Конспекты Ғажайып әлем елдеріне саяхат

Білім беру саласы: Таным

Бөлімі: Қоршаған орта

Тақырыбы: Ғажайып әлем елдеріне саяхат

Мақсаты: Балаларға жер туралы түсінік қалыптастыру, жердің- көп бөлігі судан тұратындығы және құрлықта қатты жер онда адамдар тұратындығын түсіндіру. Глобуспен, картамен таныстыру, судың, орманның құрғақ жердің түр-түсімен ажыратуға дағдыландыру. Астана қаласын танып білуді, ғимараттарды атауды, өз Республикасын жақсы көруге, Отанына деген сүйіспеншілікке, патриоттыққа тәрбиелеу.

Көрнекі құралдар: глобус, карта, слайд, ұшақ

Билингвизм: жер-земля, ұшақ - самолет

Сөздік жұмыс: глобус, карта

Іс- әрекет кезеңдері

Тәрбиешінің іс-әрекеті

Баланың іс-әрекеті

Мотивациялық- қозғаушы

Ұйымдастыру кезеңі.

Армысың, ардақты Аспан ата!

Армысың, мейірімді Жер - Ана!

Армысың, ардақты асқар -Тау!

Көк майса айналаң жайқалған.

Мөп - мөлдір бұлағың сыңғырлап,

Өзіңнен жол алған сылдырлап.

Балалар шаттық шеңберіне тұрып, амандасады.

Ұйымдастырушылық- ізденімпаздық

-Балалар, бүгін сендермен бірге «Ғажайып әлем елдеріне саяхатқа» шығамыз.

Жұмбақ

Теңіздер бар бірақ жүзе алмаймын

Жолдар бар бірақ жүре алмаймын.

Жер бар бірақ жырта еге алмаймын

Айтыңдаршы балалар жауабы не?

-Дұрыс таптыңдар

- Глобус дегеніміз не?

Глобус - бұл жер планетасының кішкентай моделі.

Глобустағы түстерге қарайықшы.

Мұндағы көк түс нені білдіреді?

Жасыл түс нені білдіреді?

Сары қоңыр түстер нені білдіреді?

Ақ түс нені білдіреді?

-Ал енді картаға жақындайық.

Карта дегеніміз не?

Картаның бірнеше түрі бар екен балалар. Мынау «Қазақстан картасы».

Карта бұл сызба біз тұратын ел қала, теңіз, көл аттары жазылған.

-Біз тұратын мемлекет қалай аталады?

(Дүниетану слайды көрсетіледі)

Қазақстанның тұрғындары біздер қандай ұлт өкілдеріне жатамыз?

Біздің елордамыз қалай аталады?

Қазақстанның елордасы Астана қаласына менімен бірге барғыларың келеді ме?

Ендеше біз ол қалаға бару үшін қандай көлікпен барамыз?

Жарайсыңдар!Балалар ұшақпен ұшайық.(музыка қосылады)

(Аэрапорт хабарландыруы музыка)

Балалар біз Астанаға да жеттік.

(Келіп тоқтаған ұшақты хабарлау)

Балалар менімен бірге Астана қаласының адемі жерлерін аралап өтейік.

(Слайд көрсету)

Балалар қараңдаршы әдемі ғимараттар мен зәулім үйлер салыныпты.

Осы кезде балалардың жанына Жол нұсқаушы (Гид) келеді.

Сәлеметсіңдер ме балалар! Бұл көркіне көз тоймайтын Астана қаласы.

Біз Астана қаласына саяхатқа келдік.

Міне балалар әдемі ғимараттар. Мына ғимарат Астананың негізгі белгісі болып саналады. Бұл -Бәйтерек деп аталады.

Бәйтерек- ең биік тамыры тереңге жайылған ағаш болған, сол ағаш сияқты биік болсын деп бәйтерек деп атаған. Бәйтеректің басына Самұрық деген құс қана ұя салатын болғандықтан мына бәйтеректің басына жұмыртқаға ұқсас дөңгелек шар қойған.

Маған кім Астана туралы өзінің жаттаған өлең шумақтарын айтып береді?

Аспанды тіреп бәйтерек,

Алтын шар жарқ- жұрқ етеді.

Алыстан көріп басына,

Тез шығып кеткің келеді. (Ерке)

Мына ғимарат Хан шатыры деп аталады.

Бұл жерде әр түрлі жиындар, балалар ойнайтын ойындар бар.

Мынау президент сарайы бұл жерде елбасы және оның кеңесшілері отырады.

Мынау Есіл өзені. Бұл өзен Астана қаласын екіге бөліп жатыр. Бұл өзеннің жағасында адамдар дем алады. Өзенде қайықпен жүзеді,онда аққу мен үйректер жүзді. Қалада үлкен окенариум бар оны «Думан» деп атайды. Бұл жерде Мұхиттардан әкелінген балықтар мен акулалар бар ол жерге адамдар дем алуға барады. Оның ішінде жүрсең мұхиттың ішінде жүргендей боласыңдар.

Ой, қандай керемет Астана қаласы. Бұрын бұл жер Целиноград деп аталған, Байқаймын қазір қала дамып келеді, сендерге осы қаланың дамуына үлес қосыңдар. Астана қаласын одан әрі көркейткілерің келе ме? Ендеше сендердің тапқырлықтарыңды, ойларыңның екенін байқау үшін сендермен бір ойын ойнайын.

Ойын: Тез құрастыр

Мақсаты: Балалардың ойлау қабілеттерін дамыту. Шығармашылық қабілеттерін жетілдіру.

Шарты: Балалар бірігіп жұмыс жасайды. Екі топқа бөлініп, суретті құрастырады.

Балалар сендерге Астана қаласы ұнады ма? Енді біздің қайтатын уақытымыз болды. Жолнұсқаушы сізге көп-көп рахмет.

Жолдарың болсын бүлдіршіндер! Астана қаласына келіп тұрыңдар.

Сау болыңыздар!

Ал, балалар ұшаққа мініп өзіміздің сүйікті қаламыз Қызылордаға ұшайық.

(Музыка қосылады)

Балалар біз бүгін қай қалаға саяхатқа бардық?

Саяхатқа немен бардық?

Қ Р-ның мемлекеттік рәміздерін атаңдар?

Ойын: Тез ойла, тез көрсет

Мақсаты: Балалардың танымдық қабілеттерін арттыру.

Астана қаласының қандай әсем жерлерін көрдіңдер?

Туған жер туралы мақал- мәтел кім біледі?

Мақал - мәтелдер

Туған жердің қадірін шетте жүрсең білерсің

Аққу көлін аңсайды

Адам туған жерін аңсайды.

Глобус

Рефлексивті

Балалардан өтілген оқу іс-әрекеті бойынша сұрақтар қойылады.

Ойын: Тез тап

Мақсаты: Балалардың ойлау қабілетін арттыу.

Қатысқан балаларды марапаттайды.

Өз ойларын, алған әсерлерін айтып, бөліседі.

Сұрақтарға жауап береді.

Күтілетін нәтиже:

Не білуі керек: Көлік түрлерін біледі.

Нені игереді: Астана қаласы туралы мағлұматты игереді.

Не үйренді: Достық қарым- қатынас жасауды, қамқорлық жасауға.