«Фуд шоу» оқыту бағдарламасы

«Фуд шоу» оқыту бағдарламасы

Бағдарлама «Шаңырақ» отбасылық құндылықтар және үй тірлігіне тәрбиелейтін клубының тәрбиеленушілеріне арналған.

Мақсаты:

тәрбиеленушілерді асүй мәдениетіне, қауіпсіздік шараларын қатаң сақтауға, асүй гигиенасына тәрбиелеу, қонақта және қонақ күту дәстүрін үйрету.

Бағдарлама 3 кезеңді қамтиды.

І кезең - аспаздар фестивалі. Қатысушы топтар фестиваль барысында өздерін таныстырады, және жеңіл әрі тез дайындалаиын ас әзірлеуден сынға түседі. Фаст-фуд тағамдарының зияны, фуршет, швед столы туралы мәлімет беріледі.

ІІ кезең - «Сәнді! Әсем! Үйлесім!» байқауы. Аталмыш байқауда топтар әртүрлі атаулы күндерге арналған дастархан сервировкасын жасаудан сынға түседі. Топтардың сервировка жайында білімі, фантазиясы, қонақтарға қызмет көрсетуі және ас қабылдауға арналған құралдардың қолдану тәртібі жайлы білімі сынға алынады.

ІІІ кезең - «Мерекелік торт» балғын кондитерлер байқауы. Байқауда қатысушы топтар өздерінің мерекелік торт жасаудан шеберліктерін көрсетеді. Дайын өнімді жасап, кремін жағу, соңғы сәндеу жұмыстарын осы жерде аяқтайды.