Ертеңгілік Сұлу шыршамыз қонаққа келеді

Раздел Дошкольное образование
Класс -
Тип Другие методич. материалы
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

«Сұлу шыршамыз қонаққа келеді!»

Мақсаты: Балалардың жаңа жыл мерекесі туралы түсініктерін қалыптастыру. Мерекелік көңіл-күй ортасын ұйымдастыру. Образдық бейнелерді сомдай білуге үйрету, хормен және жеке ән айту шеберліктерін арттыру. Би қимылдарын қызығушылықпен, ырғақты сақтай орындауға төселдіру.

Міндеті: балаларға мерекелік көңіл күй тудыру, шыршаның қалай әдемі де сәнді безендірілгеніне, балалардың Аязатаның, Ақшақардың, қоянның карнавалдық киімдеріне назар аударту; көңілді ойындар ойнату, достық қарым-қатынас ояту, бірлескен ойындар ойнату.

Қатысушылар: Жүргізуші, Аяз ата, Ақшақар, Қоян.

Жүргізуші: Торина С.А. Каргабаева С.А.

Аяз Ата -Гүлнар Мырзаханқызы

Ақшақар - Айсұлу Нағашыбайқызы

Қоян - Арайлым Қуанышпайқызы

Көнекіліктер, құрал жабдықтар:үйшік, қолдан жасалған ұлпақарлар,сәбіздер және таяшалар (султанчики).

Балалар музыка әуенімен музыка залына кіріп, шыршаны жанына шеңбер болып тұрады.

Тәрбиеші: Балалар, қараңдаршы, біздің шыршамыз қандай әдемі. Сондай сұлу. Ойыншықтары, шамдары сондай жарқырап тұр. Шыршамызға жақындап, жоғары-төмен қарап көрейік. Қаншама жаңғақтар, ойыншықтар, жұлдыздар ілінген. Міне балалар, шырша бізге жаңа жыл мерекесіне әсем болып безендіріліп келіпті. (балалар шыршаға тамсана қарайды, ойыншықтарын қарайды)

Тәрбиеші: Ой, балалар, мен не естіп тұрмын? Бізге біреу келе жатқан сияқты!

(Музыка әуенімен залға Ақшақар кіреді)

Ақшақар:Сәлеметсіңдер ме, балалар! Ах, не деген көп балалар, ұлдар мен қыздар! Балалар, мен қыстан, бораннан қорықпаймын. Өйткені мен Аяз атаның немере қызы Ақшақар боламын! (Тамсана шыршаға қарайды)

Шыршамыз қандай тамаша, сондай әдемі, сондай сұлу, көрікті. Балалар, сендерег біздің сұлу шыршамыз ұнайды ма? Қанеки балалар, шыршаны айналып би билеп, ән айтайық.

Ән: «Кішкентай шыршамыз».

Ақшақар: Балалар, мына жерде біреудің үйі тұр екен, кімнің үйі екен? Бұл үйде кім тұрады екен? (үйдің терезесін қағады) Ешкім естімейді, ешкім ашпайды, тағы да тарсылдатыр көрейін. Үйден қоян атып шығады.

Қоян: Мен қоянмын, қоянмын. Аппақ, кішкентай қоянмын, Секіремін, жүгіремін, көңіл көтеріп, сендермен ойнағым келеді. Қанеки бәріміз шапалақ ұрып, би билейік.

Би: «Қояндар»

Тәрбиеші: Қандай көңілді қоян, қанша би билесе де шаршамайтын қоян.

Ақшақар: Біздің қояндарымыз сондай көңілді биледі, біздің ұлпа қарларымызда би билегісі келіп тұр. Ия ма қыздар? Біз сендермен би билейміз бе?

Балалар: Ия

Ақшақар: Қанеки ендеше би билейміз!

Би: «Ұлпа қар»

Тәрбиеші: Жарайсың Ақшақар, жарайсыңдар қыздар!

Тәрбиеші: Қоян,біздің балалар сенімен ойын ойнағысы келіп тұр. Ойнайсың ма?

Қоян: Әрине, мен қуана, қуана ойнаймын!

Ойын: «Қарларды жинау»

Ойын шарты: ұлпа қарларды себеттерге тез, тез жинау керек. Кім көп жинаса сол жеңді.

Тәрбиеші: Мына әсем шыршаны бізге кім алып келді екен?

Ақшақар мен балалар: Бұл әсем шыршаны Аяз ата алып келді!

Тәрбиеші: Бізде мында көңілді мереке болып жатыр, қанеки Аяз атамыз бізді естіп келсін деп, бәріміз ән шақырайық.

Ән: «Шырша тұрды орманда»

Аяз ата: Сәлеметсіңдер ме балалар! Сәлеметсіңдер ме құрметті қонақтар!

Сәлеметсің бе немере қызым Ақша қар!

Тәрбиеші: Сәлеметсіз бе! Аяз ата біз сізді көптен күтіп отырмыз!

Ақшақар; Аяз ата қараңызшы шыршаның әлі бірде-бір шамы жағылмаған. Бізге шыршаның шамын жағып беруге көмектесіп жіберіңізші!

Аяз ата: Қанеки шыршамыз жағылсын десендер, бәріміз бірге айтайық: 1,2,3 шырша шамын жағайық!

Тәрбиеші мен балалар: Бір! Екі! Үш! Шырша шамын жағайық!!!

(Аяз ата таяғымен жерге ұрған кезде шырша шамы жағылады)

Ақшақар: Аяз ата сіз шырша шамдарын жағып едіңіз, біздің шыршамыз одан да көрікті, сұлу болып кетті.

Қоян: Шыршамызды біз айналып, ән айтайық баршамыз!

Ән: «Жаңа жыл»

Тәрбиші: Аяз ата сіз сонау алыс жол жүріп келдіңіз. Сіз болса да кішкене тыныңғып алыңыз, ал біздің балалар өздернің дайындаған тақпақтары бар, соны естіңіз!

(Балалар тақпақтарын айтады.)

Инжу: Жаңа жылда сәбилерге

Сыйлық әкеп береді

Арқат: Қуантып елді

Жаңа жыл келді

Малика: Ата,әже! Ата,әже!

Қутты болсын жаңа жыл!

Азат: Көрікті бөрікті

Аяз ата келіпті

Мади: Жаңадан тақпақ

Аламыз жаттап

Жаңа жыл келді

Жаңа жыл аппақ

Нұрай: Қала нур, дала нур

Билеп барлық бала жур

Диана : Далада қар борайды

Ақ мамыққа орайды

Амина: Мерекеге келдік

Тақпақ айтып бердік

Амина: Аяз ата келді

Тамашаны көрді

Аяз ата: Жарайсыңдар! Қандай ақылды, әдемі балалар! Бәрін де білетін кішкентай балалар!

Жүргізуші: Аяз ата біздің балаларымыз сізбен ойын ойнағысы келеді. Сіз балалармен ойнайсыз ба?

Аяз Ата: Әрине, қанеки балалар, Аяз атамен ойын ойнаға дайынсындар ма?

Балалар: Ия!

Ойын: «Қатырмақ»

Ойын шарты: Аяз Ата таяғымен шеңберден өтеді, осы сәтте таяғына қолы тиіп кеткен бала қатып, ойыннан шығады. (Балалар қолдарын созып тұрады, Аяз Ата таяғымен балалардың қолдарына тигізуге тырысады, ал балалар қолдарын артқа тығады.)

Аяз ата: Қандай әдемі балалар, би бидейді, ән айтады, тақпақ айтады.Жарайсыңдар! Ал қанеки қоян, менің қапшығымды алып кел! Балаларға сыйлықтарын таратайық.

(Аяз ата, Ақшақар, қоян үшеуі балаларға сыйлықтарын таратады.)

Тәрбиеші мен балалар: Бізге сыйлық әкелген үшін Аяз ата көп рахмет!

Аяз ата: Сендерге де көп рахмет! Сендердің арқаларында тынығып қалдым! Енді біз Ақшақар, Қоян үшеуміз жол жүрейік! Сау болыңдар балалар! (Аяз ата, Ақшақар және қоян балалармен қоштасып кетеді). Балалар: Сау болыңдар! Тәрбиеші: Жаңа жылым төрле бізге нұр болып, Жақсылықтың жаршысы боп, бақ болып.

№13 бөбекжай бақшасы
















Ертеңгілік : «Сұлу шыршамыз қонаққа келеді!»









Тәрбиешілер: Торина С.А.

Қарғабаева А.С.








Қостанай 2015ж

© 2010-2022