыз тойы салтанат,

Наурыз тойы мархабат. Думан

Әр жүректен ән тарап,

Шаттанады шартарап.

4. Жылдың басы Наурыз,

Жердің басы Наурыз. Жанель

Мерекеге арналсын,

Бүгінгі жыр-әніміз.

Жүргізуші: Ән «Келді біздің Жаңа жыл!»

Жүргізуші: Ей, балалар, балалар,

Енді маған қараңдар! Жасмин

Наурызды тойлайық,

Қызық ойын ойнайық.

Қазақтың ұлттық ойыны: «Аударыспақ»

(балалар қызықтап ұлттық ойынды ойнайды).

Жүргізуші: Бүгін күн мен түн теңелді,

Жер шуаққа кенелді. Ж.Айлана

Наурыз тойы салтымыз,

Кемелденсін халқымыз.

Айтыссыз мына өмірдің несі көктем,

Көкейін тыңдаушының риза еткен. Назгүл

Айтыс өнері. Айтысатың айтыскер ақындарымыз Сара - Алема қызымыз және Біржан сал - Сайран ұлымыз қабыл алыңыздар.

Ұл: Ата-бабам дәстүрін,

Үйренуден қашпаймыз.

«Айтыс» десе сәнденіп,

Қыздар іздей бастаймыз.

Қыз: Біржан болып сен келсең,

Ақың Сараң мен болам.

Сәйгүлік болып сен шапсаң,

Аққу құсыңмен болам.

Ұл: Біздің топтың ұлдары,

Шеттерінен ақылды-ақ.

Жұмбақ, тақпақ бұл тойға,

Айтып берер тақылдап.

Қыз: Үй жабдығын бұл тойға,

Біздің қыздар сәнденді.

Қонақ күтіп, ән салды,

Ұлдарынан кем бе еді.

Ұл: Түрлендіріп қамшы өрсем,

Қыздарың таң қалады.

Күмбірлетіп күй шертсем,

Мұнда думан болады.

Қыз: Мақнаңдың ғой жігітім,

Өнеріңді көрейік.

Көрсет снді қамшыңды,

Біздер баға берейік.

Ұл: Тойға барам деген соң,

Домбыра ұстап жетіп ем.

Шашақталған қамшымды,

Үйге тастап кетіп ем.

Қыз: Қоштасайық халықпен,

Ақындарын пір тұтқан.

Сөз өнерін шөлдегенде,

Рақаттана бір жұтқан.

Жүргізуші: Наурыз келді алақай, Жасмин

Кел билейік балақай.

«Қуыршақ» биі қыздардың орындауында.

5. Наурыз тойын әдемі,

Әжем еске түсірді.

Біздерге арнап әдейі

Наурызкөже пісірді. Ксения

Ашылды да кебеже,

Дәм әзірлеу басталды.

Әжем Наурызкөжеге

Жеті түрлі ас салды.

(Наурызкөже туралы айтып кету).

6. Наурыз тойы тамаша,

Наурыз тойы жаңаша. Амира

Табиғат та тамаша,

Тамылжып тұр жараса.

7.Кектем келді, балақай,

Жасарды жер алақай. Б.Айлана

Наурыз тойын тойлайық

Әсем әнге салайық.

Ән «Көктем» орындайтын Осипова Айсана мен Ханафия Төрехан.

8.Наурыз - бұл мереке,

Құтты болсын береке. Ренат

Қыдыр ата келсін,

Жақсы тілек әкелсін.

9.Наурыз жауын, наурыз сән,

Әсем әуен, сазды ән. Берік

Қыз боз бала қыдырған,

Жасыл желек, көк аспан.

10. Жарқырап тұр күніміз, Жайқалсын жас гүліміз. Бақта бұлбұл сайрасын. Жанайым

Сәнді көктем нұрымен, Наурыз тойы жырымен,

Көңілім гүлдей жайнасын.

Жүргізуші: Үлкендерді сыйлайық, Ж.Айлана

Батасын тыңдайық.

Бата беру.

(«Абай» ауылдың ақсақалы бата береді).

Асын,асын,асына. Береке берсін басына.

Біздің үйді жорғалап,

Қызық келсін қасына. Жегенде май болсын, Берік Қызығын көп болсын.

Денсаулық зор болсын, Ақ мол болсын, Еңсесін алла берсін

Әумин!

(« Ақан» ауылдың ақсақалы бата береді).

Ұлыс оң болсын!

Ақ мол болсын,

Қайда барсаң жол болсын!

Өмір жасың ұзақ болсын! Алишер

Төрт түлік ақты болсын!

Ұлыс береке берсін!

Осы батам жақсылық алып келсін!

Әумин!

Жүргізуші: Наурыз құтты болсын!

Деніміз сау болсын! Жасмин

Наурыз тойы келе берсін,

Барлық халық бақытты болсын,

Қош, сау болыңыздар, хадлайық!

Тәрбиешілердің қонақтарға тілектері мен алғыстары.