Оқу іс-әрекеті, тақырыбы: Ш дыбысы және әрпі

Астана қаласы

Дарынды балаларға арналған

№ 81 «Astana English School» мектебінің

Тәрбиешісі Елмағамбетова Г.И

Оқу іс әрекетінің тақырыбы: Ш дыбысы және әрпі.

Оқу іс-әрекетінің мақсаты: Өтілген дыбыстар туралы балалардың білімдерін бекіту. Балалардың ойлау қабілеттерін, қиялын дамыту. Ш дыбысы және оның әріп таңбасымен таныстыру. Ш дыбысы бар сөздерге мысал келтіріп, сол сөзді қатыстырып сөйлем құрату арқылы байланыстыра сөйлеуге үйрету, ұғымталдыққа тәрбиелеу. Жазуға қолдарын жаттықтыру.

Оқу іс- әрекетінің көрнекіліктері: суреттер, кеспе әріптер ,текшелер.

Оқу іс-әрекетінің барысы:

1. Ұйымдастыру кезеңі.

Балалар шаттық шеңберіне тұрады, бір-бірлеріне жылы лебіздерін білдіреді.

Балалардан өткен оқу іс-әрекетінде танысқан дыбыстарын қайталайды.

• Балалар,дыбыс дегеніміз не?

• Дыбыстар нешеге бөлінеді?

• Дауысты дыбыстар қалай аталады?

• Дауыссыз дыбыстар қалай аталады?

2. Негізгі бөлім.

1.Ш дыбысы және әрпімен таныстыру.

• Балалар, кім ш дыбысына байланысты тақпақ, жаңылтпаш айтып береді?

2. Мұғалім жұмбақ жасырады.

Мысалы:

Зулап түсіп төменге,

Шыға алмас менсіз бөгенге.

(Шана)

Шана сөзіне дыбыстық талдау жасайды.

-Шана сөзін айтып көріңдерші, ең бірінші қандай дыбыс естіліп тұр ?

Ш әрпімен танысу: ш дыбысының баспа түрін көрсетеді.

Ш дыбысын ауада жазып көрсетеді.

3. Сергіту сәтін өткізу.

Отырып-ақ орнымда,

Айдын көлді кешемін.

Сен білмесең егер де,

Былай ескек есейін.

(Қимылмен көрсету).

Тіл ұсарту жаттығуы.

Шы-шы-шы

Әкем менің аңшы.

5. Дәптермен жұмыс.

Ш дыбысына байланысты берілген суреттердің аттарын атап, оларға дыбыстық талдау жасайды. Қайшы,шаңырақ, ағаш сөздерінде ш дыбыс қай жерде тұрғанын талдатады, яғни ш дыбысының сөздегі орнын практикалық жолмен түсіндіреді.

Үлгіге қарап, үзік сызықтарды қосып, ш әрпінің баспа түрін жазады.

Торкөздегі ш дыбысының орналасқан орнына қарай сөз құрастыру. Сөзжумбақ шешкізу.

6. «Сөз ойла, тез ойла» дидактикалық ойыны.

Ш дыбысына сөз ойлату, сөзді дұрыс айтқан балаға ұсақ ойыншықтардан бір-бірден беріп тұрады. Сөзді көп әрі дұрыс ойлаған болса, көп ойыншыққа ие болады. Кімнің ойыншықтарының саны аптық болса, сол бала ұтады. Мысалы: шана, шар, шырша, машина, ағаш, шымшық,шаңғы.

Осы сөздерге балалар сөйлем құрастырады.

Жұмбақ шешу:

Тікен-тікен тік пісте,

Қысы-жазы бір түсте.

(Шырша)

3. Қорытындылау:

• Шырша сөзі қай дыбыстан басталады? Ш дыбысы дауысты дыбыс па ? Дауыссыз дыбыс па?

• Неліктен дауыссыз, кәне, бәріміз айтамыз. Ал енді Ш дыбысына кім тез сөздер тауып айтады?

Шана сөзін балалар тақтаға текшелер арқылы жазып, шапалақ ұру арқылы буынға бөледі.

Сабақты қорытындылай отырып, жақсы жауап берген балалар мадақталады, бағаланады.