Көлік түрлері даярлық сынып

Мектепалды даярлық тобы: Айналамен таныстыру
Тақырыбы: Көлік түрлері

Мақсаты: а) Оқушыларды көлік түрлерімен таныстыру
б) Ой-өрісін дамыту дуниетанымын кеңейту
в) Қызығушылығын ояту Көрнекілігі: Интерактивті тақта,слайттар,суреттер
Әдісі: Түсіндіру,көрсету,сұрақ-жауап
Түрі: Саяхат сабақ
Типі: Қайталау,пысықтау
Сабақ барысы: Ұйымдастыру
1) Әнұранды айту
2) Таңертеңгі жиын
Қуан,шаттан,алақай
Қуанатын келді күн
Қайырлы таң, қайырлы күн
Күліп шықты күн бүгін
Алақай ,алақай, алақай!
Балалар келген қонақтармен амандасамыз.
Үлкенге де сіз,
Кішіге де сіз
Бар адамды құрметтеп
Бас иеміз біз.
3) Оқушылардың назарын сабаққа аудару

II Өткен сабақты еске түсіру
1) Көлік түрлерін сұрау
2) ,,Ұшақ,, тақпағын жатқа сұрау
III Жаңа сабақ
Көлік түрлері
-Балалар көліктер еліне саяхатқа шығамыз.
1)Тас жол көліктері
Жолаушылар яғни адамдар әр түрлі себептермен бір жерден екінші жерге қатынайды.Біреулер туыстарына барса,енді біреулері сауда жасау үшін бір қаладан екінші қалаға барады.Алыс ауылдар мен қалалар арасында жолаушылар таситын көліктерге,машиналарға мінеді.Машиналар өздеріне керекті жерлеріне тас жолдармен апарады.Қалада көлік түрлері өте көп.Сондықтан адамдар жүретін жолдар және машиналар жүретін жолдар бар.
Тапсырма
Жұмбақ
Бір көзім «кідір»дейді .
Бір көзім «жүгір»дейді .
Бір көзім «абайла»дейді .
Қарап ал маңайға дейді . (Бағдаршам)

Бағдаршам-адамдар мен көліктердің жүрісін реттеп тұрады.
Мотоцикл мен велосипедте-көлік.Оларды бір жерден екінші жерге бару үшін мінеді.
2)Келесі суретте нені көріп тұрсыңдар?
-кеме, қайық.
Олар суда жүретін көлік түрлеріне жатады.
Тапсырма
-Мынау ненің суреті?
-қайық
-Қайық нешеу екенін сана?

3)Келесі суретте нені көріп тұрсыңдар?
-ат ,арба
-түйе
Оларда көлік түріне жатады.Оларды бұрын техника дамымай тұрған кезде мал бағу,жүк тасуға мінген.Қазіргі кезде ауылдық жерлерде көп пайдаланады.

Тапсырма
-Жылқы баласы не деп аталады?
-Түйе баласы не деп аталады?
4)Келесі суретте нені көріп тұрсыңдар?
-Ұшақ,тік ұшақ,әуе шарлары.Олар әуе көлігіне жатады. Қазіргі кезде алыс жерлерге ұшақпен ұшады.Өте тиімді керекті жерге тез жетеді.

Тапсырма
-Балалар мыналар не?
-Әуе шарлары
-Әуе шарларында біз өткен әріптер мен дыбыстар бар екен.
-Хормен және жеке балаға айтқызу.

5)Келесі суретте нені көріп тұрсыңдар?
-Пойыз
- Пойыз -темір жол көлігіне жатады.


Тапсырма:Жұмбақ шешу

Кеудесі бір шетте,
Құйрығы бір шетте
Жалығып кетпедік ,
Үш тәулік жүрсекте. (Пойыз)

6)Сергіту Бала,бала,балақан,
Қане қайсы алақан
Саусақтарың әйбат
Былай,былай ойнат
Топ-топ, топ-топ басайық
Жолаудан гүл жасайық
Жаса-жаса жарқын күн
Жаса-жаса алтын күн

7)Тақтамен жұмыс
Суретте көлік түрлері көрсетілген.Астыңғы бөлікте олардың аттары жазылған.Қай суретке қай көліктің аты сәйкес келетінін анықта.
-Арнайы көлік
-Жүк көлігі
-Жолаушылар көлігі
8)Суреттерді екі топқа бөл.Оң жақтағы бағанға көлік жүргізушілерге арналған белгілерді,ал сол жақ бағанға жаяу жүргіншілерге арналған белгілерді орналастыр.
9) Келесі тапсырма
Осы көліктерді жылдамдығына қарай қатар құра.Жылдамдығы ең баяу көліктен баста.
-Әуе шары
-Кеме
-Жылқы
-Пойыз
-Ұшақ
10)Оқушылармен жұмыс.
Геометриялық пішіндерден көлік құрастырып, жапсыру.
I-қатар: жүк машинасы
II- қатар:бағдаршам

11)Қорытынды. Көліктер
Машина
Ұшақ
Тік ұшақ
Мотоикл
Велосипед
Қайық
Кеме
12)Мадақтау

Сабаққа жақсы қатысқандарыңа рахмет .