Толағай отбасылар сайысы МАД

«Толағай» отбасылар сайысы

Шарауова Гулмира

Мақсаты : мектеп жасына дейінгі балалардың спорт туралы білімдерін кеңейту , қызығушылықтарын және бір-бірімен қарым - қатынасын арттырып , достыққа баулу .

Ата-аналардың балабақшамен тығыз байланысын дұрыс жолға қою және ойындарға олардың белсене қатысып , ынтымақтаса жүргізілген жұмыстың нәтижелі болатындығына көз жеткізу.

Эстафеталық жарыс басталар алдында еліміздің гимні орындалады.

Жүргізші :Құрметті , балалар , ата-аналар , ұстаздар сіздерді бүгінгі отбасы күні мерекесімен құттықтаймыз . Сіздерге зор денсаулық , отбасыларыңызға амандық жұмыстарыңызға шығармашылық табыс тілейміз. Отбасы күніне орай мектепалды даярлық тобы және ата-аналардың қатысуымен ұйымдастырылып отырған «Толағай» отбасылық сайысымызды бастаймыз.

Жарыстарда озатын ,

Бәрінен алда болатын .

Болашаққа бүгіннен ,

Құлшына қол созатын ,

«Болашақ» тобын шақырамыз.

Кімдер күшті , кім алып ,

Күш сынасып бағалық.

Доп тебісіп жүгіріп

Қарсыласты жығатын .

«Тату» тобын шақырамыз.

Құлпырған дала гүліндей

Жүретін ылғи күлімдеп.

Сайыстарда ылғи да,

Жүре берсін сүрінбей,- деп

«Тұлпар» тобын ортаға шақырамыз.

Өнер қуған жасынан ,

Өнері судай тасыған

Келесі біздің жанұя,

Көрінген көштің басынан.

«Үміт» тобын шақырамыз .

Кімдер күшті , кім алып ,

Әділқазы көріңіз

Қара қылды қақ жарып ,

Әділ баға беріңіз- деп әділқазылармен таныстырып өтейік .

Құлпырған еліміздің ұл -қызымыз,

Әзірге маңдайдағы құндызымыз.

Арасын жермен көктің жалғайтұғын

Ертеңгі жарқыраған жұлдызымыз.

Директордың бастауыш сыныптар жөніндегі орынбасарына сөз кезегін береміз.

Енді сайыс бөлімдерімен таныс болыңыздар:

1-кезең : «Жүйрік ат»

2-кезең : «Кім жүйрік?»

3-кезең : «Кім жылдам?»

4-кезең: «Жаңа орын»

5-кезең: «Шеңбер»

Бүгінгі жарысымызды бастаймыз.

1-кезең: «Жүйрік ат» эстафетасы қапты киіп жүгіріп келу .

Әрбір жанұя мына алдарында тұрған қапты киіп , берілген жерден айналып келіп , келесі адамға табыстайды. Ойын осылай жалғасады .

2-кезең: «Кім жүйрік?»эстафетасы кедергілердің арасынан допты ұрып өтіп , есеп шығарып , қайтадан кедергілердің арасымен допты ұрып келу. Әрбір жанұя допты жерге ұру арқылы кедергілерден өтіп допты ұрып жүгіріп келеді.

3-кезең: «Кім жылдам?» эстафетасы өз ептілігін , шапшаңдығын танытып жіппен секіру арқылы жарысу .

4-кезең : «Жаңа орын»эстафетасы ата-аналар екі қолын айқастырып,баласын қолына отырғызып , жүгіріп келу.

5-кезең: «Шеңбер» . Әкесі шеңберді киіп алып жүгіріп келіп, анасын шеңберге кіргізіп , қайтадан жүгіріп келіп баласын кіргізіп жүгіріп келу .

Білім , ой мен арымыз ,

Рухани нәріміз.

Сайыскерлер сіздерге

Қол соғамыз бәріміз.

Келесі сөз кезегін әділқазы мүшелеріне береміз.

• Сайысқа қатысқандарыңызға рахмет!

• Сау болыңыздар!