Конспект утренника на тему: Қош бол, балабақшаі

Зал іші әсем безендірілген, фанфар дауысы естіледі (аудиозапись). Ортаға екі бала шығады.

Қыз: Қош келдіңдер, құрметті қонақтар,

Бізбен бірге қоштасуды тойлаңдар!

Ұл: Гүлдей жайнап өстік балабақшада

Енді бізді есейді деп ойлаңдар,

Енді бізді оқушы деп санаңдар!

Қыз : Ой, мақтаншақ! Біз әлі балабақшамен қоштасқанда жоқпыз ғой.

Ұл(ұялап): Ой, кешіріңіздер!(қызға) шақырайық онда достарымызды.(екеуі қоңырау соғады да кетеді).

Асылбек Еңсеповтың «Балалық» күйімен ортаға балалар кіреді.

I-жүргізуші: Балалар бүгін балбақшамнен қоштасып,

Шәкірт болмақ мектеппенен достасып.

Жайнап өсіп құлпырыпты бал құрақ

Әрбір үйде жанған бір-бір шамшырақ.

II-жүргізуші: Бойыда өскен, ойы да өскен шат бәрі,

Барлығы да бақшамыздың мақтаны.

Еркелеген кешегі ұяң балдырған

Ұл-қыз болды талап отын жандырған.

I-жүргізуші:Олай болса, бүлдіршіндерімізді өз орындарына шақырайық.(балалар орындарына отырады)

Хор. «Біздің балабақшамыз».

1-бала: Қызық күндер өткіздік, балабақша бағында,

Көп оқыдық, көп білдік ел мен отан жайында.

2-бала: Қуанамыз, сыйлаймыз қуаныштың мың гүлін

Бақшамызбен қимай біз, қоштасатын күн бүгін.

3-бала: Ботақандай бөбек деп, еркелеткен ұл-қызын,

Анамызды ерекше қуантатын күн бүгін.

4-бала: Балабақша бесігім, тағы бір той жасайық,

Ашып мектеп есігін, өзіңмен қоштасайық.

Хор. «Қош бол, балбақша!».

1-бала:Аяңда сенің ән-жырды, білімге терең бойлатып,

Өткердік сенде сан жылды, балалық шақты жайнатып.

Мейірімге толы жылы ұям, айқара ашып құшағын

Балапаның боп сенің өзіңнен түлеп ұшамын.

2-бала:Бүгін қызық бүгін той, біздер үшін біліп қой,

Әнге салып, би билеп, жалғастырсын ойды ой.

Би. «Полька».

I-жүргізуші: Айналайын балалар, алда мектеп ана бар,

Өздеріңнен өседі өнерпаздар, даналар

Әрдайым жақсы оқыңдар!

1-бала : Әрине апай оқимыз, білім нәрін аламыз,

Болашақ жолын саламыз,

Бірақ қазір біздерден бір тілек бар сіздерге.

II-жүргізуші: Ал, балалар ол не тілек?

1-бала : Бүгінгі қуанышты мерекеде,

Қызықты өткен күндерге

Қайтарсаңыз бір сәтке.

I-жүргізуші: Ал, Ардақ балалар тілегін орындаймыз ба?

II-жүргізуші: Орындауға тырысып көрейік.

I-жүргізуші: Айналайын гүлдерім, айшуақты күндерім

Бүгінгідей қуанышта, сендер үшін әрине,

Өткен күнге оралайық бір сәтке.

II-жүргізуші: Балалар, қане көзімізді жұмып, өзімізді кішкентай сәбиміз деп елестетейік.

Музыка ойнайды. Көздерін ашады. Кішкене топ балалары билейді.

Балалар : Құттықтаймыз!

I-жүргізуші: Міне осындай жаста сендерде балабақшаға келгенсіңдер

Содан өтті көп күндер, сәбиліктен өттіңдер,

Жеті жасқа жеттіңдер, ойнадыңдар,күлдіңдер.

Асыр салып жүрдіңдер, мерекені әрдайым

Бірге қарсы алдыңдар, көңілді әнге салдыңдар.

Қандай жақсы ет сол күндер!

Қане сол мерекелі күндерді еске алайық.

Хор. «Күз».

Күз келеді: Мен туралы ән ғой бұл. Міне мен.

Жас достар, құтты болсын тойларың!

Күз айынан сәлем бәріңе!

Балалар: Сәлемет пе, Алтын күз!

Күз: Есте ме, балалар көңілді айымыз,

Осы жерде жеміс-жидек жиғанымыз

Енді міне мектепке барасыңдар,

Үлгілі оқушы боласыңдар.

Ал, мектепке дайынсыңдар ма?

Балалар: Ия

Күз: Олай болса көрейік.

Есептер шығару.

Күз: Жарайсыңдар балалар, ризамын сендерге,

Шеттеріңнен мықты екенсің есепке

Би. «Калинка».

Күз: Сүйкімді балғын бала шақ,сендердікі болашақ,

Озат болып оқыңдар, ойға білім тоқыңдар!

Міне тойларыңа меннен мол сыйлық, енді мектепте кездесеміз.

Балалар: Рақмет саған Алтын күз!

Аяз ата туралы ән ойналады. Аяз ата келеді.

II-жүргізуші: Мәссаған балалар, Аяз атаны қараңдар. Жаз айында ол неғып жүр? Әлде жаз бен қысты шатастырып алған ба?

Аяз ата: Мыналар өзі қызық қой, өздерің емес пе өткен шақты еске алып жатқан.

I-жүргізуші: Ия, балалар солай екен-ау.

Аяз ата: Шат көңілді балалар, ақ көңілді балалар,

Ақ киімді атаның, мінезімнің шатағы.

Симай қойдым Антарктидаға, келдім міне балабақшаға

Тойларыңмен құттықтауға, оқу жылын жаңа жылдай

Күтеді ғой балаларды-ай, қадамдарың құтты болсын!

II-жүргізуші:Рақмет Аяз ата, бірақ осы оқу жылы қайда болатынын білесің бе?

Аяз ата ойланып: Бақшада ма, әлде...

Балалар: Мектепте

Аяз ата:Мыналарды-ай, Аяз ата ештеңе білмейді деп ойлайды-ау. Ендеше мен бұларды қатырып тастайын( таяғымен түртеді).

Балалар: Аяздан біз қорықпаймыз, бізге аяз сөз емес

Жазда аяз құлақты да мұрынды да қатыра алмайды.

Аяз ата:Ендеше менде сиқырлы әріптер бар, қане маған мықты болсаңдар «мектеп» сөзін жазып беріңдерші.

Ойын. «Сөз жазу».

Аяз ата:Тамаша.

I-жүргізуші:Балалардың тақпақтарын тыңдаңыз.

1-бала:Мектепке ертең барамыз, оқимыз сауық құрамыз,

Қашық емес арамыз бақшаға келіп тұрамыз.

2-бала:Оқимыз , білім аламыз, болашақ жолын саламыз,

Бақшамызбен қоштасып, мектепке кетіп барамыз.

Хор. «Біз мектепке барамыз».

Аяз ата: Тамаша. Балалар мен еріп барамын, мені салқындататын бір би болса.

Би. «Маска».

Аяз ата: Балалар сәл де болса салқындап қалдым. Рақмет сендерге.

Ал, балаларым, балғындарым, сендерге бар сыйлығым,

Міне, мұнда бола тұрсын, балалардың тойын көрсін.

Ой-ой еріп барамын, шанам қайда тайып тұрайын.

Қош болыңдар!(кетеді)

Есік тықылдайды.

I-жүргізуші:Балалар, өткен шақтан тағы бір қонақ келген сияқтя ғой.

Музыка. Жалмауыз кемпір келеді. Зу-зу етіп жүгіреді.

Жалмауыз кемпір:

Тыңдаңдар, тыңдаңдар, сөйлеп тұрған мына мен бар

Сүйкімді ғана балалар, қырсық шалған шалалар,

Қалай ғана мені тастап, қоштасудың тойын бастап.

Талай, талай мерекеде мен емес пе

Сендерді қызыққа шақырған, әр түрлі ойынға батырған.

Ал сендер, ал сендер(жылайды) мені шақырмай,

Тіпті еске де алмай тойды бастап қойыпсыңдар.

Қандайсыңдар, паңдайсыңдар,сендерді мен жазалаймын

Сендерді мен біріншіге жібермеймін, менімен ойын ойнап,

Билемей мектепке кетпекшісіңдер ме?

II-жүргізуші:Кешір бізді әжетай, жарқыраған айдайсың,

Күлімдеген күндейсің, ор киіктей ойнақтап,

Бір билеші балалармен сайрандап.

Би. «Чунга чанга».

Сағаттың даусы естіледі.

Жалмауыз кемпір :Ойбай, өткен шақтың мезгілі таусылды(қашады).

I-жүргізуші: Міне, балалар, өткен шақтың уақыты таусылып нақты осы шаққа оралдық.

1-бала: Өтті қызық көп күндер жеті жасқа жеттік біз,

Өсті ақыл-ойымыз, өсті міне бойымыз.

2-бала: Ана тілін ардақтап , ата салтын біз көрдік,

Сурет салып, ән жаттап, оқып, жазып үйрендік.

Сүйген өз қыз, өз ұлын « бөбегім» деп аялай,

Балабақша өз үйім, тәрбиеші анамдай.

Хор. «Тәрбиеші».

II-жүргізуші:Ұшырса да өмірдің сан түлегін,

Тәрбиеші тәлімі толастамас мәңгі сын.

Тыншымайтын асыл жандар қадірлі,

Тыңдаңыздар балалардың алғысын.

Балалардың тақпақтары.

I-жүргізуші: Көйлегіңнің желегін, желбіреткен өренім.

Дөңгеленіп билеңдер, өрлей берсін өренің.

Қоштасу вальсі.

II-жүргізуші:Жер бетінде адам өмір өткізер,

Бар нәрсеге біліммен қолды жеткізер.

Бар ізгілік тек білімнен алынар,

Білімменен аспанға жол салынар.