Алтын күз мерекесіне арналған Сыйлығы мол Алтын күз атты ертеңгілігінің сценариі

Раздел Дошкольное образование
Класс -
Тип Конспекты
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

«Сыйлығы мол , Алтын күз»

Күзгі мерекеге сай безендірілген залға әуенмен балалар кіреді. Орындарына орналасады.

Жүргізуші: - Армысыздар, құрметті қонақтар, ата аналар , кішкентай бүлдіршіндер! Бүгінгі «Сыйлығы мол , Алтын күз» атты ертеңгілігімізге қош келдіңіздер!

Ай жапырақ сары, алтын,

Айналаның бәрі алтын.

Қуандырып біздерді,

Мерекелі күз келді.

Кел, жемісті Алтын күз,

Кемелденсін халқымыз.

Ән «Сары алтындай сары күз».

Жүргізуші: - Міне, өлкемізге алуан түсті жапырақтармен толқын билеп күз мезгілі де жетті. Күз мезгілі көңілсіз болсада, біздің көңіліміз әрдайым керемет! Ендеше соның дәлелі ретінде ертеңгілігіміздің тақпақтарына кезек берейік:

Нарынбай Сымбат:

Ағаштардан жамырап ,

Ұшты кенет жапырақ.

Ой, алақай , тамаша,

Шашу шашты жапырақ.

Әділжан :

Бүгін мейрам, бүгін той,

Қуанышты күн, біліп қой.

Күзгі бақтай сыңғырлап,

Алақанды соғып қой!

Маркс Аружан:

Аспанды сұрғылт бұлт ,

Жан- жақты жабады.

Күнбірте суытып,

Жауын көп жауады.

Әмір:

Жапырақтар боянып,

Сылдырлап жерге түседі.

Қызанақтар қызарып,

Күзге қарай піседі.

Даниял:

Біздің дала , бай дала,

Алтын астық айнала.

Мейіржан:

Дәнге толы кең далам,

Дариядай шалқып тұр.

Жүргізуші: -Өте жақсы, балалар! Алайда күз мерекесі Күз ханшайымысыз қалай өтпек!?Барлығымыз Күз ханшайымын шақырайық.

Балалар: -Күз ханшайымы! ( 3 рет қайталайды)

Саңырауқұлақ: -Сәлеметсіздер ме, балалар! Сәлеметсіздер ме, қонақтар! Мен орманнан келген саңырауқұлақпын! Мен сіздерге Күз ханшайымынан сәлемдеме әкелдім. Ол қазір орманды аралап , жапырақтарды сары алтынға бояп жүр. Ол сіздерге мына сыйлықты беріп жіберді. (Саңырауқұлақ себетке салынған көкөністер мен жемістерді көрсетеді.)

Жүргізуші: - Сәлеметсіз бе, саңырауқұлақ! Қандай керемет сыйлық! Бізде де тосынсый бар: «Жемістер мен көкөністер шеруі».

Інжу:

Мен алмамын, алмамын,

Таңдайда қалар бар дәмім.

Жазда әдемі киінем

Тілді балдай үйірем.

Әдия:

Тіл үйірген алмұртпын,

Таңсығымын бар жұрттың.

Жақсы өсіре алмайды,

Қараса егер салғырт кім.

Ерхан:

Мен жүзіммін, жүзіммін,

Моншақ болып үзілдім.

Ерболатқызы Аружан:

Мен өрікпін, өрікпін,

Табиғатқа көрікпін.

Мен өрікпін, өрікпін,

Бау бақшаға көрікпін.

Айбол:

Картоп біздің атымыз,

Жер астында жатырмыз.

Бір тамырдан тараған,

Ағайынбыз бәріміз.

Әмір:

Асханадан шықпаймын,

Атым- пияз, бұқпаймын.

Көзден жасты шығарам,

Тұмаудан бірақ сақтаймын.

Елемес Кәусар:

Мен сәбізбін, сәбізбін,

Жейміз оны бәріміз.

Қытырлатып жегенде

Өседі екен бойымыз.

Ойын: «Жемістер мен көкөністер»

Балалар Саңырауқұлақпен «Буги вуги» биін билейді.

Саңырауқұлақ балаларға алғыс айтып , қоштасып кетеді.

Сазды әуенмен залға Күз ханшайымы келеді: -Сәлеметсіздер ме, балалар! Мен Күз ханшайымымын. Сіздер мені шақырдыңыз ба?

Балалар: -Ия.

Күз ханшайымы: -Керемет! Мен сіздерге арнап сыйлық әкелдім. Егер маған тақпақ, өлең айтып, би билеп берсеңіз бұл сыйлықты тарту етемін.(себеттегі бананды көрсетеді)

Жүргізуші: - Ендеше Күз ханшайымы , төрлет ! Балалардың тақпағын қабыл ал:

Расул:

Күздің қазан айында ,

Алма, алмұрт піседі.

Жапырақтар сарғайып,

Сыбдыр- сыбдыр түседі.

Нұртас:

Астық дала- сәулеті,

Астық отан- дәулеті.

Әсемай:

Жайдары күз, жомарт күз,

Аяулы күз, алтын күз.

Ерасыл:

Берекелі күз келді,

Мерекелі күз келді.

Жеміс жидек мол пісіп,

Қуантады біздерді.

Дәулет:

Мерейлі күз, мырза күз,

Сыйлығыңа ырзамыз.

Ән «Күз сыйы»

Жүргізуші: -Біздің балаларымыз тек өлең, тақпақ қана айтып қоймай, ертегіні де сахналайды. «Шалқан» ертегісін тамашалаңыз!

Сахналау «Шалқан»:

Ата - Мирас,

Әже -Әдия,

Немере қызы -Інжу,

Ит- Расул,

Мысық-Кәусар Елемес,

Тышқан- Әсемай.

Күз ханшайымы: -Керемет , балалар! Мен сіздермен бірге мерекеде көңіл көтеріп қалдым. Мына сыйлықты тәрбиешіңізге тапсырамын. Мен басқа бақшаларға да барайын, сау болыңыздар!

Көңілді әуенмен ортаға Дара мен Боти келеді: -Сәлеметсіздер ме, балақайлар! Hello! Hello!Мен Дарамын, ал мынау менің досым Боти.

Балалар: -Hello!

Дара: - Біз күзгі табиғатты қызықтап саяхатқа шықтық. Сөйтіп балабақшаға келдік. Б/б-ның алдында сарыға боянған әдемі ағаштар бар екен!

Жүргізуші: -Өте жақсы! Ендеше балалармен көңіл көтеруге шақырамын.

Дара: -Балақайлар, қазір қай жыл мезгілі?

Балалар: -Күз мезгілі.

Дара: -Қандай айлары бар?

Балалар: -Қыркүйек, қазан,қараша.

Дара: -Күзде ауа- райы қандай болады?

Балалар: -Салқын, жел соғады, жаңбыр жауады.

Дара: -Рахмет! Сіздер күз мезгілі туралы біледі екенсіз.

Жүргізуші: -Ия, Дара! Біздің балалар өте ақылды! Олар ағылшын тілін үйреніп жатыр. Қазір ағылшын тілінде тақпақтар айтып береді.

Жаннұр:

Уан, уан , уан,

Литл дог ран.

Ерқуат:

Ту,ту,ту,

Кәт сиз ю.

Тайшыбек Кәусар:

Сри, сри, сри,

Бедз ин э три.

Фариза:

Фо,фо,фо,

Рэт он зе фло.

Еламан:

Көкөністі көп ектік,

Өссін, піссін деп ектік.

Айбар:

Көктемде еккен көкөніс,

Күзде берді көп өніс.

Жансезім:

Алма, жүзім, жемістің бәрі пісті,

Жапырақтар сарғайып тағы түсті.

Нұрасыл:

Сарғайып атырап,

Ажарын жасырды.

Жангелді:

Сары ала жапырақ,

Шашу боп шашылды.

Дара: -Керемет! Енді мен сіздерді ойын ойнауға шақырамын.

Ойын «Жасыл-сары жапырақ»

Дара , Боти , топтың қыздары «Гамми биар» биін билейді.

Жүргізуші : -Балалар, мерекеде біз сіздердің өнеріңізді тамашаладық, біліміңізді тексердік. Ендігі кезекті ата-аналарымызға берейік.

Ата-анамен ойын «Дәміне қарай ажырат».

Жүргізуші: - Осымен құрметті ата-аналар, қонақтар, күз мерекесіне арналған ертеңгілігіміз аяқталды. Әрқашан жанұяңызда балалардың сыңғырлаған дауысы шыға берсін, отбасыңыз аман болсын!

Балаларымыздың орындауында «Біз бақытты баламыз» әні. Қош, сау болыңыздар!

Ән «Біз бақытты баламыз»



© 2010-2022