Открытый урок в предшкольном класс

№ 8 жалпы білім беретін эстетикалық тәрбие орта мектеп - кешені

Қарапайым математикалық түсініктермен танысу

Тақырыбы: 1-ден 20-ға дейінгі сандар

Мектепалды даярлық тобы

Сынып жетекшісі: А.М. Кисаева

Петропавл қаласы, 2015 жыл

Сабақтың тақырыбы: 1-ден 20-ға дейінгі сандар.

Сабақтың мақсаты: Оқушылардың өткен сабақтардан алған білімдерін пысықтап, қайталауға арналған есептер шығару. Оқушылардың логикалық ойлау, есептеу қабілеттерін дамыту. Тиянақты жауап беруді талап ету. Оқушыларды тапқырлыққа, жылдам ойлауға, ойын қорыта білуге тәрбиелеу.

Сабақтың түрі: ертегі сабақ

Сабақтың көрнекілігі: Бауырсақ ертегісіне байланысты бауырсақтың, шал мен кемпірдің, қоянның, қасқырдың, аюдың, түлкінің суреттері. Карточкалар

Барысы:

І. Ұйымдастыру бөлімі.

Шаттық шеңбер:

Қуан, шаттаң! Алақай!

Қуанатын күн келді.

Қайырлы таң,

Қайырлы күн,

Күліп шықты күн бүгін.

Бүгінгі күн туралы әңгіме жүргізу.
- Қазір жылдың қай мезгілі?
- Көктем мезгілінің қай айы?
- Аптаның нешінші күні?
- Бүгінгі күн қалай аталады?
ІІ. Үй тапсырмасын бекіту.

Оқушыларға 1-ден 20-ға дейін оң және кері санату. Екі таңбалы, бір таңбалы сандарды бір-бірінен ажыратып айтқызу.

ІІІ. Жаңа сабақ.Ертегі сабақ.

Ертеде бір Шал мен Кемпір болыпты. Кемпір бір күні қаймаққа нан илеп, оны майға қуырып бауырсақ пісіріпті. Оны терезенің алдына суытып қойыпты. Бауырсақ суып тұрып тұрып, бір кезде домалай жөнеледі. Домалап келіп терезе алдындағы орындыққа, орындықтан еденге, еденнен дәлізге, дәлізден аулаға, ауладан сыртқа, одан әрі, одан әрі домалай береді, домалай береді.

Әжеміздің бауырсаққа көмектесуімізді сұрайды. - Балалар бауырсаққа қиындықтардан өтуге көмектесеміз бе? Онда ары жалғастырайық.

Бір кезде оған Қоян жолығып:

- Бауырсақ, Бауырсақ! Мен сені жеймін! - дейді.

- Қоян, сен мені жеме.

- Мен сені жемесің десең менің тапсырмамды орында:

Сандардың көршісін тап.

18 ... 20 ... 15 16 18 ...

11 ... 13 9 ... 11 ... 13

Бауырсаққа көмектестік пе?

Содан Бауырсақ қара жолмен домалап кете барады. Оған Қасқыр кездесіп, оның да жегісі келеді.

- Бауырсақ, Бауырсақ! Мен сені жеймін! - дейді.

- Қоян, сен мені жеме. Мен сенің айтқанынды орындаймын:

Логикалық тапсырмалар:

- Екі балапан тұр,
Екі балапан отыр.
Шатаспай тез ойлансаң,
Барлығы қанша балапан?
(төрт)
- Пісіп тұрған төрт алмұрт,
Қызығатын көрген жұрт.
Екі алмұртты бұтақтан,
Алып жеді Мұратқан.
Қанша қалды алмұрттан?
(екі)
- Бес алманың үшеуін,
Досың сұрап алды.
Айтшы, сонда нешеуі,
Өз қолыңда қалды?
(2)
- Тал бойында тізіліп
Бес жапырақ тұр еді.
Жел соқты да үзіліп,
Ұшып кетті үшеуі.
Ілініп тұр әлі
Жапырақтың нешеуі?
(3)
- Табақта төрт өрік,
Қолымда бір өрік.
Қосқанда барлығы
Болады неше өрік?
(5)
- Алма ағашта бес алма,
Қандай тәтті жесе алма.
Бесеуін де жеп қойсам,
Қалады сонда неше алма?
(0)
Алғашында күнара,
Қонушы еді бір ара.
Бүгін төрт туысын
Ертіп кепті бұл ара.
Келіп қонды неше ара?
(5)

Сергіту сәті:

Оңға қарай, солға қарай

Бір кезде Аю жолығады:

- Бауырсақ, Бауырсақ! Мен сені жеймін! - дейді ол.

- Сендей майтабанға мені жеу қайда? Одан да сенің тапсырманды орындайық.

Мәнін тап:

10 + 1 = 9 + 1 = 7 + 7 =

11 + 2 = 6 + 5 = 12 - 2 =

14 + 1 = 19 + 1 = 10 + 5 =

10 - 9 = 7 - 1 = 9 + 2 =

Сөйтіп домалай жөнеледі. Аю тек көзімен шығарып салады.

Бауырсақ домалағаннан домалап келе жатса оған Түлкі жолығады:

- Бауырсақ, Бауырсақ, қайдан домалап барасың? - дейді ол.

- Жолмен домалап барамын.

- Бауырсақ, Бауырсақ, маған өлең айтып берші!...

- Содан Бауырсақ: «Менің атым Бауырсақ, Бауырсақ! Қаймаққа иленгем, майға пісірілгем, терезеде суығам. Ұстатпай кеттім Атама, ұстатпай кеттім Әжеме. Ұстатпай кеттім Қоян менен Қасқырға. Ұстатпай кеттім Аюға, ұстатпаймын саған мүлде де!» деп өлеңін айтып береді.

Түлкі оған:

- Әнің өте жақсы екен. Бірақ жөнді ести алмай тұрғаным. Бауырсақ, сен менің тұмсығыма шық та, әніңді тағы бір рет қаттырақ айтшы, - дейді.

Бауырсақ Түлкінің тұмсығына домалап шығып алып бар даусымен әнін айтады. Сол кезде Түлкі ұстап алады.

- Түлкі, сен мені жеп қайтесің! - дейді Бауырсақ. Жүр одан да мен сенің тапсырманды орындап берейін.

Түлкі келіседі.

Сандық құрамын тап:

20 15 13

/\ /\ /\

Жолшыбай өздерімен бірге Қоян, Қасқыр мен Аюды ертіп алады. Олар келсе Әжесі көп қаусырма пісіріп қойыпты. Қоянға орамжапырақ салған, Қасқыр мен Түлкіге ет салған, Аюға таңқурай салған қаусырма тиеді. Ал Бауырсақ терезенің алдында өзінің әнін айтып отырады.

Қорытынды:

Сонымен балалар біз сендермен бүгін 1 - 20 дейін сандарды қайталап аяқтадық, бауырсаққа үйіне жетуге көмектестік. Сендерге бүгінгі сабақ ұнады ма? Ұнаса онда сендердің алдарында екі түрлі суреттер жаттыр, сол суреттерден сабақ сендерге ұнаса қуанып жатқан баланың суретін, ұнамаса ренжіп тқрған баланың суретін көтеріндер.