Презентация по биологии на тему Ботаника - өсімдік туралы ғылым

Пәні: биология Сынып: 6 «А», «Ә»

Сабақтың тақырыбы: Кіріспе. Ботаника - өсімдіктер туралы ғылым. Жер бетінде өсімдіктердің көптүрлілігі туралы жалпы мәліметтер. Ботаникалық білімнің негізгі қолданылуы. Өсімдіктердің табиғаттағы және адам өміріндегі маңызы. Қазақстанда кең таралған өсімдіктер.

Сабақтың мақсаты:

1.Білімділік: Ботаника ғылымы, жер бетінде өсімдіктердің көптүрлілігі, ботаникалық білімнің негізгі қолданылуы, өсімдіктердің табиғаттағы және адам өміріндегі маңызы және Қазақстанда кең таралған өсімдіктер туралы түсінік беру;

2. Дамытушылық: Оқулықты дербес пайдалана алу, негізгілерін бөліп көрсетіп, оқулық мәтінімен жұмыс істеу іскерліктерін дамыту;

3.Тәрбиелік: Ботаника ғылымының негізгі мақсатымен, өсімдіктердің табиғаттағы және адам өміріндегі маңызымен таныстыра отырып, өсімдіктерді қорғай білуге баулу.

Сабақта қолданылатын жаңа технология түрлері: ақпараттық технология.

Техникалық құралдар түрлері: интерактивті тақта

Сабақтың типі: жаңа білімді игеру сабағы,

Сабақтың әдісі: дәріс

Сабақтың көрнекілігі және жабдықталуы: Кесте: «Жер бетіндегі өсімдіктердің көптүрлілігі», суреттер

Пәнаралық байланыс: география, химия 1. Ұйымдастыру кезеңі: сәлемдесу, отырғызу, оқушыларды түгендеу, сынып бөлмесінің және оқушылардың санитарлық-гигиеналық жағдайларына назар аудару.

Жаңа сабақты түсіндіру кезеңі: Тірі организмдер жер бетінде кеңінен таралған және олар сан алуан. Олар құрлықта, суда, шөлді жерлер мен тау басындағы қар мен мұздықтарда да кездеседі. Қаншама алуан түрлі болса да тірі организмдердің барлығына ортақ белгілері бар. Тірі организмдер өздерін қоршаған ортамен зат алмасады, тыныс алады, қоректенеді, көбейеді, өседі, дамиды.Тірі организмдер денесі жасушалардан тұрады.

Тірі организмдердің табиғаттағы маңызы ерекше зор. Олар бір-бірімен тығыз байланыста өмір сүреді. Барлығы оттегі газымен тыныс алып, көмірқышқыл газын бөліп шығарады. Оны өсімдіктер реттеп отырады. Олар бір-бірін қорек етеді.

Биология ғылымы (грекше «биос» - тіршілік, «логос» - ғылым) тірі табиғат, яғни тірі организмдер туралы көп салалы ғылым. Солардың ішінен: ботаника (грекше «ботанэ» - шөп, өсімдік) - өсімдіктер әлемін, зоология (грекше «зоон» - жануар, «логос» - ғылым) - жануарлар әлемін зерттейді.

Биология (грекше: «биос» - тіршілік, «логос» - ғылым) - тірі ағзалар туралы көп салалы ғылым.

Зоология

Микробиология

Ботаника

БИОЛОГИЯ

Анатомия

Селекция

Генетика

Кез келген адам өзінің туған жерінде кең таралған тірі ағзалар, олардың тіршілігі жайлы білуі керек. Сонда ғана адам табиғат қорғау ісіне белсенді қатысады. Туған жеріне, табиғатына зор пайда келтіреді.

1920-1930 жылдары «Өсімдіктану» оқулығын Ж.Күдерин жазды. Биология ғылымдарының докторы, академик Н.И.Павлов Қазақстан Республикасының өсімдіктерін зерттеді. Өсімдіктің жаңа 130 түрін ашты. Өсімдіктер туралы «Қазақстан Республикасының Қызыл кітабын» В.П.Голоскоков, М.С.Байтенов жазған, А.Ы.Жандеркин, Б.М.Мусин, К.Мыңбаев, Қ.Дүйсембин және т.б. ғалымдар биология ғылымына көп еңбек сіңірді.

Осы аталған ғылымдардан ботаника ғылымы, оның мақсаты мен міндеттері, өсімдіктер әлемінің көптүрлілігі, олардың табиғаттағы және адам өміріндегі маңызымен осы сыныпта танысасыздар.

Өсімдіктердің қазір бетінде 500 мыңдай, Қазақстанда 5600-дей түрі бар.

Бөлме өсімдіктері өте пайдалы. Олар бөлменің ауасын тазартады, ондағы көмір қышқыл газын сіңіріп, оған оттегін бөліп шығырыды. Ал егер өсімдіктердің көлемі үлкен болып, бөлмеге жарықтың енуіне кедергі жасаса, ол зиянды.

Табиғат дегеніміз - адамның тіршілік етіп отырған ортасы. Адамдар да тірі табиғат бөлшегі ретінде жер бетінде өмір сүріп, табиғатты қорғауға, оның байлықтарын тиімді пайдалануға, денсаулығын сақтауға ұмтылады. Адам табиғаттан тамақ, киім, дәрі-дәрмек, отын алады. Олай болса Сендер де табиғаттың жемісі ретінде өз мүмкіндіктеріңше қоршаған ортаны қорғауға, күтіп баптауға белсене атсалысуларың қажет.

Бекіту сұрақтары:

1. Табиғат дегеніміз не?

2. Тірі организмдерге нелер жатады?

3. Оларға қандай белгілер тән?

4. Биология ғылымы нені оқытады?

5. Ботаника пәні нені оқытады?

6. Өсімдіктердің қандай маңызы бар?

Сабақты қорытындылау. Оқушылар ботаника ғылымы, жер бетінде өсімдіктердің көптүрлілігі, ботаникалық білімнің негізгі қолданылуы, өсімдіктердің табиғаттағы және адам өміріндегі маңызы және Қазақстанда кең таралған өсімдіктер туралы түсініктерме танысады.

Үй тапсырмасы: Кіріспе. «Мені қоршаған жасыл әлем» эссе жазу

Рефлексия кезеңі: Оқушылар сабақ барысында алған әсерлерін ортаға салады.