- Преподавателю
- Дошкольное образование
- «Аюға қонаққа барамыз» атты балалардың денсаулығын дәстүрлі емес жабдықтарды қолдана отырып сауықтыру іс-шарасы
«Аюға қонаққа барамыз» атты балалардың денсаулығын дәстүрлі емес жабдықтарды қолдана отырып сауықтыру іс-шарасы
Раздел | Дошкольное образование |
Класс | - |
Тип | Конспекты |
Автор | Бустекбаева Г.Т. |
Дата | 07.12.2015 |
Формат | docx |
Изображения | Есть |
«Аюға қонаққа барамыз» атты балалардың денсаулығын дәстүрлі емес жабдықтарды қолдана отырып сауықтыру іс-шарасы.
Күні:
Білім беру саласы:Денсаулық, таным.
Тақырыбы: «Аюға қонаққа барамыз».
Мақсаты:Балалардың дене бітімдерінің дұрыс қалыптасуын қадағалап,дәстүрлі емес құрал-жабдықтарды пайдалану арқылы денсаулықтарын нығайту.Қимылды ойындарға қызығушылықпен қатысуға тәрбиелеу.
Қолданылатын көрнекі құралдар:,түсті шашақтар,массажды кілемшелер,таяқшалар және т.б. ойынға қажетті заттар.
Билингвальды компонент :аю-медведь,күн-солнце,бал-мед,қар-снег.
Балалар шеңберге тұрады.Қонақтармен үш тілде амандасады.
-Балалар,біздің топқа хат келіпті. Кәне,ашып көрейік,хат кімнен келген екен?
Хатты кім жібергенін білу үшін,мен сендерге жұмбақ айтамын, сендер жауабын тауып көріңдер.Шешуін тапсаңдар,хат кімнен келгенін білесіңдер.
Жұмбақ.
Жеміс-жидек жегенім
Балды жақсы көремін.
(Аю)
-Дұрыс айтасындар,хат аюдан келген екен.
-Балалар,аюды орысша қалай атайды?
-Медведь.
-Жарайсындар,балалар.Мен хатты ашып оқиын,сендер мұқият тыңдандар.
Хатты оқу.
Сәлеметсіндер ме, балалар?Қалдарың қалай? Мен аздап ауырып қалдым. Орманда жалғызбын,жанымда басқа аңдар да жоқ ,сендерден көмек сұраймын.Маған қонаққа келулеріңді өтінемін.Сәлеммен аю.
-Аюға көмектесуге барайық па?
-Иә,барайық.
-Балалар,біз орманға аюға бару үшін,ұзақ жол жүреміз.Жолымызда әртүрлі кедергілер кездесуі мүмкін.Кедергілерден дұрыстап өтуіміз қажет,сондықтан денемізді шынықтырып алайық.
-Балалар,мына шашақтармен жаттығу жасаймыз.
Жан-жақты дамыту жаттығулары.
Аяқ бұлшықеттеріне арналған жаттығулар.
Тыныс алу жаттығуы: «Шашақтарды үрлеу».
-Жарайсындар,балалар.Кәне балалар,мұрнымызбен дем аламыз,аузымызбен дем шығарып,шашақтарды үрлейміз
Енді балалар ормандағы аюға мына жолмен барайық.
Жолмен жүру(«жұлдызқұрт»)
Мақсаты:балалардың табанына массаж жасау үшін және майтабандылықтың алдын алу.Қан айналымын жақсартады.Аяқ бұлшықеттері мен буындарын жетілдіреді.
-Балалар,мына кедергілердің арасымен айналып жүріп өтеміз.Таяқшалардан қос аяқпен секіріп өтеміз.
-Жарайсындар,балалар .шаршаған боларсындар,енді аздап дем алып алайық.
Тыныс алу жаттығуы: «Бөтелкедегі жел»( Ветерок в бутылке )
Мақсаты:Тыныс алуды жақсарту үшін қолдану.
-Балалар, біз дем алдық,енді ары қарай жолымызбен жүрейік.(қарындаштардан жасалған жол)
-Балалар,қараңдаршы,мына іздер аюдың ізі сияқты,біз орманға таяп қалған сияқтымыз.Кәне, осы іздермен жүрейік.(түйме тігілген іздер)
Қорбаңдаған аюдың
Құлпынайы көп екен.
Теріп-теріп алайық
Қалтамызға салайық.
-Міне, балалар,біз орманға аюға келдік.
Аю:-Сәлеметсіңдер ме, балалар?
-Аю,біз саған көмекке келдік. «Шынықсаң,шымыр боласын»дегендей жаттығулар жасасан,сергек боласын.Балалар ұзақ жол жүрді,олар шаршады, отырып аяқтарына жаттығу жасап алсын,
кел,сенде бірге жаттығулар жаса.
Таяқшаларды аяқтарымен домалату.
Мақсаты:майтабандылықтын алдын алу.
-Енді,қолымыздың қимыл-қозғалысын жақсарту үшін,саусақтарымызға жаттығу жасайық.
-Балалар мынау не?
-Күн.
-Орысша қалай атаймыз?
-Солнце.
«Күн» қол-саусақ қимылын жаттықтыру үшін арналған жаттығу.
Мақсаты:балалардың саусақтарын жаттықтыру. Қолдың қимыл-қозғалысын жақсарту үшін.
-Балалар,енді арқамызға жаттығу жасайық.
Тренажер «Пружинка» (арқаға арналған жаттығу )
Аю:-Балалар, менің көңілім көтеріліп қалды.Егер жаттығу жасасан,сергек болады екенсін.Мен өзім білетін жаттығуды сендермен бірге жасағым келіп тұр.
Жаттығу «Бір оңға, бір солға»
-Жарайсындар, балалар.Қай мезгіл болады?
-Қыс.
-Орыс тілінде қысты қалай атаймыз?
-Зима.
-Қыста далада не жатады?
-Қар.
-Қарды орысша қалай айтады?
-Снег.
-Жарайсындар, балалар.
Аю:
-Мен сендермен ойын ойнағым келіп тұр.
Ойын: «Қар лақтыру»
Шарты: «қар түйіршіктерін» бір-біріне лақтырып ойнайды.
Мақсаты:балалардың қимыл-қозғалысын жетілдіру.Көтеріңкі көңіл-күй сыйлау.
-Балалар,аю нені жақсы көреді?
-Балды.
-Орыс тілінде балды қалай атаймыз?
-Мёд.
Аю:дұрыс айтасындар,мен балды жақсы көремін.
Денсаулық үшін балдың пайдасы мол.Мен сендерге сыйлыққа бал беремін.Күн де суытты.Қыста сендер ауырмау үшін,балды сүтке қосып ішіндер.Келгендеріне рахмет,менің көңіл-күйім көтерілді,мен енді денсаулығым үшін үнемі жаттығулар жасап жүремін.Сау болыңдар!
-Балалар,енді келген жолымызбен тобымызға қайтайық.
-Балалар, біз кімге қонаққа бардық?
-Қандай жолмен жүріп бардық?
-Бізге қандай пайдасы бар?
-Алдымыздан кезіккен кедергілерден қалай өттік?
-Бүгінгі ойын іс-әрекетіміз сендерге ұнады ма?
Балаларды мадақтау.