«Аққала қонаққа келді. .. » қорытынды сабақ

КМҚК «Дәншік» балабақшасы

Қорытынды сабақ

2- тоқсан

Тіл дамыту және шығармашылық Тақырыбы;

«Аққала қонаққа келді...»

«Балбөбек» 2- сәбилер тобы

Тәрбиеші-педагог ;

Кезенбаева Лаура Жомартқызы.

Самар ауылы 2013 жыл

Ұйымдастырылған оқу іс-әрекеті

Білім беру саласы; шығармашылық,қатынас.

Бөлімі; Тіл дамыту,сурет,жапсыру.

Тақырыбы; «Аққала қонаққа келді»

Мақсаты; Балалардың қыс туралы түсінігін бекітіп,танымдық қабілеттерін арттыру,тіл-байлығын,сөздік қорын,қарым-қатынастарын, көңіл-күйлерін ояту,балалармен уақытты көңілді ,әрі қызықты және тартысты өтуіне ықпал жасау,табиғатқа деген сүйіспеншілігін арттыру,қылқаламды,жапсыру әдіс тәсілдерін дұрыс қолдана білуге үйрету.

Көрнекілігі; қыстың суреті,аққаланың суреті және қонақ аққала.

Қолданған әдіс-тәсілдер; сұрақ-жауап,көрсету, түсіндіру,ойын-жаттығулар,диалог,көркем сөздер,шығармашылық.

Қос тілдік компанент; қар- снег,зима-қыс,аққала-снеговик.

Қажетті құралдар;

қыстың суреті,қағаз,қылқалам,тампон,бояу,ақ гуашь,желім,қиылған пішіндер,салфеткалар.

Аймақтық компанент; қар, аққала,қыс,ағаштар.

Тәрбиешінің әректі

Іс-әрекет кезеңі

Балалардың іс-әрекеті

Мотивациялық қозғаушы

Іздену- ұйымдастыру

Рефлексифті коррекциялаушы

Шаттық шеңбері:

Армысың алтын күн!

Армысың жер-ана!

Армысың достарым,

Армысың сен және мен!

Тәрбиеші;

-Балалар бүгін бізде ерекше сабақ болмақшы.Мен сендерге жұмбақ жасырамын,сендер маған шешуін айтып беріңдер.

Шелек қалпақ басында,

Сәбіз екен танауы.

Қыста қардан туатын,

Тауып көрші сен оны.

Өте жақсы балалар, оның жауабы аққала екен. Сол сәтте есік қағылып,аққала кіреді.

Аққала;

-Сәлеметсіңдер ме,балалар!

- Балалар аққала бізге құр келмепті,ол бізге мына бір суретті алып келіпті,қанеки бұл суретте не бейнеленген?

-Жылдың қай мезгілі?

-Ауа райы қалай?

-Балалар не істеп жүр?

Қалай киініп жүр?

-Өте тамаша балалар сендер керемет әңгіме құрап бердіңдер,енді аққалаға кім тақпақ,жұмбақтар айтып береді.

-Жақсы балалар, сендер аққаланы қуантып тастадыңдар,енді шаршағанымызды басып сергіту сәтін жасап алайық.

«Аппақ қылып өңірді,

Қар жауды,қар жауды.

Көңілді балалар,

Қызығып секірді,секірді».

Енді аққала біздің балалар саған әдемі қыстың суретін салып,жапсырып береді.

Тәрбиеші аққаланың,қардың суретін көрсетеді.(үлгісін)

Қыста не жауады?

Қардың түсі қандай?

Далада қар қайда жатады?

Олай болса біз балалар қардың суретін саламыз.Мына үлгіге қараңдар, жерде және ағаштың үстіндегі қарды біз қылқаламмен саламыз,жауып тұрған қарды тампонмен саламыз.Қарды орыс тілінде не деп айтамыз?(снег)

Енді мына үлгіге қараңдар.Ең алдымен біз үлкен дөңгелегін жапсырамыз,одан кейін кіші денесін,содан кейін барып басын жапсырамыз,шелегін кигізіп кепкен соң барып көз мұрындарын қарындашпен саламыз.Аққаланы орысша не деп айтамыз? (Снеговик) Енді жұмысымызды жасайық,мен сендерге сәттілік тілеймін.

Тәрбиеші мен аққала балаларға көмектеседі.

Аққала;

Балалар қандай әдемі суреттер жасап бердіңдер,сендерге көп рахмет мен сендерге құр қол келген жоқпын міне тәттілер ала келдім,сабақтарың өте қызықты болды сауболыңдар,менің әлі де баратын жерлерім бар.

Сабақты қоытындылау.

-Балалар бүгін бізге кім қонаққа келді?

-Ол бізге не алып келді?

-Біз ненің суретін салдық?

-Аққала қандай геометриялық пішінге ұқсайды?

-сендер бүгін сабаққа тамаша қатыстыңдар,сендерге көп-көп рахмет,осымен сабағымыз да аяқталды.

Балалар шеңбер бойына тұрып орындайды.

Зейін қойып тыңдайды.

Жауап береді

Аққала

Балалар амандасады.

Қыс мезгілі

Өте суық

Сырғанақта ойнап жүр.

Жылы киініп жүр.

2-3 бала айтып береді.

Сергіту сәтін жасайды

Алақандарын ашу,қолдарын сермеу,шапалақ-тау,секіру.

Балалар сұраққа толықтай жауап береді.

Балалар жасаған суреттерін тақтаға іліп қояды.

Саубол, аққала!

Күтілетін нәтиже;

Нені біледі; аққаланы қалай жасауды,қыс мезгілі туралы.

Қандай түсініктерді игерді; қар-снег,зима-қыс,снеговик-аққала.

Меңгерген дағдылары; аққаланы жапсыруға, қылқалам мен тампонды қолдануға,сұраққа жауап беруге,қыс мезгілін бейнелеуге дағдыланды.