Адамшылық щуағы сөнбесін мәңгілік

Адамшылық шуағы сөнбесін мәңгілік.

Сабақтың тақырыбы: Адамшылық шуағы сөнбесін мәңгілік.

Сабақтың мақсаты: Бүлдіршіндердің бойына рухани-адамгершілік қасиеттерді ұялату.

Өтілу формасы: пікірталас.

Техникалық құрал: диопроектор.

Көрнекілігі: күлімдеген күн, бұлттар, кемпірқосақ, нақыл сөздер.

Сабақтың барысы: Сабағымызды бастамас бұрын шағын диофильм көрсетіледі. Диофильмді көре отырып, ой түйіндейміз.

- Бүгінгі сабағымызға мектеп психологі, балабақша меңгерушісі, балабақша әдіскері,тәрбиешілер сіздермен осы тақырып төңірегінде пікірлесуге келіп отыр.

- Адамшылық деген не?

- Рух дегеніміз не?

- Абай атамыз «жаратылыстың бәрі екі қарамақарсы нәрседен тұрады»деген болатын. Осыған мысал келтіре аласыз ба? Адам бойындағы барлық жақсы қасиеттер рухтан туындайды.

- Ал жаман қасиеттер ше?

- Рухтың мекені қайда деп ойлайсыздар? (бүлдіршіндердің,қонақтардың ойын тыңдау).

Е.Хасанғалиевтің «Бозторғай» әні шырқалады.

- Адамның бойындағы адамшылық қасиеттерді табиғатта не нәрсеге теңдеуге болады?

(ашық аспан, күн сәулесіне) Неге?

(Тақтаға ашық аспан, жарқыраған күн, сонымен қатар, күнді көлегейлеп тұрған бұлттар ілінеді).

• Енді күн шуағы бізге мейірім шуағын төгу үшін аспанды бұлттардан сейілтейік.

(Бұлттардың артында «ой толғау» бағында тапсырмалар берілген).

1-ші бұлт: баяу музыкамен жағымды ой ойлау. (бүлдіршіндердің ойы тыңдалады). Қорытынды: жағымды ойлар адамның бойына қайырымдылық, өмірге сенімділік әкеледі.

2-ші бұлт: нақыл сөздер оқу.

Шәкәрім Құдайбердиев: «Бостандық таңы атты»

Бостандық таңы атты, қазағым, көріңдер,

Арға ие басшылық соңынан еріңдер.

Таң артынан ақиқат күн шығады,

Еріншек, жалқаулық әдеттен безіңдер.

Арамдық, аразды түбімен жойыңдар,

Өмірлік, өсекті біржола қойыңдар.

Намыс, жігер, бойыңа жиып қойып,

Қазымай, адамдық жағында болыңдар.

Бірлік пен талапты еңбекке салыңдар,

Өнерлі елдерден өнеге алыңдар.

Күндестіктің өзімшіл көзін құртып,

Ұмтылып ерікті ел болып қалыңдар.

3-ші бұлт:

Қашаған бидің сөзі. Бірде бір қарт Қашаған биден:

- Өмірде не қымбат?,- деп сұрапты.

Қашаған би:

- Туған жерің, ата-анаң, бауырың, достарың қымбат.Бәрінен де қадірлі болсаң, сол қымбат деген екен.

4-ші бұлт: Рухани-адамгершілік қасиет- сүйіспеншілік.

Қонақтарға сұрақ: Сүйіспеншілік деген сөзді қалай тұсіндіре аласыздар?(Бүлдіршіндердің топ бойынша үйден салып келген суреттері көрсетіледі).

I-ші топ: Отанға сүйіспеншілік.

II-ші топ: Ата-анаға сүйіспеншілік.

III-ші топ: Достық , досқа деген сүйіспеншілік.

5-бұлт: Рухани-адамгершілік қатынастарына жататын адамның бір тамаша қасиеті - әдептілік

(бүлдіршіндер қонақтарға сұрақ қояды).

I.Әдептілік дегеніміз не?

II. «Әдепті бала - арлы бала, әдепсіз бала - сорлы бала» деген мақалды қалай түсіндірер едіңіз?

III. Сөйлеу мәдениетін қалай түсінесіз?

- Ашылған күннің соңынан не шығады?

- Кемпірқосақ.

- Кемпірқосақта неше түс бар?

(Кемпірқосақтың әр түсіне бүгінгі тақырыбымызға сай өз ойларымызды қорытындылайық ).

Көк түс. Әр уақытта айналадағы адамдар туралы жақсы ойлар ойла.

Қызыл түс. Әр жаңа күніңді тек қана жақсы нәрселер ойлаумен бастаңдар.

Сары түс. Күн сайын өзіңнің істеген ісіңе есеп беріп отыр.

Жасыл түс. Әнді жиірек тыңдағаның дұрыс, жақсы ән жаныңды жадыратып, рақатқа бөлейді.

Қоңыр түс. Айналадағы адамдардың қажетіне жарай білуге талпын.

Сарғыш түс. Әр уақытта нәзік үнмен, биязы сөйлеуге үйрен.

Қызғылт түс. «Жамандыққа жақсылық - ер кісінің ісі» деген нақыл сөз әрқашан жаныңда жүрсін.

Бүгінгі сабағымызда қандай тақырыпта әңгімелестік?

Рух

Рухани бай адам

Қайырымдылық

Сүйіспеншілік

Әдептілік

Әрине, адамшылық бағытындағы әңгімені ашық түрінде қалдырамыз.

Пікірлесуге келген қонақтарға рахмет айта отырып, «Сағындым Алматымды» әнін орындаймыз.

Н.В.Гоголь атындағы орта мектебі.

Өткізген: М.Габдрашиева