Ашық сабақ конспектісі Әбепті бала - арлы бала

«Теміртау қаласы әкімдігі Теміртау қаласының білім беру бөлімінің « №6 «Ұяша» балабақшасы» МКҚК №10 «Сұңқар» тобының тәрбиешісі: Мустаева Нурзипа Турабековна

Тақырыбы: Әдепті бала - арлы бала

Мақсаты:

Білімділігі: : Балалардың коммуникативтік әдетін қалыптастыру. Жақсы мен жаман әдет қалыптарын ажырату.
Дамытушылығы: Тіл байлығын, логикалық ойлау, көру, сезіну қабілеттерін дамыту. Халқымыздың салт - дәстүріне деген қызығушылығын арттыру.
Тәрбиелілігі: Адамгершілікке , кішіпейілдікке, ұқыптылыққа баулу.
Көрнекіліктер: Суреттер, шаңырақ. Дидактикалық ойын «Отбасы», сыйлықтар.
Әдіс тәсілдері: Әңгімелеу, ойын ойнату,тапсырмалар,көрсету.
Іс-әрекет кезеңдері Тәрбиешінің іс-әрекеті Балалардың іс-әрекеті

Іс-шараның барысы

Ұйымдастыру кезеңі.

Сәлем сөздің анасы, адамгершіліктің,әдептіліктің баспалдағы.Ал балалар алдымен бір бірімізмен сәлемдесіп,жақсы лебіздерімізді білдірейікші.
"Қайырлы күн!"
"Әрқашан күн сөнбесін."
"Деніміз сау болсын."
"Бәріміз дос болайық"
"Тату болайық."
"Әлемде тыныштық болсын."
"Аспанымыз ашық болсын."

-Жарайсыңдар енді балалар киіз үйге кіріп отырайық

-Бұл не?
-Шаңырақ.

Ғажайып сәт: Тазша баланың келуі:

-Сәлеметсізбе балалар!
-Сәлеметсізбе сіз кім боласыз?
-Қайдан келесіз?
-Сәлеметсізбе
-Мен Тазша баламын.Қазір жылдың жаз мезгілі болғандықтан,жаздың алғашқы гүлдерін теруге далаға шыққам.Сол кезде суреттер тауып алдым,бірақ осы суреттерден ештеңе ұқпай,осында алып келдім,сендерден көмек сұраймын.
-Балалар біз Тазша балаға көмектесемізбе? -Иә көмекте семіз.

Суреттерді ілу,әңгімелеу.
-Балалар жылдың қай мезгілі?
-Жаз мезгілі.
-Жаз мезгілінде қандай өзгерістер болады?
-Күн жылынады,далада гүлдер гүлдейді.
-Көбелектер ұшып жүреді.
-Балалар суретке қараңдаршы мына бала не істеп жатыр?
-Құстың ұясын бұзуға бола мекен?
-Ол жақсы балама,жаман балама?
-Енді мына суретке қарайықшы.Суретте бала не істеп жатыр? -Ол жаман балама жақсы балама?
-Жарайсыңдар балалар.Жақсы жаман туралы қандай тақпақтар білесіндер?

Тақпақ айту:
1-бала: Алдын үлкен кісінің,
Кесіп өтпей көлденең,
Жөніменен кішілік,
Әдеппенен қол берем,

2-бала:Атам маған өмірде
Әдепті жан бол деген.
Ата сөзі санамда
Жасы үлкенге жол берем.

3-бала: Сәлеметсіз бе ағай деп,
Сәлеметсіз бе апай деп,
Ұл-қыз сәлем береміз,
Өнегелі өренбіз.

4-бала: Бақшамызға барғанда

Жолыққан бар жандарға,
Ертемен, ақ пейілмен
Қайырлы таң деймін мен.

5-бала: Дастарханның басында,
Әдептен біз озбаймыз,
Үлкендердің қасында
Қолды бұрын созбаймыз.

6-бала: Нанды үгітпе, қадірле,
Қабығымен бәрін же.
Саусағыңды сормағын,
Салдыр салақ болмағын.

Сергіту сәті:
«Бас бармағым ата үйдің данасы.
Балалы үйрек әке үйдің панасы
Ортан түйрек әже үйдің анасы,
Шылдыр шүмек шеше шаңырақтың ажары,

Кішкентай саусақ бала титей барлығының баласы.

Балалар саусақтарын қимылдату арқылы сергіту сәтін жасайды.

Ғажайып сәт: Әженің келуі.

- Балалар қараңдаршы бүгін Мейрамбектің туған күніне әжесі келе жатыр екен.(Сол кезде әже қолындағы сөмкесі құлап қалады.Балалар әже құлап қалды не істейміз?
Мадияр,Аяна тездедіп әжені орнынан тұрғызайық.Әже қош келдіңіз,төрлетіңіз.
Әже: Рахмет балалар сендерге.
Сәлеметсізбе әже бізде оқу іс әрекеті болып жатыр,жоғары шығыңыз.Біздің балалар жақсылық пен жамандық туралы мақал мәтелдер айтып берсін.

Мақал мәтелдер:
1.Жақсының жүрген жері базар, Жаманның жүрген жері азар.

2.Отанды сүю отбасынан басталады.

3.Әдепті бала ата- анасын мақтатар, Әдепсіз бала ата- анасын қақсатар.

4.Адамның ұяты бетінде, Адамгершілігі ниетінде.


-Жарайсыңдар балалар Енді балалар Жақсы жаман деген ойын ойнайық. (Мен жақсы туралы айтқанда қолдарынды шапалақтайсыңдар,жаман туралы айтқанда аяқтарынды тыпырлатасыңдар).
-Бір бала құстың ұясын бұзып жатыр екен,ол қандай бала?
-Үлкен кісіге орын берген бала,қандай бала?

- Атасына терек егіп көмектесіп жатқан бала қандай бала?

- Жерге құлап қалған балапанды ұясына салып жатқан бала?

Билингвальді компанент:

Таңертең балабақшаға келгенде қалай деп амандасамыз? Сәлеметсізбе дұрыс орысшасы -здраствуйте, жақсы- хорошо, жаман -плохо.

Тазша бала:
-Балалар сендер өте тәртіпті екенсіндер,Мен сендердей болғым келіп тұр,сендерге көп-көп рахмет.Сендерден көп нәрсе үйрендім.Сендерге әкелген сыйлығымды апайларыңа табыс етейін. -Сауболыңыз балалар!
-Балалар біздер бүгін не туралы әңгімелестік? -Біздер қандай балалармыз?
-Біздерге қонаққа кім келді?

-Біз кімнің әжесіне көмектестік?

-Жарайсыңдар мен сендерге өте ризамын.