Сабақ жоспары: Ертегілер әлеміне саяхат

Тақырыбы: Ертегілер әлеміне саяхат

Мақсаты: а. ертегілердің ерекшеліктері туралы түсініктерін кеңейту,

ертегілердің ұқсастығы мен ерекшеліктерн анықтау.

ә. эстетикалық талғам мен эстетикалық мәдениетін қалыптастыру,ертегі арқылы адамгершілік,еңбексүгіштік қасиеттерге

тәрбиелеу

б. оқушылардың танымдарын кеңейту, кітап оқуға деген қызығушылықтарын арттыру

* Сиқырлы айналу. Жылулық шеңбері

Балалар үнтаспадан «Ертегілер» әнін тыңдап,әуенге сай билейді.Мұғалім қолына «сиқырлы таяқшаны » алып,әр баланы түрлі ертегі кейіпкеріне айналдырады.

Балалар бір-біріне ертегі кейіпкерлері атынан тілектер айтады: « Мен -бауырсақпын,сендердің бір-біріңе ыстық ықылас танытып,құрметтей жүрулеріңе тілектеспін.......Мен-Қар ханшайымымын,сендерге қайырымды,сыпайы болуды тілеймін....» т.с.с.

* Әңгімелесу

- Балалар, ертегілердің ұқсастығы мен қандай ерекшеліктері бар,атап өтейікші!

« Ертегі- бұл ерекше жанр. Ертегіде жануарлар адам сияқты сөйлей алуы және адам үшін түрлі нәрселер істей алуы мүмкін. Ертегіде сиқырлы құралдар бар. Ертегіде әрқашан қайырымдылық зұлымдықты жеңеді. Қайырымды,шыдамды,еңбекқор адамдар әрқашан сый алады. Ал өмірде ше?( балалар қайырымдылық, зұлымдық, еңбекқорлық туралы пікір алмасады).

* Г.Х. Андерсон. «Түймеқыз» ертегісі. Оқу.Талдау.

- Тышқан қандай?

- Тышқан Түймеқызды қалай қарсы алды?

- Тышқан түймеқызды қалай тамақтандырды?

« Біз дәнді дақылдар туралы: «Нан дастарханға қалай келеді? » деген шығармадын білеміз. Дәнді дақылдарға: бидай, сұлы,арпа жатады. Олар тыңайтылған жерде,күн сәулесі және жаңбыр мол болса жақсы өніп өседі. Тышқандар дәнді дақылдарды,сондай-ақ бақша өсімдіктері: асқабақ, қарбыз, қауынды жақсы көреді екен».

- Қарбыз,қауын ,асқабақ қандай болады?

- Қарбыз,асқабақ туралы қандай ертегілерді білесіңдер?

* «Сиқырлы заттар» ойыны

Мұғалім сиқырлы заттың атын айтады, балалар өткен ертегілерді еске

түсіріп, заттың қай ертегіде сиқырлы әрекет орындайтынын табады. (кілем,ұшақ,,сиқырлы таяқша,алтын кілт, алтын балық) т.б.

* Бейнелеу өнері.Сурет. Монотипия. «Таңғжайып тау өзені».

Балалар кафельге гуашьпен тау өзенінің бейнесін салады. Оның үстіне суланған қағазды қойып, кафельдегі бейнені қағазға көшіріп алады.

Жандандыру. «Түймеқыз » ертегісі

Мұғалім балаларға ертегі кейіпкерлерінің суретін, топтағы үстел устіндегі заттарды санауды ұсынады.

- Балалар,енді заттардың орындарын ауыстырсақ, саны өзгере ме?

«Заттырдың орны өзгергенімен,қай жаығнан санасаң да саны өзгермейді». Балалардың алдында, түсі,пішіні, мөлшері әр түрлі 10 геометриялық пішіндер бар.

- Пішіндерді қалай топтыстыруға болады?

Мұғалім оқушыларға пішіндерді топтасытыруды ұсынады. Балалар геометриялық пішіндерді пішініне, көлеміне, түсіне қарай топтастырады.

* «Жұптар» сергіту сәті.

Балалар бөлмеде еркін қимылдайды. Мұғалім нұсқау береді. «Екіден бірігіңдер ». « Жұбыңмен оң алақаныңды біріктір». «Жұбыңмен арқаңды түйістіріп тұр» т.б.

* «Үйде, ата- аналары және жақындарымен бірге.....»

Үйдегілерге Түймеқыздың ары қарай өмірі жайлы әңгімелеп беру.

* «Біз не білдік?»

- заттарды қай жағынан санасаң да, орнын ауыстырсаң да,саны өзгермейді

- пішіндерді түрлеріне қарай біріктіруге болады

- тышқандар дәнді- дақылдар мен бақша өнімдерін жақсы көреді

- ертегі әлемінде әрқашан қайырымдылық зұлымдықты жеңеді.

* Жылулық шеңбері.Халық өлеңі «Туған жер» жаттау.