Вне классный час по биологии на тему Адамзаттың табиғатсыз күні жоқ, оны айтуға табиғаттың тілі жоқ

Іле ауданы, Ақши ауылы

№8 орта мектепке дейінгі шағын орталығымен

«Биология, география пәндерінен «Брейн -ринг» интелектуалдық сайысы»

Тақырыбы :«Адамзаттың табиғатсыз күні жоқ, мұны айтуға табиғаттың тілі жоқ »интеллектуалды сайыс.

Мақсаты:

1.Оқушылардың биология пәнінен алған білімдерін жинақтап,қорытындылау.

2.Оқушыларға әртүрлі сұрақтар беру арқылы биология пәні бойынша білімдерін,шығармашылық қабілетін,дүниетанымдығын дамыту.

3.Оқушыларды шапшаңдыққа,тез ойланып және өз ойын толық әрі еркін жеткізуге, биологиялық тілде сөйлей білуге тәрбиелеу.

Жүргізуші: Құрметті ұстаздар мен оқушылар!

Сайыс десе белсене араласатын көрермен қауым! «Адамзаттың табиғатсыз күні жоқ, мұны айтуға табиғаттың тілі жоқ» атты 5-6-7 сыныптар арасында биология-география пәнінен өткізілетін танымдық сайысымызға қош келіпсіздер!

Ақыл -тон, аңдығанға тозбайтұғын,

Білім -кен, қанша болса азбайтұғын.

Қатарың оза шауып бара жатса,

Арқаңның ауруы не қозбайтұғын,-

деп Тұрмағамбет Ізтілеуов айтқандай, білімдік сайысқа белсене,құлшына араласатын сайыскерлерімізді «Брейнг-ринг» жаратылыстану бағытындағы география-биология пәндерінен өтетін 5-6-7 сыныптар арасындағы интеллектуалдық сайыстың ережесімен таныстырып өтейін: Топ өз мүшелерімен, төсбелгілерімен және ұранымен таныстырып қорғап өтеді. Әр топты смайлик бойынша бағалаймыз.

1.5 сынып

2.6 сынып

3.7 сынып

Енді сайысымыздың негізгі бөлімдерімен таныстырар болсам:

Сайысымыз 3 кезеңнен тұрады:

I.Кезең «Болашақ Ақши ауылы» постер қорғау

II. Кезең «Капитандар» сайысы

III. Кезең « Сен білесің бе?»

Тапқыр,білгір,дарынды

Жарыс бар бүгін арынды

Биология пәнін сүйсең сен

Ортаға сал барыңды-

деп, сайысқа қатысушы топтарға сәттілік тілей отырып, сайысымыздың алғашқы турын бастаймыз.

1- кезең «Болашақ Ақши ауылы» кезеңінде әр топ постер қорғауы қажет. Ақши ауылын, табиғатын қалай көресің? Дайындалуға 7-8 минут беріледі. Ендеше іске сәт.

2 -кезең « Капитандар сайысы» «Егер мен табиғат жанашыры болсам» тақырыбында әр топтың басшысы шешендік өнері, ораторлық шеберлігі сыналады. Топпен ақылдасуына 3 минут беріледі.

3- кезең

Білімнен емеспіз кенде біз,

Өйткені Тәуелсіз елде біз.

Сақадай сай болса өрендер,

Ендеше басталар бәйгеміз.

«Сен білесің бе?» сұрақ-жауап сайысы. Әр топқа 15 сұрақтан беріледі. Әрбір дұрыс жауап берген сұраққа 1 ұпайдан беріледі.

5 сыныптарға арналған сұрақтар топтамасы

1. Ең үлкен материк (Еуразия)

2. Топтасқан аралдар тобы қалай аталады? (Архипелаг)

3. Телескопты ойлап шығарған ғалым кім?

4. Қазақстан мен Орта Азияны зерттеуші ғалым ( Ш.Уалиханов)

5. Жұлдыздардың шоғыры қалай аталады? (Галактика)

6. Күн жүйесіндегі ғаламшарлар саны? (8 ғаламшар)

7. Табиғаттағы құбылыстардың түрлерін ата (физикалық, химиялық, дыбыстық, жарық,жылу т.б)

8. Ауа -райын зерттейтін ғылым (метеорология)

9. Жерді екіге бөліп тұрған сызық (Экватор)

10. Тірі ағзалар үшін негізгі энергия көзі (Күн)

11. Күнге ең жақын орналасқан ғаламшар (Меркурий)

12. Атмосферада кеңінен таралған газ

13. Құстардың сайрауы, су мен жапырақтардың сылдыры қандай құбылысқа жатады? (Дыбыстық құбылыс)

14. 1 литр теңіз суында қанша грамм тұз болады? (35 грамм)

15. Балық аулау үшін кәсіпшілігі ең жоғары мұхит (Атлант)

6 сыныптарға арналған сұрақтар топтамасы

1.Тірі ағзалардың тіршілік белгілерін сақтайтын ең кіші құрлымдық бөлшек қалай аталады? (Жасуша)

2.Алматы мемлекеттік қорығы қайда орналасқан? (Іле Алатауында)

3.Ең алғаш микроскопты ойлап тапқан кімдер? (Ағалы-інілі Янсендер)

4.Өсімдік мүшелері нешеге бөлінеді? (2-ге вегетативті және генеративті)

5.Қазақстанда тұңғыш рет қай жылы «Қызыл кітап» жарыққа шықты? (1978ж)

6.Қағазды қандай өсімдіктен жасайды? (шырша, арша, терек)

7.Ең жылдам өсетін өсімдік (Бамбук)

8.Мақалды аяқтаңыз

Қыз өссе елдің көркі,

... .... .... (Гүл өссе жердің көркі) .

9.Жапырағы мен бүршігі бар бұтақтанбаған жас сабақ (Өркен)

10.Бұл өсімдік фотосинтез үрдісінде түзілетін, қоректік заттардан басқа бунақ денелермен ұсақ жәндіктермен қоректенеді.Ол түрін өзгерткен аулаушы жапырақтары арқылы аулайды. Әдемі түсі, жағымды иісімен бунақденелерді өзіне тартып, жапырақ бетін бірден жайлап алады.

Қосымша көмек: Жапырақтардан ерігіш ферменттер бөлініп, бунақ денелерді қорытады. Жыртқыш өсімдік. Ол қандай өсімдік?» (Шыбынжұт)

11.Мүктерді зерттейтін ғылым (Бриология)

12.Күннің жарық энергиясы әсерінен болатын құбылыс не деп аталады?(Фотосинтез)

13.Ең ірі жеміс (Асқабақ)

14.Жапырағы түгел тікенекке айналып кеткен өсімдік (Кактус)

15.Өсімдіктің өсімді мүшелері (Тамыр, сабақ, жапырақ)

7 сыныптарға арналған сұрақтар топтамасы

1.Өсімдіктер әлемін зерттейтін ғылым.(Ботаника)

2.Жасушаны ашқан ғалым (Роберт Гук)

3.Өсімдікпен жануар арасын байланыстыратын бір жасушалы жәндік (Жасыл эвглена)

4.Өзіндік құрылысы бар белгілі бір қызмет атқаратын ағзаның бір бөлігі (Мүше)

5.Жануарлар әлемін зерттейтін ғылым (Зоология)

6.Жасыл эвглена қалай қозғалады (Талшық арқылы)

7.Тек өсімдік жасушасына тән оргонойд (пластит)

8.Ең кіші бақаның көлемі (0.5 см)

9.Ең кіші құс ұзындығы, салмағы қанша? (колибри, 5 см, салмағы 1.5 гр)

10.Әлемдегі ең кіші ит (чихуахуа)

11.Ең әдемі құс және қанатының ұзындығы (Павлин, 7метр)

12.Ең ұзақ өмір сүретін жорғалаушы (тасбақа 300 жыл)

13.Жолбарыстың неше жолағы бар? (6000 жолағы бар)

14.Ең үлкен өрмекші (Тарантула)

15.Балықтарды зерттейтін ғылым (Ихтиология)

Жүргізуші: ҮІ. Қорытынды.

Білімнің қырларын жүйелеп,

Ғылымның сырын біз ұғайық,

"Білгір биологтар" атанып,

Жеңістің шыңына шығайық.

Сонымен бүгінгі «Адамзаттың табиғатсыз күні жоқ, мұны айтуға табиғаттың тілі жоқ» сайысы өз мәресіне жетті. Енді кезек марапаттау кезеңіне өтеді.

Алда әлі де биік -биік асулардан көріне беріңдер деп тілек білдіреміз.

Қош сау болыңыздар!