Конспект занятия: «Орманға саяхат»

«Орманға саяхат»

Сабақтың мақсаты:

• Балаларға жабайы аңдар туралы түсініктерін кеңейту, молайту.

• Жабайы аңдар қайда мекендейтінің және немен қоректенетінің түсіндіру.

Әдіс тәсілдер: сұрақ жауап, әңгімелеу,дидактикалық ойындар, ой шақыру.

Сөздік жұмысы: жабайы аңдар, қоян, аю.

Сабақ барысы:

-Балалар бүгінгі күн ерекше өткені бүгін бізге қонаққа апайлар келді, кәнеки апайлармен амандасайық.

Балалар қонақтармен амандасады.

-Балалар, қолымызды ұстап , Қуаныш шеңбер құрып аспан, көкпен амандасайық.

Қайырлы таң!

Қайырлы таң аспан!

Қайырлы күн достар!

Барлық жақсылық өзімізге.

-Балалар, бүгін біз жануарлар әлеміне саяхат жасаймыз. Орманда көптеген аңдар тұрады. Орманда қыста суық. Ағаштар көп. Ағаштар үлкен және кішкентай болады. Қар өте көп. Айнала аппақ қар. Қыста шырша жасыл түсті болады. Аспанда көптеген құстар ұшып жүреді.

-Балалар орманда кімдер тұрады? Қоян,аю.

-Бір сөзбен біз оларды қалай айтамыз? Жабайы жануарлар.

-Иа, балалар дұрыс айтасындар. Оларды жабайы аңдар деп айтқаны оларды елсіз далада, күннің ыстығында да, суығында да өз тамақтарын тауып жейді. Ендеше біз сиқырлы поездға отырып орманға аттанайық, келе-келе жатырмыз. Орманға келіп қалдық біз. Орман аялдамасы.

-Балалар, қарандаршы іздер жатыр, іздермен жүрейік. Ой мына дөңбекшенің не екенің білесіндерме? Мен қазір сендерге жұмбақ жасырайын, ал сендер шешуін табындар. Жақсылап ойланыңдар!

Қыс бойы жатады,

Тәтті ұйқыға батады. «Аю»

-Дұрыс, балалар «аю». Балалар, кәнекей аюдың жүрісін көрсетейікші. Ал мына дөңбекше аюдың үйі. Аю қыста не істейді? Дұрыс, аю қыста тәтті тәтті ұйықтайды, қарны ашпайды. Өйткені ол жаз бойы жидек теріп жеп, қысқыға терінің астына май жинайды. Кәне біз аюды оятып ойнауға шақырайық.

Аю, аю тұршы,

Беті қолынды жушы,

Айнаға қарашы,

Шашынды тарашы

Аю мені қушы! (2рет)

-Балалар, аю тұрмайды. Тыныш, тыныш балалар ендеше оятып алмай ақырын кетейік шуламандар. Ой қараңдар мына жерде кішкентай іздер жатыр кәне сендер жұмбақтың шешімін табыңдар. Сосын біз кімнің ізі екенің табамыз.

Қалқиған құлағы,

Елеңдеп қорқып тұрады «Қоян»

-Иа балалар, мына іздер қояндікі. Кәне біз қоян сияқты секірейік. Ой қараңдар сұр қоян.

Ұзын құлақ, сұр қоян

Естіп қалып сыбдырды

Ойлы қырлы жерлермен

Ытқып ытқып секірді.

Сұр қоян сені тез көріп қойдық өйткені сен әлі тоныңды ауыстырмапсын. Сен қыста ақ тон кию керексін, әйтпесе сені қасқыр тез тауып алып жеп қояды. Ақ тоны қар үстінде көрінбейді. Балалар міне қоян тонын ауыстырыпты, енді қоян ақ қарда көрінбейді, қараңдаршы! (тақтада ақ қоянның сұлбасы )

-Балалар, қоян ең қорқақ аң. Ол өз көлеңкесінен қорқады. «Ақ қоян ұршы» тақпағын айтайық.

Ақ қоян -ау, ақ қоян

Күн аязда сен тұрмай

Секір, секір қояным

Аяғымен қолымен

Былай, былай ойнат.

-Балалар қоянда несі бар? Ұзын құлағы, құйрығы бар.

-Құлағы қандай? Қоянның құлағы ұзын.

-Құйрығы қандай? Ұзын.

Қоянға қыста тамақ тауып алу қиын, сондықтан біз қоянға және оның көжектеріне сыйлығымызды берейік. Кім айтады қоян нені жақсы көреді? Сәбізді жақсы көреді. Ал ендеше үлкен қоянға үлкен сәбіз, кішкентай қояндарға кішкентай сәбіз береміз. Ал ендеше біз қоянды үйіне көжектеріне жіберейік.

-Балалар қоян сендерге «рахмет» дейді. Сау бол қоян!

-Балалар бізге топқа қайтуға уақыт келді. Сиқырлы поездға отырып топқа оралайық.

-Келе, келе жатырмыз топқа келіп қалдық біз. Балалар сендерге саяхат ұнады ма? Біз аңдар туралы көп нәрсе білдік. Рахмет, балалар. Мына ақ қағаздағы аңдардың ішінен қоянды іздеп тауып алайық.

-Балалар мен сендерге бір тапсырма берейін сендер ол тапсырманы дұрыс орындауға тырысындар. Мына қояндарды дұрыс жинап алу керек.

-Ал енді өзіміз білетін «Бауырсақ» ертегісін есімізге түсірейікші. Онда бауырсақ қандай аңдарға кездеседі?

-Балалар, қонақтарымызбен қоштасатын уақытта келді, кәне қоштасайық. Сау болыңыздар!