Ертеңгілік Армысың, Алтын күз!

Тақырыбы: «Армысың алтын күз!»

Жүргізуші: Армысыздар құрметті ата-аналар, қадірлі қонақтар! Берекелі, мерекелі күзге арналған «Балапан» тобы бүлдіршіндерінің «Армысың алтын күз» атты мерекесіне хош келдіңіздер. Ортаға «Балапан» тобының бүлдіршіндерін қошеметпен шақырайық.

Келді міне алтын күз, Сары шашты жарқын жүз. Мол өнімді ісімен, Таңдандырып халқын күз.-дей келе кішкентай бүлдіршіндеріміздің тақпақтарына берейік.

Дәулет: Алтын сары, қызыл көк,

Алуан-алуан жапырақ.

Күзгі бақта күлімдеп

Көз тартады жапырлап.

Жанеля: Қамба толды астыққа,

Алғыс саған алтын күз!

Бір уыс дән шаштық та,

Қап-қап қауын алдық біз.

Бағдәулет: Аспанды сұрғыт бұлт,

Жан-жақтан жабады.

Күн бірте суытып,

Жауын көп жауады.

Жансезім: Көк майсалы көрікті,

Алқаптағы көп егін.

Нұржан: Бұл күндері киіпті,

Сары жібек көйлегін.

Талант: Ағаштардан жамырап,

Ұшты кенет жапырақ.

Ой, алақай, тамаша,

Шашу шашы жапырақ.

Шахмырза: Нан атасы бидаймын.

Елге астық сыйлаймын.

Дастан: Дәнім толып жеткенде

Қауызыма сыймаймын

Мадина: Жемісі мол теретін,

Күз дос екен бізбенен

Бәрін тауып беретін,

Жомарт екен күз деген.

Жүргізуші: Ал балалар, балалар,

Енді бері қараңдар.

Бізге қонақ келмекші,

Сендерді бір көрмекші.

Әуелі жұмбақ жасырам,

Қулығымды асырам.

Таба алсаңдар шешімін,

Қонағымды дәл ортаға шақырам.

Жұмбақ: Жиып-теріп болатын,

Қамбаға астық толатын.

Қызыл қырман ойнайтын,

Қай мезгілде ойлайсың?

Жүргізуші: Дұрыс күз мезгілі. Ендеше ортамызға Алтын күзді шақырайық!

Алтын күз: Сәлеметсіңдер ме балалар! Сәлеметсіңдер ме қонақтар!

Мен -Алтын күзбін!

Жайдары, жарқын жүзбін.

Қонаққа келдім сендерге.

Сәбіз, картоп тәтті алма!

Оған досым таң қалма!

Жапырақ та сиқырлы,

Ойын ойнар түр-түрлі.

Жүргізуші: Рахмет, саған Алтын күз!

Қабыл алдық сыйды біз!

Отырыңыз жайғасып!

Ал ендеше балалар, біз Алтын күзге дайындаған биімізді билеп берейік.

Би: «Қолшатыр»

Алтын күз: Балалар сендерге рахмет өнерлі екенсіңдер. Өнерлерің өрге жүзсін. Балалар күз мезгілінде қандай өзгерістер болады.

Балалар: Жаңбыр жауады, жел соғады, күн суытады.

Алтын күз:Мен жүрген жерде жаңбыр жүреді. Жел қасымда болады.

Жел: Күз,күз, мен сені іздеп жүрмін.

Алтын күз: Мен балаларға әдейі жалғыз сенсіз келдім. Менің күзгі желім қатты соғады, суық болады. Сен балаларды қорқытпа.

Жел: Мен қатты соқпаймын, балаларды қорқытпаймын, балалармен бірге ойын ойнайын.

Ойын: «Жемістерді жина»

Ортаға жемістер шығады

Бейбарыс:Мен жүзіммін, жүзіммін,

Моншақ болып тізілдім.

Ақерке: Ішім толған шәрбат,

Дәмім сондай әйбат.

Үзсең бірдей жүзін,

Менің атым жүзім.

Ерасыл: Мен алмұртпын алмұртпын,

Аузындамын бәр жұрттың.

Аяулым Е: Пісетін кезім дәл күзде,

Мезгілсіз мені үзбе.

Аузыңнан кетпес бал дәмің

Менің атым шабдалы.

Аяулым: Мен шиемін, шиемін,

Күннің көзін сүйемін

Қышқыл шырын менде бар,

Төмен басымды иемін.

Ән: «Күз келіпті көңілсіз»

Жүргізуші:Келесі кезекті балалардың тақпақтарына берейікортаға көкөністер шығады.
Асхат: Тал шыбығым бұралып,
Бақшаларда қызарып.
Тұрған ол мен- қызанақ,
Күнге қарап ұялып!
Айсар: Картоп-біздің атымыз,
Жер астында жатырмыз.
Бір тамырдан тараған,
Ағайынбыз бәріміз!
Әділ: Өсіретін бойыңды,
Дамытатын ойыңды.
Қоянға да азықпыз,
Сәбіздерміз жазықсыз!

Алмас: Өсем бақша-бауында,

Қатты ұқсаймын қауынға.

Жемек болып шикілей,

Күлкі болмай қауымға.

Арнұр: Мен де бір сөзайтайын,

Мақтанайын сіздерге.

Менсіз борщ болмайды,

Винегретте үстелде.
Нұрхан: Кім білмейді шалқанды,

Талайлар маған таң қалды.

Бәріне сый боламын,

Тауып көр мендей шалқанды.

Жүргізуші: Келесі кезекте «Жапырақтар» биі.

Жел:Жапырақтарды билеткізе жерге түсіріп тау-тау болып үйіліп жатыр. Балалар сендер енді жапырақтарды жинаңдар.

Ойын: «Жапырақ жинау»

Алтын күз: Балалар менің кететін уақытым болды. Енді біз жел екеуміз қайтайық. Сендердің өнерлеріңе ризамыз. Олай болса сау болыңдар! Келесі кездескенше!

Жүргізуші:Осымен «Армысың, алтын күз!» атты ертеңгілігіміз аяқталды. Сау болыңыздар.