Ашық сабақ: Бағдаршам және біз

Тақырыбы: Бағдаршам және біз

Мақсаты: Ойынды тәрбие құралы ретінде пайдаланып, бала сезімін кеңейтіп, тілін ұштастырып, жол ережесін жасына сай меңгерту. Көшеде жүру ережесін білу арқылы жолда жүру мәдениетін үйретіп, сақтыққа тәрбиелеу.

Қолданылатын көрнекі құралдар: суреттер, қызыл, сары, жасыл дөңгелектер, бағдаршам

Сөздік жұмыс: бағдаршам, жол

Билингвалды компонент: бағдаршам-светофор

Іс-әрекет кезеңдері

Тәрбиешінің әрекеті

Балалардың іс-әрекеті

Ұйымдастырушылық-оятушылық

Шаттық шеңбері:

Тамаша ғой бақшамыз

Саяхатқа шығамыз

Алға басып келеміз

Бәрін, бәрін білеміз

«Түстерді ажырат» д/о

Мақсаты: зеректікке, жылдамдыққа тәрбиелеу

Шарты: көрсетілген түстерді ажыратып, айту

Балалар қуана қимыл-қозғалыспен өлеңді қайталайды.

Қызығушылықпен ойнайды

Ұйымдасушылық-ізденушілік

Балалар, бүгін біз бағдаршаммен танысамыз.

Бағдаршамның 3 түрлі көзі болады. Олар: қызыл, сары, жасыл. Қызыл түсі жанғанда тоқтаймыз, жүруге болмайды. Сары түсі жанғанда жүруге дайындаламыз, бірақ жүрмейміз. Жасыл түсі жанғанда жол ашық, жүреміз

Бағдаршам бізге жол қиылыстарынан өтуге көмектеседі. Жаяу жүрушілерді жол апатынан сақтайды. Жолдан өтерде өте мұқият болу керек. Жолдан жүгіріп өтуге болмайды.

Билингвалды компонент: бағдаршам-светофор

Сергіту сәті:

Қызыл көзін ашқанда,
Сынық сүйем баспа алға.
Сары көзін ашқанда,
Қарап қалма аспанға.
Жасыл көзін ашқанда,
Өте бергін жасқанба.

Бағдаршамның көзінің түстерін қайталайықшы.

«Бағдаршам» ойыны
- Мақсаты: Балалардың есте сақтау қабілетін дамыту.
- Шарты: Балалар қызыл түсті дөңгелекті көрсеткенде тыныштық сақтайды, ал сары түсті дөңгелекті көрсеткенде алақандарын соғады, ал жасыл түсті дөңгелекті көрсеткенде жүреді.

Бағдаршам жайлы тақпақтарыңды айтып беріңдерші:

Зейнеп:

Қызыл жанса, тоқта!
Жасыл жанса, тез өт!

Айбарс:

Кезек-кезек ашады.

Үш түсті нұр шашады.

Нұрсаид:

Жол тәртібін білейік
Аман есен жүрейік!

Балалар тәрбиешіні мұқият тыңдайды

Қимыл қозғалыстармен жасайды.

-Қызыл, сары, жасыл

Ойынды ойнай түседі

Жарайсыңдар балалар!

Рефлексиялық-

түзетушілік

«Дөңгелектерді өз орнына жабыстыр!» д/о

Мақсаты: білгірлікке тәрбиелеу

Шарты: бағдаршамның дөңгелектерін ретімен орналастыру

Мақтап, мадақтау

Балалар кезек кезек шығып орындайды.

Күтілетін нәтиже:

Біледі: бағдаршамды таниды

Игереді: көшеде жүру ережелерін

Меңгереді: ойындарды ойнау ережелерін