Қосмекенділердің жалпы сипаттамасы атты ашық сабақ жоспары (7 сынып)

«Қоңыр орта мектебі

мектеп жасына дейінгі шағын орталығы бар»

КММ, биология пәнінің мұғалімі:Канабеков Сымбат Муратаевич

Биология: 7-сынып.

Тақырыбы: Қосмекенділер класының жалпы сипаттамасы.

Сабақтың мақсаты: Қосмекенділер класына сипаттама бере отырып, бақаның сыртқы және ішкі құрылысы, оның тіршілігі, жылдық тіршілік циклы, қоректенуі, көбеюі және дамуы туралы, қосмекенділердің түрлері, дернәсілдердің балықтарға ұқсастығы туралы түсіну.

Сабақтың түрі: танымдық, жаңа сабақ

Сабақтың типі: жаңа материалды меңгерту.

Сабақтың әдістері: әңгіме - сұхбат, топтық жұмыс,интерактивті тақтамен жұмыс, дәптермен жұмыс, кітаппен жұмыс.

Оқыту технологиясы: СТО,АКТ стратегиялары.

Сабақтың көрнекілігі: Биология 7 сынып, "Қосмекенділердің ішкі құрылысы" таблица, "Бақаның ішкі құрылысы" видео, маркер,түрлі-түсті шарлар, плакат,т.б.

Сабақ кезеңдері:

І. Ұйымдастыру кезеңі

ІІ.Психологиялық дайындық.

ІІІ.Қызығушылықты ояту

ІҮ.Мағынаны тану

Ү.Ой-толғаныс (рефлексия)

ҮІ.Үйге тапсырма

ҮІІ.Бағалау.

Сабақ барысы:

І.Ұйымдастыру бөлімі. Сәлемдесу.Түгелдеу. Зейіндерін сабаққа аудару.

ІІ.Психологиялық дайындық: «Түрлі-түсті шарлар» тренингі. Оқушылар бір-біріне түрлі-түсті шарларды бере отырып, жақсы тілектер айтады.

Сыныпты топқа бөлу: сары, қызыл, жасыл түсті шарларды таңдау арқылы сыныпты үш топқа бөлемін.

1 топ: Баяндаушы топ: жаңа тақырыпты баяндап береді.

2 топ: Түсінік беруші топ: жаңа тақырып ішіндегі жаңа сөздіктерге түсінік береді.

3 топ: Ізденуші топ: қосмекенділер жөнінде қосымша материалдар жинақтайды.

ІІІ.Қызығушылықты ояту. «Қосмекенділер туралы» видео көрсету.

Қосмекенділер туралы не білетіндерін сұрау.

Жаңа сабақтың тақырыбын,мақсатын хабарлау.

ІҮ.Мағынаны тану: Әр топ жаңа тақырыпты өз беттерінше меңгеріп, постерлерін қорғайды.

Сергіту сәті:

Топтық жұмыс:

а) Бақаның даму жолдарын ретімен орналастыру керек.

Уылдырық- Ересек бақа- Құйрықты итшабақ- Ұрықтанған уылдырық- Дернәсіл- Құйрықты бақа

ә) «Биологиялық пошта» ойыны :

Қосмекенділерге тән қасиеттерді бір конвертке жинау керек.

Сабақты қорытындылау: «Бір айналым сөйлем» стратегиясы.

Жаңа тақырып бойынша түсінгенін әр оқушы бір сөйлеммен айтып шығады.

Ой-толғаныс (рефлексия): «Бағдаршам» әдісі. Тақтада ілінген бағдаршамның суретіне стикерларды жапсырады.Жасыл түс- жақсы түсінгенін, сары түс- әлі де оқу керектігін, қызыл түс- түсінген жоқпын дегенді білдіреді.

Үйге тапсырма: § 53 оқу, сөзжұмбақ, ребус құрастыру

Бағалау: бағалау парақтары беріледі, топтағы екі бала бір-бірін бағалайды.