- Преподавателю
- Дошкольное образование
- 8 наурыз, Әлпештеген анашым
8 наурыз, Әлпештеген анашым
Раздел | Дошкольное образование |
Класс | - |
Тип | Другие методич. материалы |
Автор | Алиева А.А. |
Дата | 04.01.2016 |
Формат | docx |
Изображения | Есть |
Қайырлы таң аналар!
Ақ жаулықты әжелер!
Бала-бақша қызметкерлері!
Ару қыздар!
Көктемгі күннің көзіндей жылы жүзді, тұла бойына сұлулық тұнған, арқанын ажарындай нұрлы келбетті, қызғалдақтай алаулаған аналарымызды, аруларымызды көктемнің күлім қаққан шұғылалы мерекесі - 8наурыз мейрамымен құттықтаймыз!
(Музыка әуенімен залға балалар кіреді.)
Бүгін біздің балалар өздерінің сүйікті әжелері мен аналарын көктемнің алғашқы мерекесі - 8 наурызбен құттықтайды. Сіздерге жақсылық, ашық аспан, бақыт, ұзақ өмір тілейміз және де балаларымыздың сіздерге арналған құттықтау сөздерін қабыл алыңыздар.
Көктем: Дала гүлге бөленді
Жер шуаққа бөленді
Орман тоғай бақтар да
Құстар сайрап жөнелді
Өйткені мен көктеммін!
Жүргізуші: Қош келдің,Көктем ардақты,
Халқым саған бар үмітін арнапты.
Жылда осылай келе бергін жасарып,
Гүлге бөлеп,нұрға бөлеп аймақты.
Ән: «Ақ мамам»
Көктем: Ал енді балалар мен сендермен ойын ойнағым келіп отыр.
Ойын: «Көктемгі жауын»
Шарты: Балалар балапан болып жем іздеп жүреді, балаларға ұяшық жасалады.
Көктем: Жауын жауды дегенде, балапандар үлгеріп, ұяшыққа тығылады. Үлгермеген бала, тақпақ, ән айтады.
(Есіктен ата мен әже кіреді)
Ата мен әже: Сәлеметсіңдер ме, балалар!
Жүргізуші: Қош келдіңіздер!
Көктем: Ал, ата-әже мерекеге қош келдіңіздер, мерекені бірге тойлайық!
Ата-әже: Рахмет, бірақ біз сіздерден көмек сұрай келдік. Бүгінгі тойланып жатқан аналар мерекесіне арнап бауырсақ дайындап, суытуға терезенің алдына қойғанбыз. Бірақ бауырсағымыз домалап кетіпті. Мына үлкен «Айша» мектеп-бақшасының балаларынан көмек сұрап келдік. Балалар көмектесесіңдер ме?
Балалар: Иә! Көмектесеміз!
Жүргізуші: Ендеше ата-әже сіздер қонақ болыңыздар, төрге отырыңыздар.
Залға қоян секіріп кіреді.
Жүргізуші: О,қоянжан! Қоян мерекеге қош келдің!
Қоян: Ой, сәлеметсіңдер ме, балалар, қонақтар!
Жүргізуші: Қоянжан, сен мында не істеп жүрсің?
Қоян: ата-әже мен сіздердің бауырсақтарыңызды жолда кездестірдім, жо-жоқ мен оны жеп қойғаным жоқ! Бауырсақ маған өлең айтып берген соң мен оны жібере салдым. Ол әрі қарай орманның ар жағына домалап кетті.
Ата-әже: Қоянжан рахмет саған!
Жүргізуші: Ендеше қоянжан, сен ата мен әжеге көмектескен екенсің, сондықтан біздің балалардың өнерін тамашала.
Ән: «Әжем менің айдай»
(Балалар ортаға шығып аналарымызға арнап ән айтады)
Өлең шумақтары.
Айзере: «Ана» деген сөзді де,
«Әке» деген сөзді де,
«Ата» деген сөзді де,
«Әже» деген сөзді де,
Ойлап тапқан балалар.
Сағымжан: Жарқын жүзді жан адам,
Сендей болсын бар адам.
Сендей болса бар адам
Шаттық кетпес баладан.
Милана: Құшағына кіргенде
Жылынасын бір демде,
Не жетеді көзіне
Мейірімді күннен де.
Әбілмансұр: Ана менің жүрегім,
Ана жаным тірегім
Ананы әрқашан құрметтеп
Анаға бақыт тіледім.
Зере: Таусылмайды өлеңі
Күнде айтып береді,
Барған сайын бір жаққа
Кәмпит әкеп береді.
Қоян: Бәрекелді балалар, сендер әнді жақсы айтады екенсіңдер, көп-көп рахмет!
(Залға қасқыр жүгіріп шаршап кіреді.)
Қасқыр: Балалар сендер қоянды көрмедіңдер ме?
Көктем: Қасқыр, сен ең алдымен мына отырған қонақтармен, балалармен амандас.
Қасқыр: Ой,кешіріңіздер. Мында мереке болып жатыр екен ғой. Ау ата-әже, сіздер де мында екенсіздер ғой. Мен сіздердің бауырсақтарыңызды жолда кездестірдім. Ол маған ән айтып, әрі қарай кете барды.
Ата-әже: ой, енді бауырсағымыз қайда кетті екен!?
Жүргізуші: Ата-әже, сіздер бұған мұнаймаңыздар,көңілдеріңізді түсірмеңіздер. Біздің балалар би билейді. Соны тамашалайық.
Би: «Шуақты көктем»
Өлең шумақтары.
Снежана: Бүгін наурыздың сегізі
Сұлулықтың негізі
Әдемі сөз адамның
Анаға айтар лебізі
Мадияр: Ынтықсаң сен маған,
Асыл үніңмен
Қуантайын мама,
Әсем биіммен.
Әйгерім: Айналайын анашым,
Көкте күн боп жанасың
Ет жүрегін елжіреп
Құшағыңа аласың.
Вася: Достықты біз ойлаймыз,
Бірге күліп ойнаймыз
Қыздарды да құттықтап
Мерекесін тойлаймыз.
София: Алақаны ақ самал
Мәпелеген жан ана,
Көкте күнім батса да
Өзің күнсің балаңа.
Арыслан: Сізге шаттық тілеймін,
Жарқырасын жүзіңіз
Қызыңыздың алдында
Бақытты боп жүріңіз.
Аю: Мына не деген шу!?
Көктем: Аюжан,ұйқыдан тұратын кез келді. Көктем мезгілі келіп, шуақты күндер туды. Ұйқыңды ашып, бізбен бірге мерекені тойла. Көрдің ба мына біздің мерекеге қонақтарымыз ата-әже келді. Қасқыр: Ата-әже! Ал мен сіздер туралы ән естідім.
Ата-әже: Кім айтты саған?
Қасқыр: Жолда келе жатсам, сіздер туралы бауырсақ ән айтып келе жатыр екен. Сосын сіздердің шуларыңызды естідім.
Жүргізуші: Ендеше аюжан, келе ғой, қонақ бол!
Өлең шумақтары.
Руфина: Үн қатасын бал тілмен,
Еркелеймін әр күн мен.
Құттықтаймын анашым
Сегізінші наурызбен.
Владислав: Сыйлаған маған өмірді
Анашым менің аялы
Жүрегі жұмсақ көңілі
Күн шуақты, саялы.
Баян: Әжем менің жыр әжем,
Шуағы мол нұр әжем
Ақ таяққа сүйеніп,
Аман есен жүр әжем.
Алижан: Сенсің ана жан күші
Сендей болсын бар кісі,
Сендей болса бар кісі
Шексіз перзент алғысы.
Эльвира: Теңдесі жоқ данасың
Арқа тұтар панасың
Еңбегіңді ақтаймын
Аман болшы анашым.
Нұрсұлтан: Бар өмірдің жүрегі,
Өзің алтын ордасың
Тірлігімнің тірегі
Уайымың болмасын.
Ойын: «Гүлдер»
(залға түлкі мен бауырсақ кіреді)
Түлкі: Ата-әже, балалар және қонақтар! Сәлеметсіңдер ме? Мерекелеріңізбен аяулы аналар!
Ата-әже: Бауырсақ! Біз сені көп іздедік, сен қайда болдың!?
Бауырсақ: Ата-әже мен көктемнің шуақты күнімен орманды аралап келдім. Жолда қоянды, қасқырды,аюды кездестірдім. Ал түлкі болса осы мерекеге жол көрсетіп, алып келді.
Көктем: Жарайсың түлкі!
Жүргізуші: Енді барлығымыз жиналғандықтан, балалардың тағы бір өнерін тамашалайық.
Өлең шумақтары.
Абай: Ана біздің данамыз,
Әркез біздің панамыз,
Еркелетіп, мәпелеп, күлімдеген
Анаға арнап ән саламыз
Камила: Анамыздың мейрамы
Әжеміздің мейрамы
Әлемдегі ақ, сары
Қара қыздың мейрамы.
Санжар: Ақыл құйған санама
Күннен артық расында
Күн алыста, ал анам
Әрқашан менің жанымда.
Томирис: Анамызды сүйеміз
Ақылын ойға түйеміз
Әжені де ардақтап
Әдеппен бас иеміз.
Меіржан: Көңілімді табатын
Шашымды да тарайтын
О, Анашым!
Құрметіңізге көп рахмет!
Ән: «Анашымы»
(Аналарына балалар жеке тілек айтып, ашық хат тапсырады)
Жүргізуші: ана біздің күніміз
Ана біздің гүліміз
Ұландарды қуантып
Ұзақ өмір сүріңіз,-дей келе бүгінгі ертеңгілігімізді аяқтаймыз. Сау саламатта болайық!
№7 «Айша» мектеп-бақшасы
Тәрбиешілер: Алиева А.А
Көкшетау қаласы