На тему Ата Заңым-ардағым

Ақмола облысы

Бұланды ауданы

«Балдырған»мектеп-балабақшасы

Тәрбие сағаты

Тақырыбы:

«Ата Заңым-ардағым»

Тәрбиеші: Тастубаева А.С.

«Ботақан» тобы

2014 ж.

Тақырыбы: Ата Заңым-ардағым!

Мақсаты: 1. 30 тамыз «Конституция күні» туралы және Қазақстан Республикасы туралы білімдерін кеңейту.Көркем сөз және ән, әңгімелер арқылы балалардың патриоттық сезім қалыптастыру.

2.Туған жерімізді сүюге, Отанға деген сүйіспеншілік тәрбиелеу

Көрнекілік: ҚР рәміздері,Елбасымыздың портретті, Конституция кітабы

Әдіс-тәсілдер: тақпақтар,сұрақ-жауап,өлендер,мақал-мәтелдер

Сабақтың барысы:

1. Ұйымдастыру кезеңі:

-Сәлеметсіздер ме құрметті балалар,қонақтар! Бүгін біздің ұйымдастырылған «Ата Заңым-ардағым» атты тәрбие сағатына кош келдіңіздер.

Қастерлемес даңқын кім

Қадірлемес салтын кім

Әнұраны елімнің

Үні, тілі халқымның

(ҚР әнұраны орындалады)

-Балалар алдымызда қандай мереке келе жатыр?

- Конституция, Ата Заң

-30 тамыз Ата Заңымыз қабылданған күн. Биыл Ата Заңымызға 19 жыл толады. Өздеріңіз білесіздер, ол адамның, қоғамның, елдің құқығын қорғауға арналған. Әрбір елдің өз Ата заңдары болады. Заң болмаса, адам құқығы қорғалмайды, дүниеге келген бірінші күннен бастап сендер мемлекеттің қамқорлығындасыңдар.

- Балалар,Ата заң туралы тақпақтар айтып берейік:

Амира: Шалдықпадым талмадым

Арманды алға жалғадым

Конституция қорғаным

Атасы ол бар заңның

Дария: Бас иетін бар адам

Әрбір сөзі салмақты

Қорғар бәле -жаладан

Ата Заң бұл ардақты

Дидар: Алтын заңым қорғайды

Бар адамның теңдігін

Әділетті қолдайды

Арқа тұтып, ел бүгін

-Ата заңымыз бойынша мемлекет басқарушысы -президент.

-Біз үлкен де, күшті мемлекет Қазақстанда тұрамыз. 130 -дан астам әр ұлт өкілдері бар. Әрбір халықтың салт -дәстүрі мен тілі бар. Ең бастысы

біз, Қазақстан деген ортақ үйімізде әнімізде, сәнімізде жарасып, ынтымақ пен бірліктің нәтижесінде тату -тәтті өмір сүріп жатырмыз.

Біз жас ұлан Отан ана өркені

Үміт артқан болашағы ертеңі

Еліміздің даңқын көкке өрлетіп

Гүлге бөлеп жайнатамыз өлкені

- Сендер, балалар Отанымыз Қазақстан жайында қандай тақпақтар білесіңдер?

Жанболат: Отанды біз атамекен

Туған жер деп сүйеміз

Өйткені, онда бәрімізде

Туып -өмір сүреміз

Ерназар: Біз тілейміз бар бөбек

Бақытты өмір сүргенін

Туған елге еркелеп

Қуанғанын күлгенін

Әдемау: Алтын дәнді даласы бар

Ақ күмістей қаласы бар

Неткен көркем, неткен сұлу

Осы менің туған өлкем!

Нұршат: Отан туған еліміз

Отан туған жеріміз

Тек қана, осы Отанға

Арналады әніміз

Ән: «Туған жер»

-Ендеше балалар бәріміз бірге Отан туралы мақал-мәтелдерді жаттап алайық

Мақал-мәтелдер:

• Отан елдің анасы,

Ел ердің анасы.

• Отан үшін еңбек етсең

Халқыңның сүйген ұлы боласың.

• Отаны бірдің жүрегі бір,

Жүрегі бірдің тілегі бір.

• Отансыз адам-ормансыз бұлбұл.

• Отанын сүйген: отқа жанбайды, суға батпайды.

Сұрақтар:

• Президентіміз кім, ел басқарып отырған?(Нұрсұлтан Әбішұлы Назарбаев.)

• Балалар, біздің Республикамыз қалай аталады?(Қазақстан Республикасы)

• Балалар Қазақстан Республикасының қандай рәміздерін білесіңдер?(Әнұран, елтаңба, туымыз бар).

- Иә, балалар дұрыс айтасыңдар. Ашық аспандай көгілдір туымыз бар. Айбынды елтаңбамыз бар, мағыналы әнұранымыз бар.

Балаларға Қазақстан Республикасының рәміздердің сутеттерін көрсету

- Балалар рәміздер туралы тақпақтарды айтып берейік.

Алан: Айнымайды аспаннан

Біздің тудың бояуы

Оны халық қашанда

Биікке іліп қояды

Данияр: Отан -деген атамекен

Отан -деген туған жер

Отан ана, Отан пана

Қазақстан туған ел!

- Жарайсыңдар, балалар еліміздің рәміздерін өте жақсы білесіндер.

- Ендеше,бір -бірімізге, Отанымызға арнап жылы тілектер айтайық.

Сағыныш: Аспанымыз ашық болсын!

Нурдаулет: Жеріміз гүлге толсын!

Мансур: Елбасымыз аман болсын!

Дария: Балабақша гүлдене берсін!

Қорытынды.

-Балалар бүгінгі тәрбие сағатымыз Конституция күніне арналған. Бүгін біз Конституция,Отан туралы әңгімелестік. Конституция,Отан туралы,рәміздер туралы көбін білдік. Осымен біздің «Ата Заңым-ардағым!» атты тәрбие сағатымызды аяқтаймыз.