Сабақ жоспары: Ұлттық ою өрнек

Хасенова Г.К.

Ұйымдастырылған оқуіс-әрекетінің технологиялық картасы

Білім беру саласы: «Шығармашылық»

Бөлімі:Мүсіндеу

Тақырыбы: Ұлттық ою-өрнек

Мақсаты:

Білімділігі:Ұлттық ою-өрнек туралы білімдерін тереңдету,балаларға ермексаздан ширату әдісін үйрету, ұлттық ою-өрнектерді бүркелеп мүсіндеуді ұқыпты орындауға дағдыландыру,саусақ икемділіктерін жетілдіру,мүсіндеу өнерінің жаңа тәсілдерімен таныстыру.

Дамытушылық:балалардың ұлттық өнердің сән және қол өнер түріне деген сүйіспеншіліктерін,көркемдік эстетикалық талғамдарын дамыту,халықтың тұрмыс-салт дәстүріне қызығушылықтарын ояту,шығармашылық ойлау қабілеттерін дамыту.

Тәрбиелігі:оқушыларды ұқыптылыққа,жылдамдыққа төзімділікке,батылдыққа,отансүйгіштікке,бір-біріне деген қамқорлық жасау дағдыларына тәрбиелеу.

Көрнекілігі:қазақ халқының ұлттық ою-өрнектері,сәнді қолданбалы бұйымдары,зергерлік бұйымдар т.б. суреттері,ермексаз,тақтайша,таяқша,қол орамал.

Әдіс-тәсілдер:түсіндіру,сұрақ-жауап.

Іс-әрекет кезеңдері

Тәрбиешінің

іс-әрекеті

Балалардың

іс-әрекеті

Мотивациялық-қозғаушылық

Шаттық шеңбері

Амансыңдар ма,ұлдарым!

Амансыңдар ма,қыздарым!

Қандай жарқын жүздерің,

Қандай әсем түрлерің,

Жылуыма жылу қос,

Міне менің қолым.

Қызығушылық білдіреді.Балалар шеңбер құрып, дөңгелене тұрады,жылы лебіздерін білдіреді.

Ұйымдастыру-іздестіру

-Ал енді,әрі қарай балалар,мүсіндеу сабағымызды жалғастырамыз.Ұлттық қолөнер түрімен біз күнделікті үйде,мектепте де танысып жүрміз.Әрқайсымыздың үйдегі шебер әжелеріміз оюлап талай әдемі дүниелерді тігіп жасады.Ол бұйымдарға көрпе,кілем,көйлек,шапан жатады.Бұрынғы аталарымыз ағаштан,темірден бұйымдар жасаған.Ол бұйымдар:сандық,бесік,қамшы,домбыра,ұршық.Зергерлік бұйымдарға:сақина,сырға,алқа, т.б.Енді есімізге ыдыс-аяқ түрлерін түсіріп көрейік:ожау,кесе,табақ.Осының бәрі де ыдыс-аяқ түрлері,осы ыдыс-аяқты салатын әжелер әдемілеп тіккен қапшық болады.Оны аяққап деп атайды.

-Осы бұйымдардың бәрін немен әшекейлеп,өрнектеген?(оюлармен) Оюлардың түрлері өте көп.Олар:қошқармүйіз,жұлдыз,гүл,омыртқа,балта,тарақ.Сонымен осы бұйымдардың бәрін халқымыз бір сөзбен қолөнер түрі деп атайды.

Сергіту сәті:

Оюлардың түрімен,

Танысамыз біз бүгін.

Мүсіндеудің түрімен

Танысамыз біз бүгін,

Дайын міне тақтайым,

Дайын міне,ермексаз,

Оюларды жасаймыз.

Шебер болып шығамыз.

Әліппе-дәптермен жұмыс

-Ал,енді жұмысымызға кірісейік.Жұмысқа кіріспес бұрын,тазалық ережесін сақтау керекпіз.

-Ермексазды қолымызға аламыз,алақанымызға саламыз,жұмсартып шығарамыз.Алдымызға қойылған қатырма қағазға қоңыр түсті ермексазды төсеп,тегістеп шығамыз,содан кейін ақ түсті ермексазды саусағымызбен жұмсартып,созып,дөңгелетіп алып қошқармүйіз тәріздес етіп жасап қоңырдың үстіне қойып шығамыз.Бүгінгі оқу іс әрекетінде дәстүрден тыс оюларды ермексаздан ширату тәсілімен мүсіндейміз.Тәрбиеші балаларға бірнеше ою-өрнектердің элементтерін атауды және оны өрнектеуді ұсынады.Жұмыстың орындалу ретін түсіндіріп,тапсырма беріледі.Қалған ермексаздан жіңішке ширатпалар жасаймыз.Жіңішке ширатпаларды салынған оюлардың үстінгі жағына саусағымызбен баса отырып жапсырамыз.Қолымызға таяқшаны алып,ою-өрнектің шеткі жолына түртіп бастырып шығамыз.

Дидактикалық ойын «Жартысын тап!»

Оқу іс- әрекетінің мақсатымен, тақырыбымен танысады.Керекті құрал- жабдықтарды түгендейді, тексереді.

Жасалатын бұйым туралы білетін пікірлерін ортаға салады.

Жұмыс барысымен танысады.

Жұмыстың реттілігі бойынша бұйымды жасайды.

Балалар жұмыс дәптеріндегі бедерлі мүсіндеудің орындалу ретіне қарай отырып, тапсырмаларды орындайды.

Балалардың қолына оюдың жарты бөлігі беріледі,тез арада сол оюдың екінші бөлігін табу керек.Оюдың атын атап айтады.

Рефлексивті - түзетушілік

Ең жақсы жасалған және өздері өрнектер ойлап тапқан балаларды мадақтап, ерекше атап өтеді,шағын көрме ұйымдастырады.Тәрбиеші балалардың жасаған жұмыстарына қарап,мүсіндерді балаларға көрсетіп,бағалайды,талдайды.

Жасаған жұмыстарын тәрбиешіге көрсетеді.

Күтілетін нәтиже:

Нені білу керек:

Мүсіндеудің негізгіжұмсарты, созу, құрастыру, жаю, тегістеу, жалпақтау, домалақтау тәсілдерін;

Нені игереді:

Балалар ермексаздан ширату әдісін жетілдіру мақсатында балаларға ұлттық ою-өрнектерді бүркелеп мүсіндеуді үйренеді;

Нені біледі:

Қатырма қағазға бедерлеу тәсілін орындауды.