- Преподавателю
- Дошкольное образование
- Серуен Келді көктем далаға
Серуен Келді көктем далаға
Раздел | Дошкольное образование |
Класс | - |
Тип | Другие методич. материалы |
Автор | Абилова О.А. |
Дата | 21.10.2015 |
Формат | docx |
Изображения | Нет |
№1 Көктем белгілерін бақылау
Мақсаты: балаларға наурыз айын - көктемнің алғашқы айы, табиғаттың оянатын мезгілі ретінде түсіндіру. Көктемнің алғашқы белгілерін (қардың еруі, күннің жылуы, күннің ұзаруы) айқындай білу іскерліктерін дамыту.
Экологиялық міндет: Қоршаған табиғаттың алуантүрлілігін көрсету.
Жұмбақ: Ақ сиыр тұрып кетті,
Қара сиыр жатып қалды. (Қыс пен көктемнің ауысуы)
Бұлтты айдап желдеткен,
Нөсерлетіп селдеткен.
Жаңбырлатып ойнайтын,
Қай мезгіл деп ойлайсың? (Көктем)
Күн күледі, жер түледі. (көктем)
Көркем сөз: Көктем белгісі
Жер бусанып,
Көк шығып,
Арықтардан су ақты.
Бүрлеп,
Өсіп көк шыбық,
Жұтып жатыр шуақты.
Көбелектер көлбеңдеп,
Ұшып-қонып жүреді.
Табысқандай Жер мен Көк,
Елжіреп тұр жүрегі. (Талғаров Х.)
Еңбек: Алаңдағы сынған бұтақтарды жинау.
Мақсаты: Еңбексүйгіштікке, ұжымдық еңбекке белсене араласуға үйрету.
Қимылды ойын: «Ақ серек, көк серек», «Көңілді эстафета»
Мақсаты: Ойын сөзін мұқият тыңдауға, жүгіруге жаттықтыру.
Болжам: Құзғын ерте көбейсе, көктем жайлы болады.
№2 Күнді бақылау
Мақсаты: Балалардың өлі табиғат туралы түсініктерін кеңейту. Ауа-райын (күн ашық) ажырата білуге үйрету. Байқампаздығын, зейінін тәрбиелеу.
Экологиялық міндет: Адам, жан-жануар, өсімдіктер үшін күн сәулесінің маңыздылығы туралы әңгімелеу.
Жұрттың бәрі сүйеді,
Бірақ қарай алмайды. (Күн)
Көркем сөз:
Күлім қағып күн шығып,
Күн нұрымен бір шығып,
Ел еңбекке құлшынып,
Қыза түсті тіршілік.
Еңбек: ойын алаңын қоқыстан тазарту.
Мақсаты: Аула сыпырушыға көмектесуді жалғастыру.
Қимылды ойын: «Ұшақтар»
Мақсаты: Ойын ережесін бұзбай ойнауға, бір-біріне соқтығыспай жүгіруге жаттықтыру.
Тәжірибе: заттарды күн көзіне және көлеңкеге қойып салыстыру. Көлеңкені бақылау.
№3 Ауа-райын бақылау
Мақсаты: Көктем келісімен табиғатта болып жатқан өзгерістерді байқауға үйрету.
Экологиялық міндет: тірі табиғаттың ауа-райымен байланысын көрсету.
Наурыз айындағы ауа-райы туралы не айтасыңдар? (салқын және жылы жел соғады, қар жауады, күн салқындау)
Ой-қорыту: Наурызда ауа-райы құбылмалы.
Көркем сөз:
Көктем келді күркіреп,
Жаңбыр жауды сіркіреп.
Бәйшешектер дүркіреп,
Шыға келді қыр түлеп.
Көктем күні шуақты,
Көктем күні қуатты.
Мал жағалап суатты,
Сай-саламен су ақты.
Күлім қағып күн шығып,
Күн нұрымен бір шығып,
Ел еңбекке құлшынып,
Қыза түсті тіршілік.
Кешке оралып мал қырдан,
Ауыл маңын даң қылған.
Көктем күні ән-думан,
Қуанады балдырған. А. Асылбек
Еңбек: Ауладағы қарды сыпыру..
Мақсаты: Бірі барлығы үшін, барлығы бірі үшін тірлік етуге үйрету.
Қимылды ойын: «Қу түлкі»
Мақсаты: Ойынның сөзін мұқият тыңдап, қимыл жасауға жаттықтыру.