Айналайын, анашым Шағын орталық Балапан тобы

Тақырыбы: «Айналайын, анашым»
Мақсаты: Қазақстан Республикасындағы мерекелер туралы білімдерін қалыптастыру,анаға деген құрметін,балалық сезімдерін сөз арқылы жеткізе білуді дамыту.Аналарды тек мереке күні ғана емес,күн сайын сыйлау,қадірлеу керектігін саналарына ұғындыру.Аналар еңбегін қадірлеуге тәрбиелеу.

Жүргізуші: Құрметті қонақтар, асыл аналар, әжелер мен қыздар!
Сіздерді көктемнің
8 - наурыз мейрамымен шын жүректен құттықтаймыз.

Жүргізуші: Бүгінгі 8 - наурыз - аналар мерекесіне арналған «Айналайын, анашым» атты мерекелік кешімізге қош келіпсіздер!

8- наурыз келді көктемгі

Қыстың кетті аязының көктемі

Мерекеңіз құтты болсын, аналар

Балапан тобы құттықтайды сіздерді.
Жүргізуші:Балаларымыздың орындауындағы «Құттықтаймын мама туған күніңмен» әнін, қабыл алыңыздар.
Ән «Құттықтаймын мама туған күніңмен»

Жүргізуші: Бүгінгі мейрамда көктемдей көңіл сыйлайтын балаларыңыздың аналарға арналған өлең шумақтарын қабыл алыңыздар.
Гүлден:
Ақ қабақты анашым

Күн сәулелі анашым

Әлпештеген баласын

Айналайын анашым
Мади
Ана - өмір шырағы
Ана - өмір бұлағы
Бесігімнің жыр -әні
Жүрегімде тұрады.
Айлан
Шашымды өріп тараған
Қабағыма қараған
Үлкен кіші демейді
Сыйлайды оны бар адам
Ернур Аймурат
Аналарды сүйеміз
Сөзін ойға түйеміз
Әжелерді ардақтап
Әдеппен бас иеміз
Айдос
Мерекені қарсы алып
Мәз болады барша жұрт
Гүл ұсынып анаға
Бердім өзім ән салып

Гудебай Інжу
Ана -біздің күніміз
Ана -біздің гүліміз
Анамыздан тарайды
Біздің ана тіліміз

Амина

Айналайын анашым

Жұмысыңа барасың

Қайтып мені көргенше

Шын сағынып қаласың

Жүргізуші:Ал құрметті аналар кезекті біздің қыздырымыздың Қуыршақтар биіне береміз. Қабыл алыңыздар.
Би «Қуыршақтар»

Жүргізуші: Балалар біздің үйде анамыздан басқа ертегі айтып беретін Ақ жаулықты әжелеріміз бар емес пе?

Қанеки әжемізге ән шырқап берейік.
«Әжем» әні

Ал енді кезекті біздің топтың ұл балдарына берейік.

Ән «Анашым-нурым»
Жүргізуші: Ал енді тағы кезекті тақпақтарымызға берейік.
Айгерім
Ел жатқанда жатпаған
Мен деп тыным таппаған
Бақыты үшін баланың
Аман -сау бол ақ мамам
Нариман
Менің әжем мейірбан

Мені жақсы көреді

Қажетіне арасам

Жас балаша күледі

Амантай Ернур

Бала,бала, бала деп

Түнде шошып оянған

Түн ұйқысын төрт бөліп

Түнде бесік таянған

Каусар
Еркелетсе күнім дейді

Ұрысқаны білінбейді

Маңдайымнан иіскеп менің

Құлыншағым күнім дейді

Айбек

Айналайын анашым

Жұмысыңа барасың

Қайтып мені көргенше

Шын сағынып қаласың

Аяна

Мәпелейсің мені анам

Қолыңдағы құсыңдай

Құлпыра өсіп дем алам

Құшағыңда қысылмай

Нурмухаммед

Бала,бала, бала деп

Түнде шошып оянған

Түн ұйқысын төрт бөліп

Түнде бесік таянған
Жүргізуші:
Бишілер бар бізде қыздар мен ұлдар тобы,
Мерекеге өнерімен келген бүгін.
Таң қалдырып, қанекей би билеші,
Қол соғып, демеу берсе көрермендер!.
Би « Буги-буги»
Жүргізуші:
Жан анам, құттықтаймын мереке күніңмен,
Көктемнің құлпыра бер нарт гүлімен.
Өрлесін елдің берген бақыт бағы,
Жазбасын шат көңілін ақ күніңмен, - деп, ендігі кезекте «Сүйікті мамам» әні, қабыл алыңыздар!
Хор «Сүйікті мамам»
Жүргізуші.

Сіздер- Күнсіз, аспанда жарқыраған

Сіздер - өзен тау суы сарқыраған

Сіздер- ана, сіздер - жар, сіздер- қыздар

Сіздер -жаңбыр, ақ нөсер сарқыраған.
Жүргізуші: Құрметті қонақтар міне біздің бүгінгі «Балапан» тобының 8-наурыз әйел-қыздар мерекесіне арналған ертеңгіліміз өз мәресіне жетті, көңіл қойып тыңдағандарыңыз үшін алғысымыз шексіз, қош сау саламатта болыңыздар.