Жабайы жануарлардың қысқы тіршілігі Ашық сабақ

Күні: 19.01.2016ж.

Білім беру саласы:Қатынас

Ұйымдастыру оқу-іс әрекет түрі:Тіл дамыту.

Тақырыбы:Жабайы жануарлардың қысқы тіршілігі

Мақсаты:Жабайы аңдардың қысқы тіршілігі туралы түсініктерін кеңейту.

Сурет бойынша толық сөйлем құрастыру, сұрақтар қою арқылы ойлау қабілеттерін дамыту. Жануарларға қамқорлық жасауға тәрбиелеу. Табиғатқа деген қызығушылықтарын арттыру.

Көрнекіліктер: жабайы жануалар бейнеленген суреттер, олардың дыбысы басылған үнтаспа, слайд.

Сөздік жұмыс: суыққа дірдектеп, айдын.

Әдіс тәсіл: көрсету,түсінік беру,ойын,сұрақ-жауап

Әрекет кезеңдері

Мұғалімнің іс-әрекеті

Баланың іс-әрекеті

Мотивациялық қозғаушы

Ұйымдастыру кезеңі

• Балалар, далада күн суытқанымен біздің жүрегіміз ыстық, мейірімге толы. Бір-бірімізге деген жылы сөздерімізді айтып, көңіл күйімізді көтерейік.

Өткен сабақты қайталау.

• Балалар, біз өткен сабақта қандай

тақырып өттік?

• Құстар нешеге бөлінеді екен?

• Үй құстарының қандай пайдасы бар?

Жаңа тақырыппен таныстыру.

Балалардың назарын мұғалімге аудару.

Мен саған тиіннің ақкөңілдігін тілеймін.

Мен саған қоянның жүйріктігін тілеймін.

Мен саған түлкінің әдемілігін тілеймін, т.б.

Іздену

ұйымдастыру-

шы

• Жарайсыңдар балалар, мына жұмбақты шешсеңдер,бүгін не жайында әңгімелейтінімізді білесіңдер.

• Ең айлакер аң....

• Ең қорқақ аң...

• Балды жақсы көретін аң...

• Үстінде тікенегі бар..

• Аң патшасы...

• Балалар, бұлардың барлығын бір сөзбен қалай атаймыз?

• Осы аңдар қыста қалай тіршілік етеді?

• Балалар, аңдарды қыстың қатты суық аязынан не қорғайды?

Негізгі бөлім.

а)Сурет бойынша жануарлардың қысқы тіршілігі туралы әңгіме құрастырады.

- Қыста аңдар немен қоректенеді?

- Қыста қояндар мен бұғылар қысқа азық даярламайды.Қоян ағаштардың бұталарын кеміріп жеп күн көреді. Бұғы ағаштардың кішкентай бұтақтарын жейді. Түлкінің мұрны өте иісшіл, құлағы жақсы естиді. Ол қарды иіскелеп, қар астындағы тышқанның дыбысын естіп қояды. Түлкінің қысқы азығы - тышқан. Ал, аю қысқа азық жинайды. Денесіне май жинап алып, қыс бойы апанында жатып табанын сорады.

ә) Сөздік жұмысын жүргізу.

Суыққа дірдектеп - қалшылдап тоңу, бүрсеңдеу.

Айдын - жайылып жатқан су алабы.

Ал, енді қойылымды көріп тамашалайық.

Аңдардың айтысы

Ойын жүргізуші ортаға шығып хабарлайды:

Кәрі еменнің түбінде,

Кәрі аюдың інінде,

Бас қосыпты көп аңдар,

Айтысыпты, қараңдар.

Бұдан кейін «аңдар» кезек - кезек шығып айтысады:

Қоян - Самал:

- Мен, қоянмын, қоянмын,

Жорыққа түнде жортамын.

Қалдырмаймын ізімді,

Өйткені күндіз қорқамын.

Түлкі - Мирас:

- Мен түлкімін, түлкімін,

Біреулерге күлкімін.

Кейбіреуді алдаймын,

Екіншіңді арбаймын.

Қасқыр - Нұралы:

- Мен қасқырмын, қасқырмын,

Аң ішінде асқармын.

Талай қойды бауыздап,

Үйге әкеліп асқанмын.

Аю - Балауса:

- Менің атым - аю,

Оңай маған баю.

Мал ішінде жүремін,

Балды иісінен білемін.

Кірпі - Диас:

- Мен кірпімін, кірпімін,

Көрінгенге түрпімін.

Үстім толы ине,

Есің болса, тиме!

Ақтиін - Марта:

- Мен ақтиінмін,

Кисең киіммін.

Аңды көрсем, бекінем,

Талдан - талға секірем!

Жүргізуші:

Ал қыс түсті, қыс түсті,

Қиын болар қар үсті.

Жортуылға барады,,

Тамақ табуға асығады!

Динара:

Қасқыр түнде ыр-р етті,
Ел шошыйды ертеден.
Мылтығы бар әкемнің,
Қорықпаймын мен сенен.

Жандос:
Әппақ қоян, ақ қоян,
Сондай қорқақ, сақ қоян.
Біздің үйге тығылсаң,
Сандығыма сап қоям.

Муслим:
Айласынан түлкінің,
Алданса да қанша адам.
Ақылы бар баламын,
Алданбаймын мен саған.

Айбар:
Аю қыста үңгірде
Сорады май табанын
Жазда бал жеп ешкімге
Тигізбейді залалын.

Сергіту сәті. «Кірпі биі» қара жорға.

б) Дәптердегі тапсырманы орындау: қоянның тамағы сәбіз, аюдың тамағы бал екенін айтқызу, сызықпен көрсету.

в) Ә. Табылдының «Ақ аю» өлеңін жаттату: мәнерлеп оқып беру, балпаң-балпаң сөзіне сөздік жұмысын жүргізу, балаларға өлең жолдарын бірнеше рет қайталау.

г) «Жануарлардың құйрықтарын табуға көмектес» дидактикалық ойыны.

Сол жануардың қысқы тіршілігі туралы әңгімелеу.

Жұмбақтардың шешуін табады.

Сұрақ-жауап

Сурет бойынша әңгімелер жүргізіледі.

Сөздік жұмыстары

Көрініс көрсетеді.

Сергіту жасайды.

Тапсырмаларды орындау.

Ойынға белсене қатысады.

Рефлексті коррекциялау

Оқу іс-әрекетін қорытындылау:

Жануарлардың қысқы тіршілігі туралы алған білімдерін сұрақ-жауап әдісі арқылы пысықтаймын..

1. Қандай жануарлар қысқа азық жинайды?

2. Ал қандай жануарлар қысқа азық жинамайды?

3.Жануарлардың қысқы тіршілігі туралы не білдік?

д)«Даусынан таны» дидактикалық ойыны.

Шарты: аудиотаспадан әртүрлі жануарлардың дауыстарын тыңдатып, олардың атын атату.

Қорытындылау.

Сұрақтарға жауап береді.

Үнтаспадан аңдардың дауысын тыңдап, ажыратады.

Күтілетін нәтиже: ормандағы аңдардың қысқы тіршілін ұғыну.

Білуі тиіс: жануарлардың тіршілігі туралы өз ойларын жеткізуі.

Түсінігі: суыққа дірдектеп сөздерінің мағынасын білуі.

Көрсете білуі: сурет бойынша әңгіме құрастыра алуы.