Біздің кішкентай достарымыз /1-ші сәбилер тобына арналған жоба/

Катонқарағай ауылдық «Айгөлек» бөбекжай-балабақшасы КМҚК

Ж О Б А

Тақырыбы: «Менің кішкентай достарым»

Дайындаған: Сабырбаева Д.А

2015-2016 оқу жылы

К І Р І С П Е

Балаларға табиғат туралы түсінік бере отыра оларды табиғатты аялауға, қамқорлық жасауға шақыру. Табиғаттың адам өмірі үшін пайдасын түсіндіру. Жануарлардың күнделікті ортадағы қажеттілігі мен өсіп дамуының байланысын балаларға түсіндіріп бекіту. Экологиялық тәрбие беру. Саусақ моторикаларын дамыту. Ұжымшылдыққа және бір-біріне көмектесе білуге үйрету, сондай-ақ бала бойында біртіндеп тапсырылған іске жауапкершілік сияқты қасиеттер қалыптаса береді.

Балабақшадағы тәрбие бағдарламасына сәйкес балаларды табиғатпен таныстыру барысында өзара тығыз байланысты білімділік және тәрбиелік міндеттер жүзеге асырылады. Біздің қоршаған ортаны тану, экологиялық тәрбие берудің басты мақсаты-ерте жастан бастап балаларды табиғатты сүйуге, аялауға, оны жақсы көріп, шынайы қамқорлыққа алу, қорғауға тәрбиелеу. Әрбір адамның міндеті- табиғатты сүю, түсіну, қорғау, күту. Бұл тәрбиенің бастауы -ең алдымен балабақшадан басталады. Сол үшін де, қазіргі таңда -балабақшада экологиялық тәрбиеге аса зор мән беріледі.

Бұл менің жобамның басты мақсаты: Жануарлармен дос болу. Балаларды табиғат арқылы адамгершілікке тәрбиелеу және экологиялық білімдерін толық ұғымға жетілдіру. «Мысық» туралы білімдерін тереңдету.

Кіші жастағы балалардың жануарлармен қалай қарым-қатынас жасау керек, қалай ойнау керек, қалай немен қоректенеді, не жейді, не жемейді? Деген көптеген сауалдардың жауабын біле бермейді. Және де, жануарлармен тығыз байланыста болғанда, бала қызығып, ойнағысы келіп қолын созуы мүмкін. Үлкендердің қарауынсыз қалғанда мұндай әрекеттер қауіпті болуы мүмкін.

Алдын -ала жасалған ата-аналармен сауалнаманың қорытындысы бойынша 2 жастағы бала көбінесе жануарлардан қорқады, немесе мүлдем білмейді. Жануарлармен қарым-қатынастағы қауіпсіздік ережелерін түсіне бермейді.

Мақсатыма жету үшін алдын-ала ата-аналармен сауалнама жүргіздім. Тақырыбы: «Менің кішкентай достарым» .Балалардың жануарларға деген сүйіспеншілік сезімдерін ояту. Қорытындысы бойынша анықталғаны -«Бөбек» тобындағы 12 баланың отбасыларының арасында 7 отбасында мысық жоқ екен. Ендеше , бұл отбасыларында жануарларды (Мысықты)сүйуге,

қамқор болуға, күтіп баптауға, қарым-қатынас жасауға деген жағдай жасалмаған. Естен шығармайық! Үйде мысық, ит болса бала амқор болуға, күтіп баптауға, онымен ойын ойнауға, еңбекқор болуға қызығушылығы оянады.

Отбасында жануарларға деген сүйіспеншілік сезімдерін ояту, қамқор болу, қызығушылықтарын ояту мақсатында «Менің кішкентай достарым» деген тақырыпта жоба жасауыма мүмкіндік туды.

Мақсат, міндеттері:

А) Балаларға жануарлардың бірі мысық туралы толық түсінік беру.Сөздік қорын молайту, тілдерін дамыту.

Ә) «Мысықтың» қоректенуімен тіршілік әрекеті туралы түсініктерін қалыптастыру.

Б) Жануарларға қамқор болуға, аялауға тәрбиелеу. Мейірімділікпен қарауға тәрбиелеу.

ЖОБА кезеңдері:

1. Дайындық

2. Негізгі

3. Қорытынды

1 кезең.

Ата-аналармен сауалнама жүргізу.

Балалардың жануарлар туралы білім деңгейін толықтыру.

Ата-аналарға үйге тапсырма беру.

Керекті құрал жабдықтарды дайындау:ермексаз, қағаз, бояу,қылқалам, үнтаспа, көркем сөздер, тақпақтар, суреттер «Мысық марғауларымен», альбом «Үй жануарлары»

2 кезең .

22 ақпан . Дүйсенбі

Күннің бірінші жартысы:

Ұйымдастырылған оқу іс -әрекетіне қонаққа Мысықтың келуі.

Қ/О «Мысық пен торғайлар»

Күннің екінші жартысы

Альбом «Үй жануарлары» Мысықтың суреттерін көру, сипаттау, әңгімелесу

.

Д/ О « Ненің дауысы?»

Ата-аналарға тапсырма беру. Тапсырма бойынша: мысықтың дене бітімі, түсі, көлемі, қимыл-қозғалысы, қоректенуі, дауысы.

Қоректену тәсілі бойынша « тілмен жалау, тіспен кеміру» тілді жаттықтыруға арналған жаттығу : « Мысық қалай сүт ішеді?»

23 ақпан . Сейсенбі

Күннің бірінші жартысы:

Ұйымдастырылған оқу іс -әрекетіне қонаққа Мысықтың келуі.

Пішіндерден мысықты құрастыру.

Мақсаты: балаларды қағазбен жұмыс жасауға үйрету. Олардың түсін, пішінін, көлемін ажырата алуға дағдыландыру.Педагогтің ұсынған шарты бойынша бөліктерден тұратын мысықтың суретін қағаздан кеңістікте дұрыс орналастыра отырып құрастыру.

Қолданылатын көрнекі құралдар: Мысық, мысықтың қиылған пішіндері.

Күннің екінші жартысы:

Мысықпен ойнағандағы қауіпсіздік ережелерін түсіндіру. Тырнағы ұзын тырнап алуы мүмкін.

Ала мысық.

Ала мысық тырнама,

Тырнағаның бола ма.

Ұстайыншы қолыңнан,

Ойнайық жүр соңымнан

жаттау

24 ақпан. Сәрсенбі

Күннің бірінші жартысы:

Сурет салу.

«Мысыққа арналған жіп шумақтары»

Мақсаты:

А) Жіп шумақтарын тығын арқылы бастырып салуға үйрету.

Б) Жұмыс барысында балалардың өз алдына жеке әрекет көрсетууууімен белсенділігін дамыту.

Қажетті құрал жабдықтар: Әр балаға арналған үлестірмелі материал, қызыл бояу, тығындар, қол сүрткіштер, су.

Ала мысық ақырын, аяғыма оралды.Қашып барып жасырын, жіптің бәрін таратты.

Мысықтың қорегі. Мысық нені жақсы көреді.

Мақсаты: Тілді жаттықтыру.

Мысығым

Адал екен бұл мысық. Ала мысық, сұр мысық.

Піскен сүтті кеседен, жалап ішіп тұр екен.

Күннің екінші жартысы:

Қ/О «Мысық пен торғайлар»

Мақсаты:қимыл-қозғалыс белсенділігін дамыту, көңіл күйлерін көтеру

.

25 ақпан . Бейсенбі

Күннің бірінші жартысы

Мүсіндеу.

«Мысыққа арналған балықтар»

Мақсаты: ермексазды алақан арасына салып айналдыра домалақтау, сопақтау арқылы мүсіндей білуге үйрету., тілдерін дамыту. Саусақтың ұсақ бұлшықеттерінің қозғалысын жетілдіру.

Өз қолдарымен жасаған бұйымдардан , суреттерінен көрме жасау.

Күннің екінші жартысы:

Қ/О «Мысық пен торғайлар»

Мақсаты: Қимыл-қозғалыс белсенділігін дамыту, көңіл-күйлерін көтеру.

3 кезең:

Қорытынды:

Жобаның өзектілігі: Тақырыптың өзектілігі- балаға айналаны, қоршаған ортаны тануға көмектесу, соған арнайы жағдай туғызу. Баланың қызығушылығын ояту, дамыту. Айналадағы қоршаған ортаны , заттар мен құбылыстарды көру, есту, қабылдау арқылы өзіндік үрдістер: ес, қиял, ойлау пайда болды.

Күтілетін нәтиже:

Жануарлармен қалай қарым-қатынас жасау керегін түсінеді.

Жануарларға қамқор болу, аялау керек деген түсініктері қалыптасады.

Жобаға ата-аналар да көмек көрсетті. Себебі: балабақшаға мысық әкелуге болмайтын болғандықтан ата-аналар үйде бақылады.

Балалар да бұл жобаға қызығушылықпен қуана қатысты. Жас ерекшелітерін ескере отырып, баланы қызықтыратын, жауап бере алатын, сұрақтар қойып отырдым. Мысалы: Мысықтың құлағы қандай? Ұзын ба,қысқа ма?, Мсықтар түрлі түсті болады. Ақ мысық, қара мысық, сұрмысық, сары мысық. Ал, қараңдаршы, біздің мына мысық қандай түсті? (ойыншық мысықты көрсету)

Д/О «Мысық не жейді?, Мысық қалай дауыстайды? ( үнтаспадан дауысын тыңдату) , Мысықты қалай шақырамыз? Мысықты жақсы көресіңбе?,

Мысыққа қалай қамқор боламыз? Деген көптеген сұрақтармен жұмыс жасадық.

Нәтижесінде, балаларда жануарларға деген, соның ішінде мысықты жақсы көру, дос болу, қамқор болу, мейірімділік, адамгершілік жақсылық жасау деген сезімдері оянды.

Катонқарағай ауылдық «Айгөлек» бөбекжай-балабақшасы КМҚК

Ж О Б А

Тақырыбы: «Менің кішкентай достарым»

Дайындаған: Сабырбаева Д.А

2015-2016 оқу жылы