Мақсаты: БМ: Балаларға халқымыздың мейрамдарының бірі – Наурыз туралы түсінік беру. ДМ: Балалардың ой-өрісін, сөздік қорларын дамыту. ТМ: Балаларды ұлтжандылыққа, ана тілін құрметтеуге, халқымыздың ұлттық мерекелерін құрметтеуге тәрбиелеу

Төрлет, Наурыз төріме!

Мақсаты:

БМ:Балаларға халқымыздың мейрамдарының бірі - Наурыз туралы түсінік беру.

ДМ:Балалардың ой-өрісін,сөздік қорларын дамыту.

ТМ: Балаларды ұлтжандылыққа, ана тілін құрметтеуге, халқымыздың ұлттық мерекелерін құрметтеуге тәрбиелеу.

Көрнекілігі: Нақыл сөздер, ұлттық киімдер.
Тәрбиеші:Құрметті ата-аналар,қонақтар!Мерекелеріңіз құтты болсын!Ұлыс баршаңызға бақыт,денсаулық,ырыс,береке әкелсін!Бүгінгі біздің ұлыстың ұлы күніне арналған "Төрлет,Наурыз төріме" атты ертеңгілігімізге қош келдіңіздер!

Дастарханы халқымның тола берсін,

Бақыт құсы қолыңа қона берсін.

Ұлы тойдың төресі - наурыз тойы,

Жылдан - жылға құт тойы бола берсін!

дей келе, бүгінгі Наурыз мерекесіне арналған ертеңгілімізді бастаймыз.
Ән "Наурыз көктем"

Тәрбиеші: Балаларымыздың бүгінгі мерекеге арналған тақпақтарын,қабыл алыңыздар!

Жылдың басы Наурыз

Жердің басы Наурыз

Мерекеге арналсын

Бүгінгі жыр-әніміз. Мұса

Наурыз тойы-береке

Наурыз тойы-жыр аңыз

Қызып дулы мереке

Қызық думан құрамыз. Айша

Қош келіпсің Наурыз

Арман тойы халықтың

Қуанышы халықтың

Құтты болсын қадамың. Б.Шыңғыс

Наурыз келді еліме

Наурыз келді жеріме

Байлық,бақыт тілеймін

Бүкіл қазақ еліне. Мадина

Наурыз келді салтымыз

Көгерсіндеп халқымыз

Көшеге тал егеміз

Жарқырады күніміз. Азамат

Көңілді музыка ойналып,ішкеиАлдаркөсе кіреді.

Алдаркөсе:Ассалаумағалейкум,көпшілік!Мен сендерге ертегілер елінен келдім. Менің атым-Алдаркөсе.Қазір мен сендердің барлығынды алдаймын.

Жүргізуші: Алдар аға,сіз біздің балаларды алдамаңыз.Алдаған деген жаман

Қылық.Одан да мына кішкентай балаларымыздың өнерін тамашалаңыз.

Алдаркөсе: жақсы.олай болса солай-ақ болсын.
Би: "Домбыра"

Жүргізуші: Алдаркөсе,өзің бізге құрқол келмеген боларсың?

Алдаркөсе: Әрине мен балаларға қазақ халқының ұлттық ойындарының бірін алып келдім.

Жүргізуші: : Кәне балалар бір ойын ойнап жіберейік! Ойынның аты- "Арқан тартыс" Бұл ойында екі топ адамдары бір-бірімен күш сынасады екен. Екі топқа адам тең бөлініп, ортаға сызық белгілеп, арқан тартысады. Арқанды өз өзіне тартып алған топ күшті, жігерлі топ болып саналады.

Алдаркөсе: Балалар,сендер жақсы балалар екнесіңдер.Мен сендерді алдай алмадым.Ал мен біреуді алдамасам басым ауырады.Анау көрші ауылда Шықбермес Шығайбай деген бай бар екен.Ендеше,соны барып алдайын,-дейді де Алдаркөсе балалармен қоштасып шығып кетеді.

Жүргізуші: Ал, қазір қазақтың салт-дәстүрі бойынша "Тұсау кесу" көрінісін көрсетеміз.Ортаға әжелер шығып, "Тұсау кесу"рәсімін жасайды.

«Тұсаукесер» жыры:

Күрмеуіңді шешейік;

Тұсауыңды кесейік.

Ала жіпті алайық,

Әжеңе алып барайық.

Ер жетті деп айтайық,

Шашуын жеп қайтайық.

Қаз-қаз балам, қаз балам,

Қадам бассаң мәз болам.

Тағы-тағы баса ғой,

Тақымыңды жаз, балам,

Қаз баса ғой, қарағым,

Құтты болсын қадамың!

Жүргізуші: Балалар кәне тағы да, бір ойын ойнап жіберейік! Қазақтың ұлттық ойыны "қыз қуу". Ойын шарты: Ортаға ұл мен қыз шығады.

Би: "Қара жорға"

Жүргізуші:Наурыз құтты болсын! Дендеріміз сау, мықты болсын! Наурыз тойы келе берсін! Барлық халық бақытты болсын, Қош ,сау болыңыздар, халайық! Көріскенші күн жарық болсын!