- Преподавателю
- Дошкольное образование
- Конспект занятия Осень для групп с государственным языком обучения
Конспект занятия Осень для групп с государственным языком обучения
Раздел | Дошкольное образование |
Класс | - |
Тип | Конспекты |
Автор | Досанова М.Б. |
Дата | 21.12.2015 |
Формат | doc |
Изображения | Есть |
Тақырыбы: «Күз мезгілі» (тіл дамыту)
Тақырыбы: Күз мезгілі
Сабақтың мақсаты: 1) Күз мезгілі туралы түсініктерін молайту. Ой-өрісін, білім деңгейін жетілдіру. 2) Балалардың тіл байлығын, өз ойын жеткізу, дұрыс сөйлеу мәдениетін дамыту. 3) Табиғатты сүюге, оны қорғауға баулу, сабаққа деген қызығушылықтарын арттыру.
Көрнекіліктер: «Күз» суреті, карточкалар, эмблемалар, боялмаған дайын жапырақтар,гуашь бояуы қылқалам, ватман,орамалдар.
Сөздік жұмыс: алтын күз, жомарт күз, дымқыл, бұлыңғыр, түнерген, тұман, бұлтты.
Сабақтың барысы
-
Таңғы шеңбер.
(Балалар топқа кіріп, шеңбер құрып тұрады)
Қуан! Шаттан! Алақай!
Қуанатын күн келді.
Қайырлы таң!
Қайырлы күн!
Сәлеметсіз бе!
-Балалар бүгін бізде ерекше сабақ болады, сонықтан бір-бірімізге жылы жүзбен қарап сәттілік тілейік
2. Әңгімелесу.
-Балалар менің мына өлеңімді тыңдап көріңдерші?
Шөп сарғайып, өңі тайып,
Дала сұры қашады.
Бой жаза алмай,
Ойнай алмай
Денең мұздап тонады.
Айтыңдаршы балалар,
Бұл қай кезде болады? (балалартың жауабы: Күз мезгілінде)
-Дұрыс айтасыңдар, күзде
-Енді бір мезет бәріміз терезеге көз салайықшы, далада ауа райы қандай?
(балалардың жауабы: Суық, жер дымқыл, аспан бұлтты)
-Балалар қалай ойлайсыңдар қазір жылдың қай мезгілі? (балалардың жауабы: Күз мезгілі)
-Жарайсыңдар! (кенеттен топқа бір жапырақ ұшып келеді)
-Балалар қараңдаршы бұл не ұшып келген? (жапырақ)
-Қандай түсті жапырақ?(сары түсті)
-Жарайсыңдар, балалар бұл жапырақ бізге тегін ұшып келген жоқ. Бүгінгі іс-әрекетіміз күз жайлы болмақ.
-Балалар менің қолымдағы не?( Тәрбиеші балаларға тамшы мен сары жапырақ эмблемасын көрсетеді)
-Қалай ойлайсыңдар неліктен біз осындай белгі таңдадық? (балалардың жауабы:өйткені күзде жаңбыр жауып, жапырақтар сарғаяды)
-Жақсы олай болса, екі топқа бөлініп, жапырақтар бір бөлек, тамшылар бір бөлек отыра қалады.
3 Топпен жұмыс
1 топ тапсырма:(негізгі) Сюжетті сурет бойынша әңгімелесу(табиғат өзгерістері)
2 топ тапсырма:(шығармашылық) Жапырақтарды сары немесе тоқ сары түске бояп, боялған жапырақтардан күзгі кілем жасау.
(тәрбиеші алдымен 2 шығармашылық топқа тапсырма береді)
Балалардың назарын «Күз» суретіне аудару.
-Балалар суретте жылдың қай мезгілі берілген? (күз мезгілі)
-Қайдан білдіңдер? (балалардың жауабы)
-Күзді тағы қалай айтады? (алтын күз, жомарт күз)
-Балалар мына суретте қолшатырмен серуенге шыққан баланы көреміз.
-Қалай ойлайсыңдар, ол неге қолшатырмен шықты? (өйткені далада жаңбыржауып тұр)
-Ол серуенге жалғыз шықты ма? (жоқ, итпен серуенге шықты)
-Балалар енді аспанға көңіл аударайықшы, аспан қандай? (Бұлтты, түнерген, бұлыңғыр)
-Ағаштар қандай, оларға не болды? (Жапырақтары сарғайып түсіп қалды)
-Жапырақтар қайда түсіп жатыр? (көлшікке, жерге)
-Көлшік қалай пайда болды?(өйткені жаңбыр жауып, су жиналды)
Бекіту ойыны «Күзде не болады» (балалар кезекпен табиғат өзгерістерін атайды)
-Жапырықтар сарғаяды, жаңбыр жауады, құстар жылы жаққа ұшады, жел соғады, астық жинайды,тұман болады, адамдар жылы киінеді.
-Жақсы күз туралы тағы не айта аласыңдар?
(Балалардың жауабы)
Күз дәнімен көрікті, Шықса көк,
Қыс қарымен көрікті. Түссе сары.
Жаз да өтер, күз де жетер Сайрандады күліп-ойнап,
Жыл мезгілі ауысып. Келді міне алтын күз!
Құстар қайтып , әнін айтып.
Тапсырма: Карточкалармен жұмыс.
-Балалар қазір мына суреттердің ішінен күзге қатысты сурет таңдаймыз. (балалар ол суретті неге таңдағанын түсіндіріп береді)
-Жарайсыңдар балалар! Күз турала көп біледі екенсіңдер!
(Кейін екі топ тапсырмаларымен ауысады. 1-ші топ күзгі кілемді жалғастырады, 2-ші топ сюжетті сурет бойынша әнгімелеседі)
4.Қорытынды-рефлексия
-Бұл күзгі кілемді біз сәбилерге сыйлаймыз.
-Балалар бүгінгі сабақ несімен ерекше болды?
-Келесі жолы жақындағы саябаққа қыдырып баратын боламыз.
-Жарайсыңдар, барлықтарын бүгін жақсы жұмыс істедіңдер!
Эмблемалар