Психологиялық тренинг сабақОтбасы-тәрбиенiң ұясы

Тақырыбы: "Отбасы - тәрбиенің ұясы"

Мақсаты: Бала тәрбиесінің алтын қазығы туған ұясы, өз отбасындағы ата-ана тәрбиесі, өнегесі және ата-ана баланың басты ұстазы екенін түсіндіру, адамгершілікке, мейірімділікке тәрбиелеу, ата-анасын қадірлей, құрметтей білуге дағдыландыру. Әдістері: Пікір алмасу, сұрақ жауап, сауалнама, психологиялық жаттығуларү Тренинг бағдарламасы:

1. «Есімдер аллитерациясы» жаттығуы

2. «Бақытты жанұя» моделін құру.

3. «Диаграмма құрастыру» жаттығуы

4. "Қалай өмір сүресіз?" ойыны

(ата-аналарға арналған тренинг)

5. Жағдаяттарды шешу

6. Мақалдың жалғасын тап ойыны

7. Қортындылау

«Тілек шамы»

Сәлеметсіздер ме құрметті қонақтар! Бүгін сіздердің назарларыңызға ұсынылғалы отырған «Отбасы - тәрбиенің ұясы» аты іс шараға қош келдіңіздер!

Жүргізу барысы:

Алдымен бір-бірімізбен танысып алайық, («Есімдер аллитерациясы» жаттығуы жүргізіледі) Мақсаты: ата-ананың бала тәрбиесіндегі қарым-қатынасы туралы түсініктер беру арқылы ата-аналардың білімін көтеруге көмектесу.

-Есіміңіз кім-балаңыздың есімі. Балаңыздың жағымды қылығы (ата-анасы)

«Диаграмма құрастыру» жаттығуы

Отбасы - силастық, жарастық орнаған орта. Отбасы - бала тәрбиесінің ең алғашқы ұжымы. Отбасының басты қазығы, алтын тіреу діңгегі - бала. Баланың тәрбиелі болып өсуіне берекелі отбасының әсері мол. Отбасының әрбір мүшесі, өзара сөйлесіп, не болмаса ата-ананың, баланың міндетін атқару ғана емес, береке-бірлік, сүйіспеншілікпен араласа, босағасы берік, шаңырағы биік отбасына айналары сөзссіз.

Нұсқау: дөңгелек шеңберді 24 сағатқа бөліп, баланың, ата-ананың бір күндік диаграммасын құру.

Ата-анаға:

1. Ұйқы

2. Балабақшаға

3. Отбасымен қарым-қатынасқа

4. Достарына (ойын)

5. Үй шаруасына

6. Жалғыз болуға

Диаграманы қортындылау

"Қалай өмір сүресіз?" ойыны

(ата-аналарға арналған тренинг)

Барлығы шеңбер құрып тұрады. Жүргізуші (психолог) сұрақтар қойып, қатысушылар қимыл-қозғалыстарды келтіре отырып, жасап береді.

• Қалай өмір сүресіздер? (екі қолдың да үлкен саусақтарын көрсетеді )

• Қалай жүресіздер? (саппен жүреді)

• Қалай жүгіресіздер? (Бір орында тұрып жүгіру)

• Түнде қалай ұйықтайсыздар? (алақандарын біріктіріп, бастарының астына қояды)

• Қалай үндемейсіздер? (беттерін үрлеп, алақандарымен нәзік ұрады)

• Қалай сес көрсетесіздер? (саусақтарымен бір-біріне сес көрсетеді)

• Балалармен ойнағанда қандай сезімде болдыңызда? Өздеріңізді жеңіл, рахат сезіндіңіздер ме? Міне балаларымызда ойыннан рахат, лаззат алады. Ересектерге арналған кеңестер:

Ойын үшін тәжірибе маңызды. Балаңызбен жиі ойнаңыздар!

Кез-келген сезімді түсінуге тырысыңыз, бірақ кез-келген әдетті қолдамаңыз.

Жағдаяттарды шешу

1. Анасы ұлынан еденде жатқан қағазды жинап алуын сұрады. Ол менің қағазым емес деп, баласы қағазды көтермеді. Мұндай жағдайда не істеу керек?

2. Егерде саған бір сиқыршы жолығып, саған отбасыңыздағы бір мүшесімен орныңды ауыстырамын десе, сен кім болғанды қалар едің? Не себептен ол кісінің орнында болғың келеді? Және өз отбасыңды бақытты ету үшін не істер едіңіз?

Мақалдың жалғасын тап ойыны

1.Атаға қарап-...

Анаға қарап-...

2.Ананың көңілі балада,...

3.Ата-ананың қадірін ...

4.Атаның баласы болма ...

5.Баланың жақсысы қызық ...

Қортындылау

«Тілек шамы»

Мақсаты: тренинг туралы пікірлерін ортаға салу. «Міне, қоштасатын да сәт жетті. Біз сіздермен жанұядағы ата-ана мен балалар арасындағы қарым -қатынастың түрлі жақтарын тануға, жан-жақты талқылауға тырыстық. Отбасы, ұшқан ұя-жылылықтың, жылулықтың мекені. «отбасы» атауының мәніне терең үңілер болсақ, оттың да үлкен маңызы бар екенін сеземіз. Сондықтан оттың басы, ошағымыздың түтіні түзу болу үшін «тілек шамы» жаттығуын бір-бірімізге тілек айта отырып жүргізейік. Бір-бірімізге мына шамды бере отырып бүгінгі кездесуден алған әсерімізбен бөлісейік.»

Сіз қандай ата-анасыз?

1.Кез келген ісіңізді тастай салып баламен айналыса аласыз ба?

2.Балаңыздың жасына қарамай,онымен ақылдаса аласыз ба?

3.Балаңызбен қарым-қатынас барысында жасаған қателеріңізді мойындайсыз ба?

4.Өзіңіздің қателігіңіз үшін балаңыздан кешірім сұрайсыз ба?

5.Балаңыз жасаған іс ашуландырған кезде өзіңізді ұстап, ашуды жеңе аласыз ба?

6.Балаңыздың орнына өзіңізді қоя аласыз ба?

7.Бір сәтте сізге мейірімді адам деп сенуге бола ма?

8.Өзіңіздің басыңыздан өткен балалық шағыңыздан ескерілетін жағдай айтасыз ба?

9.Балаңыздың жүрегін жарақаттайтын сөздерді, сөйлем тіркестерін атамауға тырысасыз ба?

10.Балаңызға уәде беріп, жақсы мінез-құлқын ескере отырып уәдеңізді орындайсыз ба?

11.Балаға қалаған ісін жасауға, өзін ұстауға кедергі жасамай бір күн еркіндік бересіз бе?

12.Басқа бала сіздің балаыңызға дөрекілік көрсетсе, себепсіз ренжітсе, көңіл аудармайсыз ба?

13.Балаңыздың көз жасы, дөрекі еркелеуі уақытша екенін білесіз, соған қарсы тұра аласыз ба?

Жауабы:

1.Әрқашан жасаймын, келісемін - 3 бал.

2.Кейде ғана келісемін - 2 бал.

3.Келіспеймін - 1 бал.

Сауалнаманы бағалау өлшемдері:

0-16 Бала тәрбиесі-сіз үшін үлкен проблема. Бала тұлғасын дұрыс қалыптастыру үшін педагог немесе психолог мамандардың көмегіне сүйеніңіз.

16-30 Балаға қамқорлық жасау бірінші кезектегі маңызды іс. Сіздің бойыңызда тәрбиешілік қабілет бар, бірақ тәжірибеде әрқашан бір қалыпты бір бағыттағы мақсатпен әрекет етесіз. Кейде қатал, кейде мүлдем жұмсақсыз. Сізге жауапкершілікпен ойлану керек.

30-39 Бала сіздің өміріңіз үшін ең құнды. Сіз балаңызды тек түсініп қана қоймай, әрі ойын тануға, сыйлы көзбен қарауға тырысасыз.