- Преподавателю
- Дошкольное образование
- Внеклассное мероприятие Путешествие в мир песка
Внеклассное мероприятие Путешествие в мир песка
Раздел | Дошкольное образование |
Класс | - |
Тип | Другие методич. материалы |
Автор | Досаева А.А. |
Дата | 06.01.2016 |
Формат | doc |
Изображения | Нет |
«Кұм еліне саяхат»
Мақсаты: Ойын барысында құммен бейнеленетін заттың өзіндік сипатын бере отырып мүсіндеуді үйрету. Қолдың ұсақ бұлшық еттерін дамыту. Құмның қасиеттерін бекіту. Мүсіндеуге ынталы болуға тәрбиелеу.
Керекті құралдар: құм, майда тастар, қабыршықтар, майда ойыншықтар, тұқымдар, жапырақтар.
Балалар ойын алаңына шығады.
Шаттық шеңбер:
Күлімде күн күлімде
Күлсін барлық бала шат,
Берекелі бүгінде
Достығымыз жарасқан
Ойнауға біз барамыз
Досымызды табамыз
Сәлемет пе! Міне, мен!
Доспын енді сенімен.
Ойын: «Достық неден басталады?».
Ойынның шарты бойынша балаларға достықтың неден басталатыны туралы сөздер айтады. Балалар «Иә немесе жоқ» деп шапшаң жауап береді.
-
Татулықтан.
-
Сыйластықтан.
-
Төбелескеннен.
-
Өтірік айтқаннан.
-
Көмектесуден.
-
Ренжісуден.
-
Сыпайы болудан.
-
Ойыншық, тәттілерді бөліспеуден.
-
Жарайсындар балалар, достық дегенді түсіндік пе?
Ортаға Құм ханшайымы келеді.
Құм ханшайымы: - Балалар, сәлеметсіңдер ме! Мен Құм ханшайымы боламын. Бүгін барлығымыз бірге «Құм еліне» саяхатқа барамыз.
Ол үшін барлығымыз көзімізді жұмып, мына сиқырлы өлеңді айтайық:
Достар бірге жүреміз
Бірге ойнаймыз, күлеміз
Бірге өлең айтамыз
«Құм еліне» саяхатқа шығамыз.
Құм ханшайымы: - Сендер құммен ойнағанды ұнатасындар ма? (балалардың жауабы)
-
Құммен ойнаған сендерге несімен ұнайды?
-
Балалар, сендер құммен ойнаудың ережесін білесіңдер ме?
-
Мен бұл ережелерді бір қызық кітаптан оқыдым. Ол кітапта былай айтылған:
-
Құмда ойнағанда ешкімді ренжітуге, ұрысуға,төбелесуге және бір-бірімізге құм лақтыруға болмайды.
-
Құм алаңында бәріміз дос болып, неше түрлі мүсіндер жасауға болады. Жасалған мүсіндерді сындырмау керек.
-
Бұл Құм елі - Бейбітшілік елі.
-
Балалар, ережелерді түсіндіндер ме? Олай болса, мен сендерді қызық-қызық ойын ойнауға шақырамын.
«Құм шеңбері» ойыны.
Ойынның шарты: Кез келген әдіспен шеңбер салып оны майда таспен және қабыршықтармен безендіреді. Жасаған құмды шеңберлеріне ат қойып қысқаша айтып береді.
-
Жарайсындар балалар! Бәрі қызықты және әдемі болды. Сендерге ойын ұнады ма? Олай болса келесі ойынды ойнайық.
«Құмда жасырынған ойыншықтар» ойыны.
Ойынның шарты: Балаларды екі топқа бөлу. Құм алаңын да екіге бөлу. Әр топта бірдей мөлшерде ойыншықтар жасырынған. Берілген уақытта қай топ көп ойыншық тауып жинаса, сол топ жеңіске жетеді.
-Жарайсындар балалар! Сендер жылдам, тапқыр балалар екенсіңдер!
-Ал, балалар келесі ойынымыздың аты «Құм ғажайыбы»
Ойынның шарты: Ойын барысында балалар құмнан кез келген мүсін жасау керек. Ол мүсінді әдемілеп безендіру. Ойын соңында әр бала өзінің қандай мүсін жасағанын айтып беру керек.
Құм ханшайымы: -Өте жақсы, балалар! Сендер бүгінгі ойындарымызға барлығын жақсы қатыстыңдар. Менің кететін уақытым болды. Сендер осы құм алаңында ойындарынды жалғастыра беріңдер
Тәрбиеші: Ал, енді балалар, Құм ханшайымына алғысымызды білдірейік:
Кел балалар тұрайық,
Шеңберді біз құрайық.
Көріскенше күн жақсы,
Сау-саламат болайық!
Құм ханшайымы балалармен қоштасып кетеді.