Балалы үй базар тақырыбындағы ата-аналар тренинг

Тақырыбы: «Балалы үй базар» (дөңгелек үстел.)

Мақсаты: Ата-ананың отбасы тәрбиесіндегі рөлін арттыру, тәрбиешінің алуан түрлі әдіс -тәсілдерін бала бойына қалыптастыруға , бала бойында ұлттық санасын оятып, тәрбиенің негізін қалауға , баламен ата-ана арасындағы тәрбиені одан әрі ұштастыру.

Ұйымдастыру кезеңі: Құрметті ата-аналар,әріптестер, бүгін бізде әдеттегідей кезекті ата-аналар отырысы, дөңгелек үстелге қош келіпсіздер!

Тәрбиеші- Қазақ халқында балаңды бес жасқа дейін патшаңдай күт, бес жастан он жасқа дейін құлыңдай жұмса,10-15 жастан асқан соң досыңдай сырлас,- деген тамаша сөздің терең философиялық мәні бар, тәрбие мен білімнің алғашқы дәні мектепке дейінгі тәрбие ошағында беріледі.Өзіміздің осы кеңесімізді бастаудың алдында , мына бейне топтаманы көріп түсінгенімізбен бөлісейік, талдайық.

«Ұқсастығымыз неде» ойыны ойнаймыз.

Мысалы: ұқсастығымыз түріміз, бойымыз, таңдаған мамандығымыз,мінезіміз,бала саны, тағы басқа сол сияқты.(ойын ойналады)

Тәрбиеші: Рахмет орындарыңызға отыруларыңызға болады.

Бүгінгі кеңесіміз мынадай ойын түріндегі үш бағытта жүреді.

1. Балалар әлемі,- деп аталатын бірінші бағытта бала тәрбиесінде өзіңіз қандай шешім қабылдайсыз.

Сіз балаңыз үшін не істеуге дайынсыз,-деген сұрақтар төңірегінде ой қозғайсыз.

(бала тәрбиесінде қиналып жүрсіз бе, немесе маған бәрібір деп қолыңызды бір сілтеуге дайынсыз ба? парақ бетіне түсіре отырып дайындаласыз)

2. Үлкендер әлемі,- деген екінші бағытта сіз кішкентай кезіңізде қандай болдыңыз деген тақырыпта қандай ойыншықпен ойнадыңыз, қандай ойын,ертегіні жақсы көретін едіңіз?-деген тақырыпта әңгіме қозғалады.( осы ойларыңыз парақ бетіне түсіріледі.)

3. «Түйілген жіп сезімдері » ойынын ойнау.

Шарты: ойынға қатысушы ата-аналар оралған жіптерді кезекпен бір-біріне бере отырып, кеше , бүгін есінде не қалды. Күтпегн қандай жағдайлар болғанын өзіне не алды, не ұнамады, не ұнады. Сол жайлы айтып беруі қажет.

Ойын берілген шарт бойынша ойналады.

Одан кейінгі «Түймедақ» ойынында әр ата-аналарға түймедақ гүлдері таратылып беріледі, ол гүлдердің қауыздарын алып,өз тілектерін,талаптарын,армандарын, қалауларын жазып бір ыдысқа салып араластырып , әркім өздері таңдап алады. Өздері таңдап алған қауызда енді басқа тілектер болып шығады.Өздері жазған тілекпен салыстырып өтуге болады.(ойын ойналады)

Тәрбиеші: Бар жақсысын алақанның жылуын баладан аямаған ұрпақ тәрбиесімен айналысқан ата-ана баланы сылаумен өсіре отырып, ұрпағының дені сау, саналы азамат болып өсуіне баса назар аударғаны белгеле. Бала бақытымыз, бала болашағымыз,-дей отырып бүгінгі дөңгелек үстел яғни ата-аналар отырысын жабық деп жариялаймын. Сіздерге көп-көп рахмет.Келіп тұрыңыздар,сіздерге есігіміз әрдайым ашық.