Мектеп жасына дейінгі балалардың тілін ойын арқылы дамыту (ортаңғы топ)

Жылулық шеңбері: Армысың, алтын күн!

Армысың, Жер Ана!

Армысың, көк аспан,

Сәлеметсізбе!

• Балалар, қазір жылдың қай мезгілі? (Көктем)

• Көктем неше айдан тұрады? (3 ай)

• Көктем айларын атап беріңізші? (Наурыз, сәуір, мамыр)

• Бүгін аптаның нешінші күні? (үшінші күні - Сәрсенбі)

Есік қағылып, Айдана келеді, амандасады, өзінің балабақшаға бармайтынын айтып, ертегілер, сурет бойынша сөйлем құрап, үйренгісі келетінін айтып көмек сұрап жылайды.

• Сәлеметсіңбе, Айдана! Қош келдің! Жылама, төрге шық! Қазір біздің балалар саған көмектеседі.

• Балалар, Айданаға көмектесемізбе? (Ия)

1. Жұмбақ шешу:

• Орманға келе жатып, ата бір нәрсесін жоғалтып алып, кейін келсе, оны үй қылып алған, бұл қай ертегі? (қолғап)

• Үй құстарын және қоянды алдаған қай ертегі? (айлакер түлкі)

• Сүтін төгіп тастаған қай ертегі? (мақта қыз бен мысық)

• Атасы мен әжесі дүкенге кеткенде, інісін алып, ұшып кеткен қай ертегі? (қаздар мен аққулар)

• Әжесіне бәліш алып бара жатып, қасқырға кездескен қай ертегі? (қызыл телпек).

2. Дидактикалық ойын:«Кім тез сөйлем құрайды?»

Ойын шарты: Шешуін тапқан ертегілердің суретін тақтаға іліп, сол сурет бойынша сөйлем құру.

Мысалы: 1) Қызыл телпек әжесін туған күнімен құттықтады. 2) Мақта қыз үй жинады. 3) Мысық қатық төкті. т.б.

3. Қостілдік компонент: Қызыл телпек - красная шапочка, қаздар мен аққулар - гуси и лебеди, қолғап - варежки.

4. Дидактикалық ойын:«Қай ертегі жоқ?»

Ойын шарты: Тақтада ертегілердің біреуін алып тастап, жоқ ертегіні табу.

- Кім «Қолғап» ертегісіндегі кейіпкерлер туралы тақпақ біледі?

Аю: Ормадағы аюдың,

Құлпынайы көп екен.

Теріп-теріп алайық,

Қалтамызға салайық.

Қоян: Ұзын құлақ сұр қоян,

Естіп қалып сыбдырды.

Ойлы-қырлы жерлерден,

Ытқып-ытқып секірді.

5. «Қолғап» ертегісін сахналау арқылы көрсету.

Балаларды рөлге бөліп, бастарына ертегідегі кейіпкерлерінің бетпердесін кигізіп, өздері сомдап, кейіпкерлерді тура-кері санау. (ата, ит, қолғап, тышқан, бақа, қоян, түлкі, қасқыр).

6. Қимылды ойын: «Аңдардың жүрісі»

Ойын шарты: Ертегідегі аңдардың жүрісін қимылмен көрсету.

7. Дәптермен жұмыс.

1-тапсырма. «Қызыл телпек» ертегісін қорша.

2-тапсырма. Ертегідегі қолғапты боя.

3-тапсырма. Қаздар мен аққулар ертегісіндегі қаздардың санын таңбалап жаз.

8. Айдана қуанып, рахметін айтып, қоштасып кетеді.

9. Қорыту, мадақтау.

МдҰ №5 «Сәуле» балабақшасы

Тіл дамыту ұйымдастырылған оқу іс-әрекеті бойынша

Тақырыбы:

«Мектеп жасына дейінгі балалардың тілін ойын арқылы дамыту»

Орындаған:

«Айгөлек» тобының

тәрбиешісі А.Ж.Катбаева

Мамыр - 2015 ж.