Қош келдің, әз Наурыз! атты іс-шараның жоспары

Раздел Дошкольное образование
Класс -
Тип Конспекты
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

«Қош келдің, әз Наурыз »

1-Жүргізуші.Алыстан арып келсең, айран ұсынып «қонақ» десе құрт-майын сақтаған абзал аналар, күлкісі әсем жеңгелер, жақын жүрсе қылығымен сүйсінткен аяулы апа-сіңілер. Сіздерді мерекеміз Наурыз мейрамымен құттықтаймыз. Бүгінгі «Қош келдің, әз Наурыз » мерекелік ертеңгілігімізді бастаймыз.

Келіңіздер,Наурыз күнін қарсы алайық,

Билейік, жыр жырлайық, ән салайық.

Қаһарлы қыстан өтіп,Наурыз келді,

Арқаңды кенге салшы, уа халайық.

2-Жүргізуші. Бүгін Ұлыстын ұлы күні. Ақ түйенің қарны жарылған күн.

Наурыз мейрамы, наурыз - парсы сөзі. Наурыз жана ырыс, күн деген мағынаны білдіреді. Яғни, жана күн, жана жылдың алғашқы күні.наурыз күн мен түннің теңелер мезгілі. Бұл аталарымыз бен әжелеріміз үй-үйді аралап, Наурыз көжеден дәм тататын күн.

1-Жүргізуші. Жер әлемді жайнатып, әнші құстарды сайратып,Наурыз тойын тойлатып, Ұлыстың ұлы күні келді, қонақтар. Той құтты болсын. Ұлыс оң болсын. Ақ мол болсын.( Осы кезде топқа кірген Ақ әже.

.2-Жүргізуші.Жүріңдер Наурыз тойға басып аяқ,

Қалыс адам болмасын ,некен- саяқ.

Ән шырқап, би билейік, қауым болып,

Тұрмайтын уақыт келді өнерді аяп.

Балалардың мерекеге арнап жаттаған өлеңдерін тыңдайық.

Ердәулет: Күн мен айға әлемнің,

Берем ыстық сәлемін.

Қарттарыма сүйсініп,

Сәлем берем иіліп.

Нұрхат. Жайнатамын гүл-гүлді,

Салтанатты сәніміз..

Ән салып жас кәріміз,

Би билейміз бәріміз.

Даяна: Келе жатыр жылымыз,

Мейрамдаймыз мұны біз.

Жас балаша нұрланып,

Жадырыйды күніміз.

Әділет: Ашық болса күніміз,

Ашылады күніміз.

Бай, тұлғалы өңірде.

Айтылады жырымыз.

Ұлпан: Күттіріп келген жыл басы,

Бізбенен берге жырлашы.

Дастарханыма елімнің,

Береке ұрыс сыйлашы.

АрайлымКөктемім төкті нұрды.

Көңілдің кетті мұңы.

Кел достар ән шырқайық,

Ұлыстың ұлы күні.

Балалардың орындауында «Жас дәуірдің түлегіміз» әнін қабыл алыңыздар.

1-Жүргізуші:Бала тәрбиесіне байланысты көптеген салт дәстүрлер бар. Соның бірі тұсау кесу. Бала қаз тұрып, тәй-тәй басып жүре бастаған кезде жасалатын салт-дәстүр. Баланың шешесі шаруаға икемді, елгезек, пысық әйелдердің біріне тұсауын кесуді ұсынады.

Даяна. Сіздерге әдейі тойда сәбиімнің тұсауын кестірейін деп келді. Сәбидің тұсауын жүйрік болсын деп Мерей апайға кестіреді.

Мерей. Қаз,қаз балам, қақ балам,

Қадам бассаң қуанам.

Қаз,қаз балам ,қаз балам,

Тақымыңды жаз балам....

(Тұсау кескен аамға арнайы сыйлық беріледі.

2- Жүргізуші:Келесі бір қуаныштың айнасындай дәстүріміз -сүйінші сұрау . Көптен күткен адамыне жақсы хабары келсе, аты бәйге алса т.б. жағдайларда сүйінші сүрайды.

Олжас. Сүйінші, сүйінші, сүйінші, сүйінші келін түстті, келін түстті.

1-Жүргізуші.

Сүінші сұрап қуаныш арқалап келіп тұрған адамның қолынан қағуға болмайды.

-Қалағаныңды ал айналайын, сенікі- деп ата-әжелеріміз сүйіншілеп келген жанның асты-үстіне түсіп жататын.

(Осы кезде топқа жас жұбайлар кіреді.

2-Жүргізуші. Ауыл адамдарына жаңа жүскен жас келінді таныстыру, келіннің міндетін түсіндіру мақсатында ел жиналып «Беташар» жыры айтылады.Беташар айтқан жігітке шапан кигізеді.

1-Жүргізуші. Халайық, құтты болсын Наурыз тойын,

Ашылған риалықпен достық қойын.

Салтымен ата-баба жарасымды,

Серпілсін тауқыметтен ғазиз бойың.

2-Жүргізуші. Аяғы жерге тимеген.

Мың бұрала билеген.

Бишілер бар біздерде,

Қазақ биін билеген.

Қыздардың орындауында «Қамажай» биін қабыл алыңыздар.

1-Жүргізуші. Ойнайық,ойнайық та ойлайық.

Қатардан артта қалып қоймайық,

Белсенді болайық ортада,

Уақытты тектен-тек жоймайық

Ойын. Арқан тартыс

2-Жүргізуші. Құлақтан кіріп бойды алар.

Әсем ән мен тәтті күй

Көңілге түрлі ой салар,

Әнді сүйсең менше сүй- дегендей балалардың орындауында

«Бала тілегі» әнін қабыл алыңыздар.

1-Жұргізуші Саусағыңнан бал тамған,

Сан түрлі бүгін күйші бар.

Бұрала басып билейтін,

Буынсыз сұлу биші бар.

«Қара жорға»

2-Жүргізуші. Жаңғыртқан дәстүрімді рахмет елім,

Тербетсін шаттық әні қазақ жерін.

Той бастаған қадамың құтты болсын.

Жалғайтын дәстүрімді бөбектерім.

1-Жүргізуші.Сіздерге бар жақсым да,бал тәттім де

Алаңсыз өсіңдерші бейбіт күнде.

Дәстүрім тамыр алып,өркен жайсын

Жалғасып ғасырларға бізбен бірге- деп Наурыз тойының наурыз көжесінен дәм татыңыздар. Лайым наурыз көже дәмі бұйырсын сіздерге.

2-Жүргізуші. Келер Наурызға да төрт көз түгел, уайым қайғысыз, тоқшылықпен жетейік



© 2010-2022