«Мектеп жасына дейінгі

балалардың тілін дамытудағы

ойын технологиясының түрі мен

ұсақ моториканың маңызы»

Дайындаған:А.Т.Есенғалиева

Жоспар:

I. Кіріспе бөлім.

• Бала тілінің дамуына әсер ететін жетекші фактор - ойын
  
  

II. Негізгі бөлім.

• Ұсақ моториканы дамыту арқылы сөйлеу тілін жетілдіру.

• Саусақ ойын-жаттығулары.
  
  

III. Қорытытынды бөлім.

• Бала саусағын ойната отырып тілін дамытайық.

Пайдаланылған әдебиеттер

Мақсаты: баланың ұсақ моторикасын дамыту арқылы ықылас зейінін,сөздік қорын, байқампаздығын, есте сақтауын, қабылдауын, икемділігін қалыптастыру.

Балалардың сөздік қорын молайтуда ойын, жаттығулардың орны ерекше. Соның ішінде ойын- бала тілінің дамуына ықпалын тигізіп, таным белсенділігінің дамуына жол ашады. Қай бала болмасын ойынмен өседі, өйткені бала табиғатының өзі тек ойынмен байланысты. Халық даналығында «Ойнай білмеген, ойлай да білмейді», «Ойында озған, өмірде де озады» деген аталы сөздердің сырына жүгінсек балалардың сөздік қорларын дамытуда ойындарды қолдану үлкен нәтиже береді.

Ұсақ моториканы дамыту жұмыстарын ерте сәбилік шақтан бастаған дұрыс. Омыраудағы баланың өзіне саусақтағы бас миымен байланысқан активті нүктелеріне отырып массаж жасау керек.

Ерте жаста және мектепке дейінгі кіші жаста қарапайым жаттығуларды жасауда өлеңмен, тақпақпен ұйқастырылған жаттығуларды пайдалану ұсынылады. Сонымен қатар өзіне -өзі қызмет ету дағдысын қалыптастыру: түймесін өзі салып, өзі ағыту, бауын байлау, т.б;

Ересек топтағы балалар үшін ұсақ моториканы дамыту және қолдың икемділігін арттыруға арналған жаттығулар, сурет салу, ермексазбен жұмыс жасау т.б;

Мектепке дайындықтың жазу, сызуға үйренудің маңыздысы болып саналады.

Ұсақ моториканы дамытудың маңыздылығы неде?

Адамның бас миында саусақ қимылына және сөйлеуге жауап беретін орталықтар өте жақын орналасқан. Ұсақ моторикаға әсер ете және оны белсендіре отырып, көрші орналасқан сөйлеуге жауап беретін орталықты да дамыта аламыз.

Саусақ буындарына арналған санамақтар:

Бір үйде біз нешеуміз?

Кел санайық екеуміз.

Бас бармағым - әкем,

Балаң үйрек - анам,

Ортан терек - ағам,

Шылдыр шүмке - менн

Кішкене бөбек - сен!

Бір үйде біз нешеуміз?

Бір үйде біз бесеуміз!

«Қуырмаш» ойыны

Қуыр, қуыр, қуырмаш,

Тауықтарға тары шаш.

Балапанға бидай шаш,

Балаларға тәтті шаш

- дей келіп, жұмылған әр саусақты

жеке-жеке ашарда:

Сен түйеңе бар,

Сен жылқыға бар.

Сен сиырға бар,

Сен қойыңа бар,

Сен үйде отырып

Анаңа көмектес.