Атадан қалған асыл сөз

Ата-аналар жиналысы

Тақырыбы: Атадан қалған асыл сөз.

Мақсаты:
Ата-бабамыздың дәстүрлі ұлттық тәрбиесін ата-анасының санасына сіңіру, адамгершілік ізгі қасиеттерге халқымыздың салт дәстүр, әдет-ғұрып, мәдениеті мен өнеріне баулу.

Мен өз сөзімді еліміздің президенті Нұрұлтан Әбішұлы Назарбаевтың сөзімен бастағым келіп тұр:
«Отбасы - қоғамның маңызды буыны және өзінше кішігірім ұжым. Көп ұлт өкілдері мекен еткен мемлекетіміздің негізі осы шағын ұжымдардан қаланады. Осы жағынан кез келген отбасы өзін қоғамның бір бөлшегі деп түсінеді.»
Осынау іс-шараға келіпсіздер жиылып
сәлем бердік сіздерге біз де иіліп.
Ұлың өсіп келеді, ата-ананың үміті
Тәрбиелеп келесіз ел қорғайтын жігітті.
Қыз өсіп келеді шуақ шашып әр үйге
Гүлдей жайнап өссінші сыйлы болып бәріне.
Ата-ананың жүрегі «бала» деп қана соғады
Баласы жақсы адамның Басына бақыт қонады.

Құрметті ата-аналар! Олай болса бірінші бөлімімізді бастайық.
«Артық болмас таныстық»
Ортаға шығып шеңбер құрып тұрайық. Енді құрметті ата-аналар өз есімдеріңіздің алдына адамның бойында жақсы қасиеттің біреуін айтып, өзіңіз туралы қысқаша мәлімет беруіңіз керек.
Мысалы: Мен нұрлы Нұргүлмін, мен көрікті Әсеммін, Мен дарынды Дидармын.
Рахмет, «Гүлдер» және «Балапан» топтарының ата-аналары танысып алдық. Ендеше «Не? Қайда? Кашан?» ойынымызды бастайық.

І топ - «Үкілі жібек»
ІІ топ - «Киелі домбыра»

Ата-аналар жақсылықпен алға қадам басайық
Еліміздің бар үмітін тырысайық, ақтайық.
қазағымның салт-дәстүрін әрі қарай дәріптеп
Халқымыздың ар-намысын әрқашан біз сақтайық!
Қазылар орнықтырар әділдікті
Кімдердің жауаптары кәміл шықты.
Білім мен тапқырлықтың сайысында
жеңіске жетер дейміз нағыз мықты,- дей келе әділқазылар мүшелерімен танысайық:
1. Балабақша меңгерушісі - Сембаева Ақерке Дәулетбековна
2. «Айгөлек» тобының тәрбиешісі, әдіскер - Сахариева бақыт
Дүйсенқызы.
3. «Балауса» тобының тәрбиешісі - Сыбангалиева Асем
Мырзахановна

Ата-аналар екі командаға бөлініп отырады. Алдарында зырылдауық және конверттерде сұрақтар.
Сұрақтар:

1. Қазақ халқында амандасуға айрықша мән берген. Амандасудың түрлерін, жолдарын айтыңыздар. (көрініс түрінде көрсетуге болады)

2. Алыс сапарға, саяхаттқа шыққан адамдар көршілеріне, туыстарына ірілі-ұсақты сыйлықтар әкеледі. Оны қалай атайды? (Базарлық)

3. Бойжеткен ұнатқан жігітіне ерекше дәм береді екен. Оны қалай атайды? (Ұйқыашар)

4. «Ерулік» сөзінің мағынасын ашып түсіндіріңіз. (басқа жерден көшіп келген көршіні, бұрыннан тұратын тұрғындар қонаққа шақырады)

5. Тақымқағар дәстүрін қалай түсінесіз? Мағынасын түсіндіріңіз. (жас жігіт алғаш жолға шыққанда жасалатын дәстүрді, бас қосуды «тақымқағар дейді)

6. «Тәбәрік» деген дәстүрді қалай түсінесіз? Мағынысын ашып түсіндіріңіз. (біреу ойын-тойда бәйге алып, сосын одан жанындағыларға үлес барсе соны тәбәрік деп атайды)

7. Аулақ бол жаман әдеттен. Бала тәрбиесіне байланысты 3 тыйым сөз айтыңыз.

8. Тапқыр болсаң тауып көр. Мақал- мәтелдің жалғасын тап.

Жақсы байқап сөлер..... (жаман шайқап сөлер)

9. Тапқыр болсаң тауып көр. Мақал- мәтелдің жалғасын тап.
   Бала жақсы болса қуаныш....(жаман болса күйініш)

10. Тапқыр болсаң тауып көр. Мақал- мәтелдің жалғасын тап. Әдепті бала ата-анасын мақтан етер... (әдепсіз бала ата анасын қақсатар)

11. Тапқыр болсаң тауып көр. Мақал- мәтелдің жалғасын тап
    Бала жас шыбық сияқты... (қалай исең, солай иіледі)

12. Тапқыр болсаң тауып көр. Мақал- мәтелдің жалғасын тап.
    Қыздың шебер болғанын.... (бармағынан танырсын)

13. Тапқыр болсаң тауып көр. Мақал- мәтелдің жалғасын тап.
    Ұлы бар үйде қуат бар.... (қызы бар үйде шуақ бар)

14. Қазақ халқының қандай салт дәстүрін білесіздер?

15. Қазақтың ұлттық ойындарын атаңыздар.

16. Төрт түлік малға байланысты жұмбақтар.
    а) Өзі күшті, мүйізі мықты, төрт бұлағы сүт, баға білсек құт.(сиыр)

Б) Шайнандайды нағыз, сүттің емі нағыз. (жылқы)

В) Кішкентай ғана бойы бар, айналдырып киен тоны бар. (қой)

Г) Не қалай дауыстайды? Төлдерін ата.

17. Жыл мезгілдерін атаңыз. Әр жыл мезгілдерін байланысты 4 жол өлең оқып беріңіз.

18. Ертегілер еліне саяхат. Балаларға арналған 5 ертегіні атаңыз.

19. Киіз үйдің бөліктерін атаңыздар.

20. Жаңылтпаш айтып беріңіз.
Қарға, қарға, қарғалар
қар үстінде жорғалар.

Бұл қар, сүр қар, сұр қар, кір қар
Үстіне аунама, үстіңді былғар.

Қойымыз семіз,
Қозымыз егіз
Өзіңіз келіп,
Көрсеңіз дейміз.

21. Наурыз мерекесінде пісірілетін ұлттық тағам қалай аталады? Құрамындағы заттарды атаңыз.

22. Әшекей бұйымдарды жасайтын адам кім? (зергер)

23. Қазақ халқында жеті саны киелі сан. Жеті атанызды атаңыз.
Әділқазылар алқасы шешім шығарғанша көрермендермен ойын.
Мадақтау.
Қорытынды:
Біз қазақ-ата-бабамызды пір тұтқан халықпыз. Сондықтан да біз тегімізді атадан, тілімізді анадан тартқан ұлтпыз. Ұрпағымызды жатқа жылатпай, қызды аялап, ұлды ұлықтап тәрбиелеуді өмірлік мақсат етейік.
Үлгі бізге -аталардың ерлігі,
Ұлағаты,өнегесі, еңбегі.
Тәуелсіздік туын ұстап жоғары
Бүгінгі ұрпақ болар елдің ертеңі.
Халқымыз ынтымақшыл, еліміз тыныш болсын.