Қарапайым математикалық түсініктерді қалыптастыру Қайталау

Күні: 17.01.15

Технологиялық картасы.

Білім беру саласы: «Таным»

Бөлімдері: Математика

Тақырыбы: Қайталау

Мақсаты:

• балаларды сурет арқылы есеп құрастыра білуге және оның жауабын сұрақтарға дұрыс айтып жеткізе білуге жаттықтыру.

• 10- дейін тура және кері санау;

• Геометриялық денелер жайындағы білімдерін бекіту.

• Логикалық ойлауларын қалыптастыруға, өз әрекеттерін талқылауға және дәлелдей білуге жағдай жасау.

• Жаңа білім алуға деген құлшыныстарын дамыту.

Әдіс тәсілдер: сұрақ-жауап, көрнекілік.

Іс-әрекет этаптары.

Тәрбиешінің іс-әрекеті

Балалардың іс-әрекеті

Мотивациялық қозғаушылық

Үлкенге де сіз,

Кішіге де сіз.
Құрметпенен сіздерге,

Сәлем бердік біз.

Барлықтарымыз бір-бірімізге күлімдеп қарап қуаныш сыйлайық.
Біздің ұранымыз:

Бір, екі, үш,
Сынып іші тып - тыныш.
Жалқаулықты тастаймыз,
Сабақты біз бастаймыз.

Балалар бірге қайталайды.

Келген қонақтармен амандасады.

Ұйымдастырушылық

Ізденістік

- Балалар бүгін бізде ерекеше сабақ. Саяхатқа шыққыларың келеді ме?

- Балалар мен сендерге сондай көңілді, білім алуға құштар кішкентай марғаумен таныстырғым келеді. Бұл Марғау өте әдемі сарайда тұрады. Бірде оның иесі марғауды білім алуға мектепке беру қажет деп шешті. Сөйтіп оқу жылы да көзді ашып жұмғандай өте шықты. Марғауды енді үйге босатты. Міне, осы кезде Марғау жолында әр-түрлі жағдайларға тап болды. (слайд 1)

1.Марғау мектептен шығып үйіне сарайға қарай аттанды. Сарайға бару үшін ауыл ішімен өту керек болды. Осы кезде марғауға ең бірінші кездескен қаздар болды. Марғау неше қазбен кездесті? (слайд 2-3)

2. Марғау ары қарай жүгіріп келе жатыр еді оның алдынан сандар кездеседі. Балалар, марғауға сандарды атауға көмектесейік пе? (слайд 4)

А) санның өсуі бойынша

Ә) санның кемуі бойынша

Б) 8 кем сандарды атайды

В) 4 санынан артық сандарды атайды

3. Үйге қарай асыққан Марғау ағашқа шалынып барып, үлкен иттің алдына барып тоқтайды. Ит болса оған қатты ашуланды. Ит енді оның мектепте қалай оқығанын тексермек болды.

(5-7 слайд)

А) Қай күшік көп, сұр түсті ме әлде тоқ сары түсті ме?

Ә) Балалар далада ойнап жүр. Ұлдар немесе қыздар ма?

Енді мынау сендерге арналған тапсырмалар. Дайындалған тапсырмаларды балаларға таратып беремін.

1.Жолды қысқартпақ болған Марғау қораның ішінен өтпекші болады. Марғау болса қораның ішінде ара бар екендігін ойламаған еді. Ашуланған аралар оған былай ызылдайды: «Марғау, сен бізге енді гүлдердің шырынын жинауға көмектесесің»- дейді. (8-13 слайд)

А) 3+1;

Ә) 4+2;

Б) 8-1;

В) 3+2

Г) 9-1;

Сергіту сәті.

1.Марғау осылай аралардан қашып құтылады. Енді ол сандар тұратын үйдің жанынан өтеді.

А) 4,7,8,9 сандарының көршілерін атаңдар.

Ә) 1 мен 3 санының және 9- 11 сандарының ортасындағы санды атаңдар. слайд (15-19)

2.Марғау енді өзеннің жанына келіп тоқтайды. Судан өтпекші болып енді секіре бергенде, өзеннің тұңғиығынан жайын балығы шығады. (слайд 20)

Жайын балығы жұмбақтар жасырады.

А)Мысықтың 6 марғауы бар.

Төртеуі тәтті ұйқыда жатыр.

Неше марғау ойнап жүр? (слайд 21)

Ә) Көңілді жеті бақа жол үстінде секіріп жүр. Оның үшеуі қатты шаршап жол жиегіне шығып отырды. Оның нешеуі секіруді жалғастыруда? (слайд 22)

Б) Сегіз ешкі жайылымда жүр. Оның бесеуі су ішуге кетті. Қалғандары күннен қорғанып ағаш көлеңкесіне келді. Неше ешкі су ішкісі келмеді? (слайд 23)

В) қосу алу амалдарына есептер құрастыру. (8 балық)

(слайд 24-25)

3.Өзеннен өтіп, ауылдың шетіне шығады. Түзу жолға шыққан Марғаудың басына бірдеңкелер түсе бастайды. Балалар, марғауға көмектесе аламыз ба? (слайд 26-31)

А) геометриялық денелерді атаңдар.

Ә) жетпеген фигураны орналастыр.

Балалар мұқият тыңдайды. Саяхат жасауға келіседі.

Барлығы 9 қаз.

Балалар сандарды атап шығады.

7,6,5,4,3,2,1

5,6,7,8,9,10

3=3 күшіктер тең.

3<4 ұлдар аз, қыздар көп.

Балалар тапсырмаларды орындайды.

Берілген амалдарды орындайды.

Қимылдарды барлығы бірге қайталайды.

Көрші сандарды атайды.

1 мен 3 санының ортасында 2 саны.

9-11 сандарының ортасында 10 саны орналасқан.

2- марғау ұйықтамады.

4-бақа секіріп жүр.

3- ешкі су ішкісі келмеді.

5+3; 8-3

Шаршы оның түсі қызыл.

Тікбұрышты төртбұрыш оның түсі көк. Дөңгелек оның түсі сары. Үшбұрыш оның түсі жасыл және сопақ түсі ашық көк.

Ашық көк түсті үшбұрыш жетіспейді.

Көк түсті шаршы жетіспейді.

Жасыл дөңгелектегі үшбұрыш жетіспейді.

Қорытынды.

• Балалар сабақ сендерге ұнады ма?

• Ұнаса неліктен?

• Сабақ барысында неден қиналдыңдар?

• Өздеріңе қандай баға берер едіңдер?

Балалар сұраққа жауап береді.

Күтілетін нәтиже:

Білуі тиіс:

• 1- 10- дейін тура және кері санай біледі. Геометриялық денелерді атай алады. Негізгі және қосымша түстерді ажыратады. Заттарды санына, қасиетіне байланысты топтастырады, салыстыра біледі.

Түсінігі:

• Өзінің берген жауабын дәлелдей білу қажеттігін түсінеді. Сандардың реттік қатарда өз орыны бар екендігін және 1-9 дейін бір таңбалы 10-саны екі таңбалы сан екендігін түсінеді.

Көрсете білуі: Өздеріне сенімді, тапсырманы дұрыс орындай алатындықтарын көрсете алады.