- Преподавателю
- Дошкольное образование
- 5 саны және цифры тақырыбына арналған сабақ жоспары
5 саны және цифры тақырыбына арналған сабақ жоспары
Раздел | Дошкольное образование |
Класс | 13 класс |
Тип | Другие методич. материалы |
Автор | Жуманова Т.Х. |
Дата | 20.02.2016 |
Формат | docx |
Изображения | Нет |
Математика
Тақырыбы: 5 саны және цифры.
Сабақтың мақсаты: 1) 5 саны және цифрымен таныстыру. Көп ұғымынан бесті бөліп алу. 2)Балалардың жан-жақты ойлануын,ізденуін, алған білімдерін одан әрі дамыту. 3)Ұлттық ойынға, пәнге қызығушылығын арттыру, толық жауап беруге, зейінділікке тәрбиелеу.
Әдісі: түсіндіру, ойын.
Көрнекілігі: цифрлар, суреттер, түйе суреттері.
Сабақтың барысы:
I. Ұйымдастыру кезеңі: Сәлемдесу, психологиялық дайындық.
II. Жаңа сабақ:
- Балалар, қазір қандай жыл мезгілі?
- Көктем.
- Көктемде қандай өзгерістер болады?
- Күн жылынады, қар еріп суға айналады, жердің бетіне өсімдіктер шығады, құстар ұшып келеді т.б.
Суретпен жұмыс:
-Суретте қанша қарлығаш бар? (Бесеу)
- Сауысқан қанша? (Бесеу)
- Олардың бір-бірінен айырмашылығы неде?
- Қарлығаш кішкентай, сауысқан үлкен құс.
-Сауысқан қыстап қалады. Қарлығаш жыл құсы.
- Қарлығаштың құйрығы айыр. Ол адамның досы, ұясын адамға жақын жерге салады.
5 санға байланысты слайд көрсету.
III. Сергіту сәті:
Қарлығаш боп ұшайық,
Қане қанат жазайық.
Ұшып-ұшып алайық,
Орнымызға қонайық,
IV. Дәптермен жұмыс:
1) 5 санын көрсету.
2) Таяқшамен 5 санын құрастыру.
3) 5 цифрының жазылуын көрсету.
4) Ауада жазу.
5) Дәптерге үлгі бойынша таяқша салу.
6) 5 санын жазу.
V. Сергіту сәті:
Біз кішкентай баламыз,
Өсіп-өніп толамыз.
Күнге қарай талпынып,
Көкке қолды созамыз.
Қанат қағып ұшамыз,
Қарлығаштай самғаймыз.
-Балалар бізге түйенің атасы- «Ойсыл қара» келді. Өзімен бірге бірнеше түйелерді ала келіпті. Осы түйелерді жарысқа қатыстырмақшы.
Түйелер: 5 жасар екен. Түйеге мініп жарысатын балалар 9,10 жас шамасындағы балалар.
Түйелердің суреттерін тақтаға іліп, сыныпты үш топқа бөліп жарыстыру.
VI. «Түйелер жарысы» ойыны
1. Торкөздегі 5 цифрының санына байланысты бес заттың суретін салу, геометриялық фигуралардың санына қарай тиісті санды қой.
2. Қорапқа 5 жеміс, 5 көкеніс салу.
VII.Қорытындылау:
Тақтада суреттер ілініп тұрады. Әр топтан бір бала шығып, бес заты бар суреттерді жинайды.
Мысалы: 5 сауысқан, 5 қарлығаш, 5 алма т.б.
-Сонымен, балалар, біз қандай санмен таныстық?
- 5 санымен.
Жарыс қорытындысын жасау. Жеңімпаз балаларға сыйлықтар беріледі.