Сценарий: Қош бол сүйікті әліппем

«Қош бол,менің сүйікті әліппем !»

Мақсаты:
Оқушылардың алған білімдерін тиянақтап, өз өнерлерін ата-аналарына көрсетіп, эстетикалық талғамдарын тереңдете түсу. өзін-өзі басқару.
Көрнекілігі:
Талапқа сай безендірілген сахна, Банер,слайд,

Жүрісі:
1-жүргізуші Уа,халайық армысыз,

Тойымызда бармысыз.

Бүгінгі той сіздікі,

Қонақ күту біздікі.

2-жүргізуші

Уа, халайық ортаға,

Шақырамыз ,қол соға.

Сүйікті біздің ұстазды

Шәкірттерімен қол соға

Мұғалім: : Құрметті:ұстаздар,ата-аналар,келген қонақтар! Кеше ғана мектеп табалдырығын аттап,оңы мен солын танымаған бүлдіршіндер бүгін,міне, 4 ай ішінде әріп танып,оқуды,жазуды,есеп шығаруды,сонымен қатар,би билеп,ән салуды үйренді.Осындай жетістіктерге жету бүлдіршіндердің ең алғаш қолдарына ұстаған оқулығы «Әліппенің»арқасы. Ендеше, «Қош бол, құтты Әліппем!» атты ертеңгілігімізді бастауға рұқсат етіңіздер!

Әліппені бітірді балаларым,

Әліппеден нәр алған даналарым.

Өзі оқып,жазатын халге жетті

Құтты болсын,білімі балалардың!

3-жүргізуші :

Жақсы білім көрімдік,
Болсын бізге халайық.
Не үйреніп, не білдік
Кәне, ортаға салайық.

Ертеңгілігімізді ҚР мемлекеттік Әнұранымен бастайық
Әнұран орындалады.

1-оқушы: Өтті оқу сан сабақ,

Бүгін міне салтанат

Оқулықпен достаспақ,

Әліппемен қоштаспақ.

Өсті білім бойымыз

Құтты болсын тойымыз!

2-оқушы: Армысыңдар аналар

Бармысыңдар балалар

Сөзіме құлақ салыңыз

Бір серпіліп қалыңыз

Әліппеге арналмақ

Бүгінгі жыр әніміз

3- оқушы Үйретіп бізге алғаш әліппені,

Ұстазым ғылымға жол салып берді.

Адамның ой арманы мақсаттары,

Оқудың сәулесімен жарық көрді.

4- оқушы: Жүзің жылы құшағың кең,

. Сенен түлеп ұшамын мен

Өзің берген біліміңмен ,

Биіктерге шығамын мен

5-оқушы: Мектеп-кеме,білім-теңіз,

Барар жерге тез жетеміз.

Адаспаймыз ұлы жолда

Ұстаз берген білім қолда.

«Ұстазым» әні орындалады.

1 -Жүргізуші: - Балалар, сендерге бір сұрақ қойғым келіп тұр.Іші толған әріпке-
Білімдегі жарық не?
Оқушылар:Болашаққа жол ашқан
Ол сүйікті Әліппе.
2-жүргізуші: -Олай болса бәрімізге қымбат дос Әліппені ортаға шақырайық.
Хормен: Әліппе! Әліппе!
Осы кезде сахнаға Әліппе келеді.

Әліппе: - Мен әуелі өздеріңді түгендеп алайын. Дауыстылар қайдасыңдар?

- Дауыссыздар қайдасыңдар?

2-жүргізуші: Кел,балалар,келіңдер,

Әліппені көріңдер.

42 әріпті

Жатқа айтып беріңдер.

Армысыңдар,жас достар,

Армысыңдар,ата-ана!

Болашаққа жол бастар

Әліппе келді ортаға.

Әліппе: Менің атым,менің атым Әліппе,

Үйрететін,үйрететін әріпке

Өнер-білім,өнер-білім үйреткен

Барлық бала Әліппені дәріпте!

Хормен оқушылар: Оны біздер білеміз,

Сондықтан да әліппе ,мәңгі сені сүйеміз.

6-оқушы: Әліппем,менің әліппем,

Сені қолға алып мен.

Есігін аштым мектептің ,

Ертеңгі сәуле жарықпен.

7-оқушы: Жақсы кітап әліппе

Үйретеді әріпке.

Ойыншықпен қоштастым,

Әліппемен достастым

8- оқушы: Ең алғаш алғанымда әліппені,

Қызығып қарай бердім әріптерді.

Мен үшін жұмбақ болып қалар ма еді?!

Ұстазым оның кілтін алып берді.

«Әліппе-әліппе» өлең хормен оқушылар айтады.

9-оқушы: Барлық әріп бағалы,

Айттық әділ бағаны,

Әріпсіз сөз болмайды,

Буын онсыз толмайды.

10-оқушы: Енді біз жаза білеміз

Әріпті қосып әріпке

Риза боп саған жүреміз

Сүйікті біздің әліппе

11- оқушы: Алфавиттің А тұрады басында

Әрқашан да Ә тұрады қасында

Байқадың ба Б тұрады үшінші

Біздің елде үшеуі де кәделі

12-оқушы . Әліппем менің Әліппем!
А- деген бастап әріптен
Сөз құрап жаза бастадым
Тақылдап таңба танып мен
Хор: өлең «Әліппе»

13-оқушы: Таныстырып 42 әріппен

Қош бол менің қасиетті әліппем

Сенің арқаң оқи,жаза білгенім

Сауатты адам санатына кіргенім.

14- оқушы Келгенде алғаш мектепке,

Білмеуші едік әріп те

Оқимыз қазыр ертекті

Үйреткен оны әліппе

15- оқушы: Қош бол ,құтты әліппем,

Көп нәрсені үйреттің .

Таныстырып әріппен,

Тақылдатып сөйлеттің

Хор : «Қощ сау бол әліппе» өлең

1-жүргізуші:Ал балалар,бізге сауатты жазумен,мәнерлеп оқытатын «Ана» тілі атамызды шақырайық ортаға.

Ана тілі: - Сәлематсыңдар ма,балалар?!

Оқушылар: - Сәлематсыз ба, «Ана тілі»!

Ана тілі: -Балалар,енді бұрынғыдан да көп оқитын боласыңдар.Мен сендерге көп қызықты ертегілер,әңгімелер арнаймын,тек сендер ынта қойып,мені ұқыпты оқысаңдар,көп нәрсе үйренесіңдер.

Туған елдің тілімін,

Ақылы мен танымын

Түсіндірер бәріне,

Ана тілі пәнімін.

16 -оқушы: Ана тілі ұраным,
Ана тілі-құралым.
Ана тілі болмаса,
Мықты болмас тұрағым.
17 -оқушы: Ана тілің арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте!

Ясмин,Нұрулла,Тамерлан «Оқуда озат боламын»өлеңі .

Мұғалім: Ия,сабақты жақсы оқумен қатар тәртіпті,әдепті болуымыз қажет.

Әдептілік жөнінде не білеміз?

-Асықпай іш тамақты,жалама ыдыс,табақты.

-Қарсы ал ерте күн көзін,төсегіңді жина өзің.

-Құр бекерге қылтима,болмашыға бұртима.

-Салма аузыңа инені,үзбе жұлып түймені.

-Сыйлап үлкен кісіні,қамқорлыққа ал кішіні.

-Әдет қыл бұл ісіңді, тазалап жүр тісіңді.

-Сақта көше тәртібін,бағдаршамның ал тілін.

-Әдепті бала қандай болу керек?

-Сыйлап үлкен ағаны,сәлем берген баланы кім дейміз?

Хормен:Әдепті екен бұл дейміз.

-Кітап,дәптер,қаламы

Кір шалмаған баланы кім дейміз?

Хормен:Ұқыпты екен бұл дейміз.

-Таудай биік талабы,жақсы оқитын баланы кім дейміз?

Хормен:Үлгілі екен бұл дейміз.

18- оқушы: Айгөлек-ау,айгөлек,

Айдың жүзі дөңгелек.

Айдай толған кезімде

Би билеймін дөңгелеп.

Би:Еңілік,Анеля,Аяжан-өзбек биі

Ән:орындайтын -Ясмин «Мен қазақтың қызымын»

Би: вальс

Хор: «Атамекен»

Мұғалім: Балалардың білімі құтты болсын!

Денсаулығы әрқашан мықты болсын,

Білімдерін әрі қарай дамытатын,

Ерінбейтін, еңбекқор, мықты болсын!

-Қымбатты,балалар!Мектептегі алғашқы жеткен жемістеріңмен құттықтаймын! Әліппе сендерді тек әріптермен таныстырып қойған жоқ,сендерді бір-біріңмен дос болуға,мектеп ережелерін орындайтын тәртіпті оқушы болуға да үйретті.Білім баспалдағына өрлеген сапарларың сәтті болсын!

Келесі сөз кезегін ақ жаулықты аналарымдың біріне берсек және осы мектебіміздің директордың оқу ісі жөніндегі орынбасары Ырсалды Қалмұханқызына берсек.