Мерекелік шара Алтын күз

« Берекелі алтын күз» атты ертеңгілік кеші.

Қарсы алайық бәріміз,

Жасымыз бен кәріміз.

Қырдан кепті қыдырып,

Алтын күзге бізге нұр төгіп.

Армысыздар ағайын! Сәлеметсіздерме,қадірлі қонақтар! Бүгін біз жыл мезгіліндегі ең тамаша-«Берекелі алтыз күз» атты ертеңгілігімізге қош келдіңіздер!

Жүргізуші: Ал, балалар,балалар,

Енді бері қараңдар

Бізге қонақ келмекші

Сендерді бір көрмекші

Әуелі жұмбақ жасырам

Қулығымды асырам.

Таба алсаңдар шешімін

Қонағымды ортаға шақырамын.

«Көк майсалы көрікті, алқаптағы көп егін

Бұл күндері киіпті, сары жібек көйлегін»-Бұл не ,балақайлар? (Күз)

Күз ханшайымы: Сәлем менің достарым,

Өмірге көп қосқаным,

Күз сыйлығын алыңдар

Сыйлығына қаныңдар.

Молшылыққа кенеліп,

Шаттық әнге салыңдар.

Жүргізуші: -Ал, балалар өнерімізді көрсетіп, мерекені тойлайық.

Мерей,Ислам,Арнур Ән:»Күз жомарт»

1. Қуандырып біздерді,кел жемісті алтын күз. Мерей

Өлкемізге күз келді, кемелдейсін халқымыз.

Жеміс мол теретін, күз дос екен бізбенен

Бәрін тауып беретін, жомарт екен күз деген.

2. Ақтарады мырза күз, уылжыған жемісті, Ислам

Күзге бізде ризамыз, аянбаған ел үшін.

Көбейді құт береке, астық толы қамбамыз,

Құтты болсын мереке, алтын күзді тойлаймыз.

4. Жатыр дала жалтылдап, жаз шуағы мол құйды, Арнур

Күн астында алтын дән, тербеледі толқиды

Көктемде егін егетін, күзде жиып беретін

Біздің дала бай дала, астық толы айнала.

Ән: « Күз жомарт» қабыл алыңыздар!

Күз ханшайымы: - Рахмет, балалар. Бүгінгі мерекеге мен бос келгенім жоқ,өзімнің алтын жапырақтарымды ала келдім бұл жапырақтарымда ,балалар сендерге сұрақтарым бар ,жауап бересіңдер ме?

Кәзір жылдың қай мезгілі?

Күз мезгілі екенін қайдан білдік?

Күз айында қанша ай бар?

Күз айларын атап беріңдерші?

Жүргізуші: кәне балалар онда ортаға күз айларын шақырайық өз тақпақтарын айтып берсін: Қыркүйік,Қазан,Қараша

Қыркүйек: Бір-біріне жер аспан, мейіріммен қарасқан

Ұстаз-шәкірт жүздескен, қош келіпсіз күз дескен Алмазбек

Бірінші қыркүйек, білімге бастады

Мал мен аң жүр билеп, құс шарлап аспанды.

Қазан: Қазан айы болыпты, қамбаға астық толыпты

Сары даланы сәндетіп, думандатып әндетіп Мансур

Жаңбырлы ғажап айы, бұл мен қазан айы.

Қараша: Мол байлық тергені, шаттығы қаншалық

Қараша өрледі, қараша ән салып

Күн суытып барады, малдар қолға қарады Бибінұр

Қараша ауыл даламыз, қысқа дайын боламыз.

Ән: Қошақаным

Кезегімізді өлең шумақтарға берейік.

1.Алтын нұрдай тамшылап, жапырақтар төгілді Айман

Біздің өмір таң шуақ, біздің өмір көңілді

Біреу астық түсіріп, біреу бидай ұшырып,

Жатқан мезгіл күз екен, алдым соны түсініп.

2. Күздің қазан айында, алма,алмұрт піседі

Жапырақтар сарғайып, сыбдыр- сыбдыр етеді, Айхан

Күн суытып, жапырақтар түседі.

Астық жеміс жиылды, жомарт екен күз декен.

3. Сарғайды тоғай, сап-сары манай Гүлдана

Соңғы әнің айтып, құс кетті қайтып

Жапырақ ұшты, суық та түсті

Сонда да бізге,қызық көп күзде.

4. Күн суытып келеді, жапырақтар түседі. Сайда

Астық-жеміс жиылды,қамбамызға құйылды.

Ардақты күз -мың алғыс, алдық өнім сыйыңды.

5. Жаздай күткен бәріміз, Сары алтын,сары күз, Бибінұр

алтын ұя бақшада, сабақ бастар шағымыз,

көк аспаның мөлдіреп, алтын күнім елжіреп

асыр салып жүре бер, сары көйлегің желбіреп.

Жүргізуші: Күзде өздері пісетін, тамаққа кеп түсетін,

Мақтанбақшы сіздергі, жемістер, көкөністер сан түрлі.

Ортаға жемістер мен көкөністер, өздері туралы тақпақтар оқиды.

1. Асханадан шықпаймын, Камила

Атым пияз, бұқпаймын.

Көзден жасты шығарам.

Тұмаудан бірақ сақтаймын.

2. Тал шыбығым бұралып, Мерей

Бақшаларда қызарып

Тұрган ол мен қызанақ

Күнге қарап ұялып.

3. Картоп біздің атымыз Әлішер

Жер астында жатырмыз

Бір тамырдан тараған,

Ағайынбыз бәріміз.

4. Өсіретін бойыңды Амир

Дамытатын ойыңды.

Қоянға да азықпыз,

Сәбіздерміз жазықсыз.

5. Пісіп тұрған алмамын, Назерке

Тамсандырар бал дәмім

Жерге сілкіп түсірме

Ісіп кетер маңдайым.

6. Жапырақты тасалап Сабина

Өсетін жері бақша-бақ

Күрең қызыл шіркін-ай

Менің атым құлпынай.

7. Тіл үйірген алмұртпын Арнұр

Таңсығымын бар жұрттың

Жақсы өсіре алмайды,

Қараса егер салғырт кім.

8. Мен моншақты шиемін Хаержан Назерке

Құмарсындар білемін

Кетіп қалып жүрмесін

Тамағыңа сүйегім.

9. Дөп дөнгелек сап сары Альмира

Ішінде бар дәні

Қызығасын көріп

менің атым өрік.

10. Көктеп ерте шырмалып, Ерасыл

Әсем мен бүр жарып

Атым қияр теріп ал,

Жиі-жиі су арып.

Күз ханшайымы: --- Бәрекелді, керемет! Балалар сендер жұмбақ шеше аласыңдар ма?

1.жерге тырс-тырс тамады

Сайға қарай ағады. бұл не екен?(жаңбыр)

2.Қабат-қабат тоны бар

Кішкентайғана бойы бар бұл не?(орам жапырақ)

3Қалың киім ұнатады

Шешіндірсең жылатады бұл не? (пияз)

4 Ағайынды бәрі

шықса жасыл,түссе сары бұл не?(жапырақтар)

Жүргізуші: Күз ханшайымы, біздің балалар көкөністерді жемістерден қалай тез ажырата алатынын білесізбе?

Күз ханшайымы: Білмейді екем...

Жүргізуші: Ендеше тамашалаңыз. Біздер бір ойын емес екі ойынды қатар ойнағалы отырмыз.Оң жақтағы балалар 1.Ойын «Көкөністерді ажырат»(көкөністерді сипап,сезу арқылы ажыратып айту). Сол жақтағы балалар2. ойын «дәмін татып жемістерді ажырат)

Жүргізуші: --Жарайсыңдар, балалар! Көрдіңізбе, Күз ханшайымы, біздің балалар қандай епті,жылдам.

Балалар өз тақпақтарын айтамыз дейді.

Өнім үйіп тастадық Сардар

Оқуды да бастадық

Берекелі алтын күз,

Ашық болсын аспаның.

Жетті желмен алтын күз, Әділет

Жеміс жинау салтымыз

Жиып-теріп болған соң

Той жасайды халқымыз,

Көк майсалы көрікті, алқаптағы көпегін Алинур

Бұл күндері киіпті , сары жібек көйлегін,

Ағаштардан жамырап, ұшты кенет жапырақ,

Ой алақай тамаша, шашу шашты жапырақ.

Соңғы шуақ төгіліп, салқынданып тұр аймақ, Камила

Ақ сәулеге шомылып, жапырақтар жүр ойнап.

Көктен көзін бір алмай, қызғылт тартты сары күз

Жер қызығын қиялмай, маужырап тұр сары күз.

Жүргізуші: Бүлдіршінмен бәріміз,

Отбасындай бір ұямыз

Береміз ендеше

Би өнеріне кезегін.

Жапырақтар биі:

Күз қаншайымы: ал балалар менің кететін уақытым болды,басқа сыныптағы балалар күтіп қалған болар олардың да мерекелерін тамашалайын .Сау болыңдар

Жүргізуші: Құрметті қонақтар, ата-аналар бүгінгі «Берекелі алтын күз » -атты ертеңгілігімізді аяқтай отырып, күз берекелі, астықты болсын демекпіз.