Армысың, берекелі әз Наурыз!

ЕРТЕНГІЛІК

«Армысың , берекелі әз Наурыз! »

2015-2016 оқу жылы

Зал төрінде сәнді киінген ата қамшы өріп, әже оюлы кесесін сүртіп отырады.

Күй күмбірлеп ойнап тұр. Залға әдемі киім киген балалар келіп кіреді.

Балалар: - Сәлеметсіңдер ме, ата, әже!

Ата: - Амансыңдар ма, балаларым!

Ұлыс оң болсын, ақ мол болсын!

• Әй, бәйбіше, құтты қонақтар келді, қарсы ал мына балаларды!

Әже: - Төрлетіңдер құлындарым. Наурыз мейрамы құтты болсын!

Ата: - Енді Наурыз көжеңді пісір. Мына балалар Наурыз көжеден дәм татсын!

1-ші жүргізуші:

Наурыз мейрам жүректерге нұр сепкен.

Маңдайымнан сүйіп жатыр гүл көктем.

Жарығымен, шуағымен, Күн - Ата,

Алып келдің жер бетіне гүл көктем!

2 - ші жүргізуші:

Наурызым әкелсін деп береке ырыс.

Көжеге толып тұрсын барлық ыдыс,

Жаңадан келе жатқан жылдың басын.

Ақ құйып қарсы алғаның өте дұрыс.

1-ші жүргізуші:

Науырыз келді , Наурыз келді ағайын.

Құшырлана құшағымды жаяйын.

Көктем тау күлімсіреп көк аспан.

Әнге толды, нұрға толды маңайым.

Ән: «Наурызым» «Жұлдыз тобы

2 - ші жүргізуші:

Келіңдер наурыз күнін қарсы алайық.

Билейік, жыр жырлайық, ән салайық,

Қаһарлы қыстан өтіп наурыз келді,

Арқаңды кеңге салшы, уа халайық.

Тақпақтар:

1

1-ші жүргізуші

Күн мен түн теңелді,

Жер шуаққа кенелді.

Соны тойлап ел енді,

Наурыз көктем басталды.

Күн менен түн теңелді.

Ұзарады күн енді.

Гүл мен жерді жайнатып,

Гүлден Наурыз сен енді.

Көрініс: «Күн мен Түн»

Күн: Сәулесі мол Күнмін.

Түн: Жұлдызы мол түнмін.

Бірге: Бірдей болып біздер,

Теңелерміз бүгін.

Түн:Ал ертең күн ұзақ,

Күн: Түн қысқа бірақ.

Бірге: Ұйқы қанбай қалып,

Жүрмеңдер жылап.

2 - ші жүргізуші:

Мың бұралып билеген

Бишіні кім сүймеген.

Қараңдаршы қыздарға

«Тұлпарым» биін билеген.

Қыздар биі: «Тұлпарым»

1-ші жүргізуші:

Кең даланың ежелгі

Қазақ дейтін халқымыз!

Өзге ұлттай біздің де,

Бар дәстүр мен салтымыз.

Рәсім: «Бесікке салу» «Күншуақ» тобы

2 - ші жүргізуші

Біздің жігіттерімізде сегіз қырлы бір сырлы екен. Ендеше жігіттерімізге кезек берсек қайтеді?

Би: «Жігіттер»

2

1-ші жүргізуші:

Жаңғыртқан дәстүрімді рахмет елім,

Тербетсін шаттық әні қазақ жерін.

Той бастаған қадамың құтты болсын,

Жалғайды дәстүріңді бөбектерің демекші ендігі кезекте

«Тұсау кесу» рәсімін қабыл алыңыздар!

Әже: Ал, құрметті қонақтар ұлыстың ұлы күні менің немеремнің тұсау кесу рәсіміне қатысыңыздар. (Әже тұсау кесу рәсімін қысқаша түсіндіріп, жолы ақ болсындеген ниетпен немересінің тұсауын ала жіппен кеседі)

Әже: Қаз, қаз балам, қаз балам,

Қадамыңды бас балам.

Күрмеуіңді шешейін,

Тұсауыңды кесейін

2 - ші жүргізуші

• Балалар, тыңдаңдаршы біру айғайлап ән салып келе жатқан сияқты. Бұл кім болды екен?

(Залға қолына домбырасын ұстап, ән салып Алдар көсе кіреді)

Алдар: - сәлеметсіңдер ме? Халайық амансыңдар ма? Балалар бұл жерде қандай мереке болып жатыр. Бұл жерде мен алдайтын байлар бар ма?

1-ші жүргізуші:

• Амансың ба, Алдар ата! Сіз кімді іздеп жүрсіз?

Алдар:

• Мен алдайтын адам іздеп жүрмін. Ә-ә-ә-ә-ә таптып, таптым, балаларды алдайын (қолан уқалап)

Мен Алдармын, Алдармын

Балалармен ойнаймын.

Ренжіп қалған сәбиді,

Тентектерден қорғаймын.

А-а-а-а-а-а-й!

Құтты болсн Наурызым.

Айналайын балалар!

Қоржыным толған күлкіге,

Ойындарым тағы бар.

Балалар, мен сендермен ойын ойнағым келіп тұр. Сендер қандай ойын білесіңдер?

Балалар: «Қыз қуу», «Ханталапай», «Көкпар» , «Орамал тастамақ» Т.Б.

Алдар:

• Олай болса, сендердің ойындарыңды көрейін.

Ойын: « «

3

2 - ші жүргізуші

Досқа құшақ ашайық.

Өлең жырға басайық.

Қазақтың бір салты деп,

Тойда шашу шашайық.

Әже:

Дәмнен асқан не нәрсе бар жалғанда.

Кім боламыз оны ұмытып қалғанда,

Шашу шашып бауырсақтан мінекей.

Дәм татыңдар , ал халайық жалғанда.

1-ші жүргізуші:

Сыйлай білсең ата-баба мұрасын,

Қазақтардан табылады жыр асыл.

Уа, құдайым оңдасын

Қыдыр бабам қолдасын деп,

Үлкендерден бата тілеп тұрасың - дегендей атамыздан бата алайық.

Ата:

Ардақтадың атаңды,

Мен берейін батамды.

Сыйлап ата-анаңды

Азамат болыңдар саналы.

Уа құдайым оңдасын,

Жаманшылық болмасын.Наурыз тойы құтты болсын!

Ақ мол болсын, Халық тоқ болсын!

Уайым қайғы жоқ болсын! Әумин!

Би: «Қара жорға»

2 - ші жүргізуші

Көтеріп еліміздің кесенесін,

Халықтың несібесі еселенсін,

Жасқа жас, басымызға бас қосылып

Сәбилер күліп ойнап жүре берсін!

1-ші жүргізуші:

Ілесіп наурыз бенен көктем жетсін,

Көңілін үлкен кіші көкке өрлетсін,

Еңсесі көтеріліп ер азамат,

Ескі жылмен реніш, өкпең кетсін! - дегендей наурыз мерекеліріңіз құтты болсын! Наурыз сіздерге бақыт, табыс. Жақсылық әкелсін дей отырып осымен ертеңгілігімізді аяқтаймыз.

Сау саламатта болыңыздар!

4

ЕРТЕНГІЛІК

«Армысың , берекелі әз Наурыз! »

2015-2016 оқу жылы