Стихотворение Су буенда кондызлар

Су буенда кондызлар.

Су буйлары нык үзгәрде

Күрсәң ямьлелекләре!

Анда бу яз күчеп килде

Тырыш су җәнлекләре.

Елгыр оста төзүчеләр

Үз итте ягыбызны.

Матур яшәү үрнәгенә

Күмделәр яныбызны.

Суга тиз-тиз өя-өя

Чыбык-чабык салалар.

Кырыс салкын кышка кадәр

"Йорт"лы булып калалар.

Безнең якның чисталыгын

Күрсәтүче билге бу.

Башка җирләргә дә үрнәк

Ала торган өлге бу.

Сокланыйк без кондызларга

Телик исәнлекләрен.

Саклап яшәргә тырышыйк

Тырыш су җәнлекләрен.

Илләр-көннәр тыныч булсын,

Иңләп аксын елгалар.

Исән булсын бар тереклек

Имин булсын дөньялар.

Рәфия Зәкиева,

Азнакай районы Чалпы урта мәктәбе укытучысы.